Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27794 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
martedì 21 marzo 2006 - ore 15:14
EL PENSIERO DE BERLUSCONI!
(categoria: " Università / Scuola ")
Un giornalista ruspante, tale Bano Florindo del Portelo, ze riussio a avissinare el Cavaliere del’Apocalisse e porghe la seguente domanda:
- El me scusa Presidente, ma se sputacaso el vegnesse rieleto cossa penseo de darghe ai studenti e ai pensionati??? -
Dopoi na longa riflession ecove l’eloquente risposta del nano più grando del mondo
.jpg)
LEGGI I COMMENTI (3)
-
PERMALINK
martedì 21 marzo 2006 - ore 14:59
STEFANIA NOBILE RITIRA TUTO!!!
(categoria: " Pensieri ")
la nota inbrojona Stefania Igor Nobile dita Stefania Ig-nobile, de punto in bianco ga dito: "No ze vero che farò el porno-porseo... me sò ritirà!" Falsa, busiara e mendace!!!... no ze vero che la se ga ritirà... ze invesse vero che ala ferale notissia se ga "ritirà" i atressi dei più quotai professionisti del trapanento sessuale conpreso quelo del stratega Roco Sfredi, quelo che ga tronbà in direta cinematografica anca el buso del seciaro!!!
Foto-someja de Stefania Ig-nobile
LEGGI I COMMENTI (2)
-
PERMALINK
lunedì 20 marzo 2006 - ore 15:48
ORORE!!!
(categoria: " Pensieri ")
Serto che Silvieto visto nudo mete trancio!!!
LEGGI I COMMENTI (4)
-
PERMALINK
lunedì 20 marzo 2006 - ore 15:45
EL BERLUSCA SCAENA’
(categoria: " Riflessioni ")
A Vicensa, probabilmente dopo na potente sumansa (legi "indigestion") de gato in tecia, el Berlusca ze andà ala riunion dei industriali che se industria e ga tacà na nosa micidiale: el ga tacà a brontolare, po’ el ga tacà a porchi e resie, saltare de qua e de là cofà el cavaron dela monta Pelissa, trare insulti oribili, spuare sul popolo.. infin el ze cascà in tera de rabalton indove el tacà trare peadoni pararia, tanto che i ga ciamà el Cardinal Tonini dito "Renga salà in majo" in qualità de esorcista par chietarlo... Pena passà la crisi i delegatti de Forsa Italia se ga spelà le man forsa de aplaudire e Dela Vale ga fato na scorezona co la boca... Prodi invesse ga dito: "Ormai el Berlusca ze fora co le oche!"... Secondo mi i ze fora coe oche tuti e i poe andare a farse ciavare o mejo farselo metare de bruto intel posto che tuti savì!!!
LEGGI I COMMENTI (2)
-
PERMALINK
domenica 19 marzo 2006 - ore 11:03
PANTO GA SPANTO (fora dal bocae)!
(categoria: " Pensieri ")
Secondo el noto politologo (del casso!) ’Rnesto Bigato dito Pissainbraghe, el solerte popolo veneto par vedare sodisfati i propri bisogni (i famosi "bisogni del popolo") dovaria votare el signor Panto, quelo co la facia da quajo che strepita a tonfone dale so television e che fa dei spot che someja teribilmente a queli del sior Ranpon Mobilificcio che par vendare na marsa de carega fa dele figure de merda micidiali!!!... Se presume che se Panto vien eleto solo vardandolo la parte del popolo che sofre di stitichessa galopante acuta avrà imediato beneficio... ’Rnesto conclude l’intervista cantando l’abominevole canta sigla del’inponente programa eleterale del nostro: DIVENTERAAAAAAAAAA’ REALTAAAAAAAAAA’
Prrrrrr... PRRRRRRR... Prrrrrrrrrrrrrrrrrrrrr, toh, ciapa!
LEGGI I COMMENTI (5)
-
PERMALINK
sabato 18 marzo 2006 - ore 17:13
RISOLTO IL GRANDE DILEMMA!!!
(categoria: " Lavoro ")
" Ze nato prima l’ovo o la galina?".. questo terificante squisito teologico dela madonna che ha tegnutto svelli meiari de siensiatti di tuto il mondo civile e anca incivile (chel ze tanto de più!), finalmente ze stà risolto dal prof. Tilio Forasesta laureà in "Ovi, oveti e ovoni e chi no ghe crede na scarpà sui coj..." presso l’Academia dele Sienmse Insulse a Busa de Vignonza...
"Ze indubiamente nata prima la galina, parché se fusse nato prima l’ovo del galinaceo el gavarìa sielto n’altro posto dal quale esso vegnere fora!"
El rajonamento no fa una grespa ("grinza" in italian), quindi confermiamo la grande scoperta del milenio.
Il Forasesta ha concluso l’intervista con un’altra dichiarazione esplosiva:
" Se il fagiano è un gallinaceo allora la gallina è un fagianaceo!"
Possiamo ora concludere affermando che il Forasesta è un testa di cazzo stile Calderoli!
Sesso complesso!!!
COMMENTA (0 commenti presenti)
-
PERMALINK
venerdì 17 marzo 2006 - ore 21:34
ULTIMA ORA!!!
(categoria: " Vita Quotidiana ")
L’Agensia Ansia ga comunicà che Bertinoti ga afermà solenemente che el ministro Calderoli ze na testa da casso!!!... Imediatamente Bertinoti se ga becà do denuncie: una par difamassion e una par difussion de segreto de Stato!!! ahhhh...ahhhh...ahhhhhh!!!
LEGGI I COMMENTI (5)
-
PERMALINK
venerdì 17 marzo 2006 - ore 13:07
STEFANIA NOBILE SE DA AL PORNO PORSEO!
(categoria: " Riflessioni ")
I lo ga dito ieri sera intel telegiornale: Stefania Nobile (de nome ma no serto de fato!) ga parla col porseon de Schicchi e ga deciso de darse al porno... Me pare giusto: dopo aver inculà na paca de zente insieme co la senpia sberegona de so mare ze giusto che la passa da st’altra parte dela baricata: overo che sia ea a ciaparlo intel bussoloto.. Spero solo che i so patner no dòpara ne vaselina né butiro... Cossì le sente che gusto che ze!!!
LEGGI I COMMENTI (7)
-
PERMALINK
giovedì 16 marzo 2006 - ore 08:50
BRESPA SE NASSE, PUTANE SE DEVENTA! (Confuciasso = Confucio + Basso)
(categoria: " Riflessioni ")
"Putana" = colei che fa mercimonio della fritella umana; Diminutivo: "putaneta"; Accrescitivo: "putanon"; Dispregiativo: "putanassa" - "putanassa da stassion o da Campo Marte" - "putanassa marsa" - "putanassa putrefata" - "putanassa da tre brassi un franco" (valore dei buei par insacare i saladi)
L’insulto teribile: "Quando te sposito che dopo vegnemo a putane casa tua?"
L’insulto classico: "Chea putana de to mare!"
El modo de dire: "Andare a putane col saco da polpe" essere un emerito puttaniere porco (le polpe sarìa le barbatietole)
Proverbio: "Dona che mena l’anca, se no la ze putana poco ghe manca!"
Mi pregio di inserire la foto-someja dela putana più famosa del tubo catodico o catolico italian ... Tratasi gnentepopodemanco che del slandron de Bruno Brespa... el giornalista sensa peli sula lengua... e se li ga de sicuro no i ze i sui!!!
Ste soleni informassion ze trate fora dal "Manuale maleducato del’insulto inprecassion e frasi onte venete" de Walter Basso. Ed. Scantabauchi - Seconda edizione - nelle librerie
COMMENTA (0 commenti presenti)
-
PERMALINK
mercoledì 15 marzo 2006 - ore 17:19
BRUNO BRESPA!!!
(categoria: " Riflessioni ")
Dopo el scontro (?) tra il Colosso di Prodi e il Cavaliere dell’Apocalisse (overo el scontro verbale tra na mortadela e un salado), definio da tuti na struma micidiale, na rotura de cojoni monumentale, na cagada fora dal bocale, el giornalista pralinato Bruno Brespa dito "Chi strissia no scapussa!", ze in forte agitassion e se frega le man cofà el Paroco de Paposse quando verze le buste dei fedeli... Spera de fare el colpacio e lecare do culi in contenporanea in modo tale che qualunque dei do gabia da vinsare la carega (sinbolica) televisiva resta senpre sua... Anca parché semo tuti qua che spetemo el prastico dela casa de Parma e de vedare in studio el mona de Taormina, el criminologo Bruno co la so scavejara ludra e il pissicologo da saloto Paolo Crepet che dise l’ovio che più ovio no se poe gnanca col candegio... Par conpletessa de informassion meto na foto someja de Bruno in version bigato ( vulgo "verme")... Toh ciapa!!!
LEGGI I COMMENTI (2)
-
PERMALINK
> > > MESSAGGI PRECEDENTI
[ SONO OFFLINE ] 