Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27794 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
martedì 14 marzo 2006 - ore 16:21
ECO EL FRACACIOPE!!!
(categoria: " Vita Quotidiana ")
Ala facia dei putei che more de fame: eco un eclatante esenpio de FRACACIOPE overo un toseto sgionfon e tondo cofà un porseo da grassa... Secondo mi sto esenplare se poe tranquilamente definire parente streto del Mostro de Firense co na picolissima variante sula definission: uno gera un SERIAL KILER e st’altro invesso ze un SERIAL KINDER!!!
LEGGI I COMMENTI (6)
-
PERMALINK
lunedì 13 marzo 2006 - ore 15:22
OROSCAPO DE MARSO (valido par tuti)
(categoria: " Accadde Domani ")
I èbeti de Saturno e Giove slansarà influssi concomitanti e catarifrangenti del porco e fuori. Ciò provocarà un mese orendo che scumissiarà col tonfo del bocieta più picolo drento la biologica. Lo tirarè fora fodrà de caca umana chel pararà un loamaro anbulante o na merda co un toso tacà. In più el maledeto ga bevuo cofà un pessegato-barbon cussì col fià el tegnarà a distansa tuta la fameja. La mojere, in fase de ovulassion, sarà più rabiosa de na tigre afamà col mal de denti. Dopo do dì che la siga par gnente sgiaventeghe na scarpà sui dentoni da cavalo. El nono, estremamente rincojonìo, usarà cofà sputachiera el bicere che doparè par lavarve i denti e par fare i gargaritmici. Porchi e resie in quantità esorbitante.
Lavoro: se fusse vero che chi no lavora no magna i nostri ministri dovarìa essare tuti morti de fame da mileni!
SEsso: a ritmo alternà. On dì no e st’altro anca. Le done colaborarà cofà cadavari dopo el rigor mortis
Salute: consilio na otima autopissia
Tenpo: scravazzi, ventoseo che tira, broza che ve broarà verze e capussi.
LEGGI I COMMENTI (2)
-
PERMALINK
domenica 12 marzo 2006 - ore 20:02
GO FAME!!!! STEME ALA LARGA!!!
(categoria: " Pensieri ")
El proverbio in tema: " El ze nato inte la càmara dei saladi"... par dire che uno ze tuto mona. Vedi Butilione.
COMMENTA (0 commenti presenti)
-
PERMALINK
domenica 12 marzo 2006 - ore 16:21
ANCORA UN SORISO!
(categoria: " Vita Quotidiana ")
Sucede a Ciosa
Na mama ciosota porta el bocieta de sie mesi incalcà de snaroci dal medego pederasta (overo el medego dei putini).
- El me controla el meonato, dotor - dise la femena -ze do dì che scagassa ch’el pare un oco - e el cria a tonfone... Ch’el gabia le rachete???
- La me lo fassa palpugnare siora - ribate el médego guantando par le strasse el putin... - Ma... Ma... sto bocia spussa da vin come la bote umana de so pare....
- Serto ch’el sa da vin: el ga pena bevù na onbreta...
- Ma zela mata?... o sema?... ma quanto galo sto desgrassià??
- Sie mesi, sior...
- E no la sa, cara la me siora, che i boce a sie mesi no ga assolutamente de sbevaciare vin???...
- Ah, no??? e cossa gavarali da bevare alora???
- LATE, siora, LATE par Dio... o fruto di suca ehmmm suco di fruta, al massimo, toh ciapa, na ranciatina.... na no vin, orco qua orco là (el medego gera andà fora dala grassia de Dio)
- Ma zelo mona dotore??? No disarà miga davero?: LATE DOPO EL FOLPO go da darghe???
A PROPOSITO DE PESSE ECOVE EL PESSESEGA!!! el mascote dei singol... e de queli che ze timidi...
COMMENTA (0 commenti presenti)
-
PERMALINK
sabato 11 marzo 2006 - ore 15:53
PAROLE & PAROLASSE e Barzeleta par ralegrare la giornata
(categoria: " Pensieri ")
PAROLE & PAROLASSE
macaco agg., s.m. sciocco; grullo; dal francese “macaque”, dal portoghese “macaco” = nome generico di scimmia; el fà el macaco fà lo stupido; el termine macaco vien sovente usà anca nel’anbito cosidetto, co rispeto parlando, sessuale: Toni ga el cicio che fa el macaco significa molto prosaicamente che il signor Antonio ha il pisello che invece di compiere il proprio dovere con la patner di turno se ne frega e mantiene la solidità di un etto di formaggio stracchino.... (prov.) a vìvare co la testa nel saco, ze bon ogni macaco vivere nell’ignoranza è facilissimo. Vedi Aldo Biscardi
morsegare v. mordere; dal tardo latino “morsicare” = mordere, da “morsus, -us”, participio passato di “mordere”; co’l ride el se mòrsega le rece persona con bocca larga; (scherz.) el ga morsegà le tete a so mare si dice di persona particolarmente cattiva; per fare un esempio attuale si può pensare al ‘arabasso Moamed Bin Laden, che oltre che cativo come el colera ze anca estremamente ronpicojoni e maleducato....
ostia!, ostarìa!, ostiamenta!, òstrega!1, ostregheta! escl. perbacco!, caspita!, accidenti!; dal latino “hostia, -ae” = vittima; i termini “ostarìa”, “ostiamenta”, “òstrega” sono occultativi di “ostia”; sono stati creati per non avere problemi col parroco che essendo religioso-praticante-osservante non tollera assolutamente che si nomini il nome di Dio invano. E gnanca quelo dei parenti più stretti. E ghe dà fastidio anca che se tira le parole de vago sapore eclesiastico! ostarìa del mandolato! esclamazione scherzosa; ostiamenta, che rassa de rogna! perbacco, che gran problema!; òstrega, che toco de mona! accidenti, che pezzo di cretino!
scagassare v. defecare; da “cagare”. El termine, vagamente spregiativo, se usa quando uno ze aflito da scagoto fulminante e quindi passa gran parte della giornata (e della nottata) in cesso, sentà sul sanitario, co l’espression disgustà. Ieri go scagassà anca el sarvelo ieri ho avuto una diarrea mostruosa. Il fatto di dire di aver defecato il cervello è solo una metafora. A parte che a serti personagi publici el fato poe èssarghe capità....
segon s.m. sega usata da due persone; accrescitivo di “sega”, da “segare” che è dal latino “secare” = tagliare, dalla radice “sek” = tagliare; tirare el segon respirare affannosamente... Per i ragazzini in età puberale “segon” assume tutt’altro significato che passo testè a spiegarvi: bassa manovra della destra economica dell’adolescente che ha appena visto il calendario della Ferrilli
trivelin s.m. succhiello; da “trivelo” = trivello, dal tardo latino “terrebellus”, dim. di “terebra” = succhiello, da “terere” = tritare; conpagnia del trivelin compagnia di buontemponi; banda di disonesti; oci a trivelin occhi penetranti altrimenti detti spermatozoici; pìsseghi a trivelin pizzicotti dati torcendo la pelle; baso a trivelin bacio sensuale e erotico che si dà durante l’ato sessuale onto e nel quale la lengua umana frugna drento la boca come un can da usma....
tana s.f. tana; (volgare) organo genitale femminile; (volgare) métarlo in tana compiere l’atto sessuale; (prov.) dona nana, tuta tana gioco di parole scherzoso
LA BARZELETA
Alla fiera del bestiame de Montorso un giornalista se ferma davanti a do esenplari superbi de vache... Una tuta bianca l’altra tuta nera e domanda curioso al contadin che le ga in custodia:
- Mi scusi, signor villico, ma quale delle due bestie fa piu’ latte?
- Pì late?... ma quea bianca, sior!!!. La fa la belessa de ventisinque litri de late al dì, ostregheta!!!
- Perbacco!... Incredibile!.... E quella nera?
- Quela nera?....Ancaaaaaa!!!
- Ah ecco... ehm... e mi scusi signor villico ma quale delle due mangia di piu’?
- Quea bianca, la magna come na bestia!!!, el se pensa che la magna sinquanta kili de fen al dì, sta ingorda!
- Perbaccolina!... più di un ministro.... e quella nera ?
- Quela nera, el me domanda?: Ancaaaaaaaa!!!
- Porc... ma... ma... mi scusi e mi consenta, quale delle due pesa di piu’?
- Quea bianca pesa de più: oltre mèsa tonelata, co la testa fora dala balansa, ostregassa porca!!!
- Ah, sì?!?.......... e quella nera ?
- Quela nera?: Ancaaaaaaaaaaaaaaaaaaaaaaaaaaaaaa..........
- Mi scusi sa, ma non capisco: io le ho fatto tre domande e lei, mi ha risposto sempre decantando quella bianca, e poi mi ha sempre confermato che la nera è uguale, gualiva, conpagna....
- E lora?: Parche’ quea bianca la xe mia, me pare ciaro!!!!
- Ah è sua!!... Adesso si spiega tutto.... E quella nera?
- Ancaaaaaaaaaaaaaaaaaaaaaaaa!!!!!!
El consilio doto a cura de Checo Joni laureà in Vache Vedei & Porsei presso L’Academia La Stala del Mas-cio
La storieta sora citata fa parte del setore “barselete par tore par el sésto l’uditorio”... Se voi contarla in publico co gran sucesso ve consilio de farlo co la conplicità de raquanti amissi e amighe selvàdeghi. Se po’ sti selvàdeghi ze anca abondantemente irigai de graspe e merlò mèjo ancora... Questi ga da fare el coro quando che vialtri disì “Ancaaaaa”... Più che questi siga più l’efeto sganassada cresse: se racomanda vivamente de interpretare el contadin co vosse stentorea e agricola....
Foto someja de Mister Mona 2005
COMMENTA (0 commenti presenti)
-
PERMALINK
venerdì 10 marzo 2006 - ore 12:39
LE PAROLE ANBIVALENTI... Cultura rurale!
(categoria: " Scienza e Tecnica ")
A cura del dialetologo prof. Walter Basso (prof. sta par "profumiere")
Ammanco = " a pochi schei"; Mi gò cronpà un paltò cofà el too a manco de ti!"
Cacofonica (musica) = "musica che fa andare de oco"... Par esempio le canson de Mino Reitano se poe definire opere de cacofonia più potente de na tripla dose de Euchessina Forte
Cassonetto = "membro maschile dopo il bidè"... No coment par non sbrissiare nel’onto gratuito
Corrimano = frase urlata al sior Mano mona durante un un furto dal Toni Sepa il palo che aveva visto arivare le forze del’ordine: "Cori Mano!!!"
Cubitale = Ragassa di cui si ignora il nome (quindi una "tale") che si ramena sora un cubo. Quindi una "cubista ignota".
Culla = "uomosessuale"... Il termine viene doparato in cotal guisa dai soponi che voliono parlare in italiano e non sono buoni... Come esempio porto una tradussione dal veneto al’italiano fatta a scuola da tale Nineto Subia dito Traforo: Me pare che me pare tapà da cula para un toco de mona "mi sembra che mio sembra otturato da culla sembri un pezzo di vagina"
Elefante = dimanda che pone il putino ala mama cuando verze il frigorifaro e drento catta solo bire e gnente ranciate: "Mama e le Fante?"
Filippica = mojere (o marìo?) de Costanso che se ga dà (finalmente) al’ipica
Furbo = voce del verbo "furbire", prima persona dell’indicativo presente:"io furbo, tu furbi, egli furbe, noi furbiamo, voi forbite, essi furbono"
Metafora = "roba mèza dentro e mèza fora"... "la me màchina ze mèza dentro e mèza fora, insoma la ze metafora"
Monarca = un mona che se ga cronpà na barca
Monologo = "longo discorso tegnù da un mona"... Il termine però ha anche, secondo il nostro illuminato punto di vista, un altro significato, gnanca tanto recondito: "ginecologo padovan"!
Ossidante = "scheletro di un certo signor Dante"... nonostante le vaste ricerche non semo riusciti a capire chi membro maschile eretto fosse questo signore.
Palinsésto = "sésto pien de pali"; ma se canbiamo l’acento da verto a sarà canbierà anche il significato in veneto: palinsèsto = "pali che se tien in bon"
Piumone = "insieme di cretini" o anche "gruppo di bandoni" ovvero di donne dalle curve e curvoni imperiali
Staffetta = "Sta feta" de solito riferia a na slepa abondante de polenta: "Ara qua che me ciavo sta feta de polentona!"
COMMENTA (0 commenti presenti)
-
PERMALINK
giovedì 9 marzo 2006 - ore 13:45
TOH CIAPA!
(categoria: " Vita Quotidiana ")
.jpg)
Eco là... questa signori ze pura "par conicio"!
LEGGI I COMMENTI (2)
-
PERMALINK
giovedì 9 marzo 2006 - ore 13:41
MORTADELA (Prodi) O SALADO (Berlusca)???
(categoria: " Riflessioni ")
Romai semo ala fruta (marsa e putrefata!)... i do contendenti no sa più che casso prometarne onde sgnacarmelo in culo (sensa vaselina!).. Eco quindi che Berlusca ga fato la carta de oro onde fornire ai VIP (Veci In Pension) teatro, cinema e treni agratis... più 800 euroni neti de pension al mese!!!.. Prodi rilancia e dise che lu darà no 800 euroni ma bensì 1000 a cranio... Alora Berlusca se intavana e ghe mete sora na dentiera nova co palà e tuto... - Ah, sì, - dise Prodi - e mi alora ghe regalo a tuti i mas-ci un pagapalo e un catetere firmà da Cavali (essendo questo un stilista del casso!) e par le done na padela co letore cd parché le amanti del lissio possa farse "quatro salti in padela!"... Alora Berlusca ga afermà solenemente che darà el Viagra a tuti... pian a tuti.. solo ai vecioti malà de core: cussì i andrà in mona più in pressa possibile!!!... e "dulcis in findus" in omagio cassa da morto in mogano col veludo drento par tuti queli che ga el bonsenso de defungere el primo dì de pension!!!.. Domanda d’obligo: CO TUTI STI VANTAGI CHI CASSO VOTEMO???
COMMENTA (0 commenti presenti)
-
PERMALINK
mercoledì 8 marzo 2006 - ore 09:45
SIORI POLITICI, ME GAVI’ PROPRIO SCASSA’ I COJONI!!!
(categoria: " Pensieri ")
Dopo l’orendo tiramola tra Prodi el scorezon e Berluscojoni el busiaro che no voe incontrarse o scontrarse in television: - Mi vago ma... - E mi no vegno! - E mi invesse vegno se.. - Mi invesse voria che.. ecc... mi rispondo: no voìi andare in onda?... No? e ALORA ANDE’ IN MONA!!!... ma ecove qua soto na me esperiensa durante sta canpagna leletorale...
Ze rivà l’ora dele elession!!!... Drio le strade, in ogni canton dove ghe sia un metro quadro de spassio de muro, de prastica, de lamiera ghe ze na inponente fioritura de manifesti dove te vedi siorati e siorate vestìi e petenai da messa cantà che te soride tirando le bocasse che se no ghe fusse ai cantoni dele politiche testone le rece, ste bocasse incalcà de denti che slusega, farìa el giro dela testa...
Mai e digo mai che ghe ne sia uno in maneghe de mudande tuto suà, spanto sul divano drio vardare la television o fotografà drio mandare a ramengo uno che core pian par la strada come ghe sucede a tuti i comuni mortali... Machè, senpre tuti in dopiopeto, incravatà e cussì contenti e alegri come se ghe fusse pena morta la suocera!... Par no parlare dele done tute tirae, tapae secondo l’ùltimo sigo dela moda. E ognun de sti can...didati gà el so bravo slogan e ognun ze il più onesto, el più lavoratore, el più sincero, el più mejo "ca ghemo" insoma...
Ma no ze miga tuto qua: qualche partito più originale invesse dele solite faciote da quajì che ride come dei mone ga solo scrito i slogan che serte volte mete la zente in gran dificoltà...
Fasso un esempio: cossa vol dire la scrita che gò visto su uno de sti carteloni: "Arrivi a fine mese?"... la dimanda poe èssare equivoca o retorica... Se la leze uno che ga un tumore la ze equivoca e la assume un significato portasfiga e quindi el porocan dopo aver scalumà atentamente se toca i ovi, recita un scongiuro abinà a quatro porcassi e no vota chel partito gnanca par morte morire... se invesse la leze un disocupà o un operaio metalmecanico (in sto caso la dimanda ze retorica come la risposta) questi, riflete do secondi, po’ cava na montagna de porchi granda senpre... e po’ par dispeto vota par n’altro partito... Quelo invesse che riva tranquilo a fine mese ze contento, no ga gnente da lagnarse e quindi vota el partito che ga goernà fin desso e manda ramengo quelo del cartelon...
Ma no basta gnancora: ghe ze adirutura manifesti che contien erori de ortografia... pensa ti... ghemo da votare dela zente che ga da risanare l’Italia (pensa che popo’ de suche che ghe vorìa!) e questi no ze gnanca boni de scrivare un slogan nela so lengua!!!... a proposito de erori un sior, ga dito in television estremamente contrito che purtropo el popolo (che saressimo nialtri) ze ignorante patoco e che quindi lu parla senplice in modo che nialtri pori mone capimo... Grassie, sior... semo parfin comossi... Solo che sto potensiale deputato ga publicà dosentoesinquantamie (miga sento o dosento!) depliants e bilietini promossionali sui quali doveva canpegiare solo na parola "SCRIVI" e el so nome... solo che purtropo ze stà scrito "SRIVI"... pensè na sola parola... una sola e anca sbalià... e dopo questo ne dà del’ignorante a nialtri????... e voe el me voto???... ma pussa via, inalfabeto, disgrafico e de ignorante acuto!!!... Giuda bestia can... che desso taco rabiarme!!!
Bon, l’altro ieri sò andà in centro parché gavevo un apuntamento in comune e go traversà la piassa proprio nel giorno de marcà... No lo gavesse mai fato!!!... Sò stà ferma na marea de volte, la magior parte dele volte da parfeti sconossiuti che me informava che i candidati che lori rapresentava gera i più mejo... onesti, gran lavoratori e che no speta altro che tacare suare giorno e note proprio par mi e la me fameja. E ste persone par ripagarme del disturbo che le me arecava avendome fermà, gentilmente me ga tute invidà in bar a bevare calcosseta...ansi no calcosseta... proprio TUTO QUELO CHE VOLEVOI!!! E sicome che mi gò un animo delicato e no vorìa mai che qualchedun ghe restasse male me sò inpongà come un oco da grassa... Cussì in un paro de ore me sò ciavà tre cafè, do machiati co late intierio e caldo, oto spriss, un gingerino, sinque stramesini e un paro de brioss ala crema pasticera.
Naturalmente mi gò garantio a ognuna de ste brave persone che gavarìa sicuramente votà come le me consiliava e quindi gò cortesemente saludà e po’ sò tornà casa passuo e lori contenti morti ze rientrà nei so casotini eletorali...
Ma no gò miga gnancora finìo: nei giorni sucessivi, a ogni ora del dì, altri perfeti sconossiuti se ga presentà casa mia par saludarme, scanbiare do ciàcole, informandosse come va el me lavoro, scoltando i me problemi, par po’ butare là quasi disinteressatamente pochi secondi prima de partire par el vasto mondo che se mi gavesse dà a lori el me voto la me vita, quela dela me fameja, dela nassion italiana e anca tuta l’Europa sarìa canbià par senpre. Naturalmente in mèjo.
E senpre naturalmente mi a ognun de sti bravi siori dò da la me parola che el me voto sarìa sta tuto e solo par lori...
Dopo ghe ze stà anca queli che no podendo vegnerme saludare a casa de persona me ga scrito... e questo me ga fato un grandissimo piassere parchè serti me ga scrito proprio a man co la pena biro celeste e solo che a mi... Infati sula letera nela prima riga che jera proprio el me nome e cognome "Walter Basso".. la roba me ga anca un fiatenin inbarassà parché mi sò de norma persona de rara e sublime educassion e desso me sento in dovere de risponderghe...
Purtropo, e me vergogno a dirlo, gò poco tenpo cussì go pensà de fare na letara tipo a conpiuter, canbiarghe solo el nome e spedirgherle cussì a tuti...
Lo sò che no dovarìa fare cussì ma proprio no ghe la fasso a rispondarghe a tuti... Speremo che no i se acorza senò chissà quanto male che i stà!!!...
Eco. Desso calcolando che su na maniera o su st’altra me ga contatà sirca otantatrè persone mi dovarìa farne dare, co vago in gabina, almanco otantatrè schede in modo da mantegnere la parola data votando su ogni una un nome difarente... E no me pare che questo sia possibile.
Inoltre se da el caso che mi dal punto de vista politico sia un renitente, un inboscà, un disertore, e inoltre no gabia su sto setore nissun senso del’onore quindi quando andarò drento el famoso sgabiosso co la matita in man el me voto ghe lo darò a chi che me comoda senpre che sia de luna bona senò poe sucedare che intel me segio al momento delo spolio el presidente se cata in man na scheda co scrito sora in bela caligrafia: "Ve sì magnà fora tuto... a sto punto magneve anca questa!" e tra le setantò pieghe del folio salta fora na bela fetona de salado... A bon intenditore poche parole...
LEGGI I COMMENTI (4)
-
PERMALINK
martedì 7 marzo 2006 - ore 13:40
ONCO’ NO GO’ VOJA DE SCHERSARE
(categoria: " Riflessioni ")
Oncò vojo svestire i pani soliti mii de umoristà scaenà e maleducato par dire na roba seria: vardando el viseto de Tommaso, pensando a quelo che ze drio sucedarghe (aldelà de chi poe èssare stà a sotrarlo ala fameja), me vergogno de far parte de sta specie che ze definia GENERE UMANO... No poe esistare giustificassion par ze drio conportarse cussì... Chi procura soferense a un toseto ga da vegnere escluso in eterno dala società civile... Definirli bestie ze ofendare i animali che difende i propri picoli anca solo par istinto... Spero che oltre ala giustissia umana ghe ne esista n’altra che possa condanarli par senpre al’ignominia e ala soferensa. Altro, sti delinquenti infami, no se merita. Spero che sta vergogna nassionale possa finire presto e ben!
LEGGI I COMMENTI (7)
-
PERMALINK
> > > MESSAGGI PRECEDENTI
[ SONO OFFLINE ] 