Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27794 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
sabato 25 febbraio 2006 - ore 17:58
A PROPOSITO DE MENGACI...
(categoria: " Riflessioni ")
El ze la dimostrassion vivente che l’omo dissende dala simia.. Unico neo ze che lu ga ancora de finire de dissendere!!!
LEGGI I COMMENTI (4)
-
PERMALINK
sabato 25 febbraio 2006 - ore 15:38
RIFLESSION PAR VIVARE MEJO co tradussion in veneto par chi no conosse l’italian
(categoria: " Riflessioni ")
Quando te sì intavanà... quando pare che tuto vada par storto... Quando i zebedei perde quota e te voressi spuarghe in coste al mondo... quando ala matina no te te alsaressi gnanca co un mitra pontà sula schina, ricordate una de ste senplici frasete... magari le poe darte na man a ritrovare el soriso...
“Impara a non sudare per uno sbadiglio”
Tegnere duro, no stufarse subito... avere energie.
“A provocare un sorriso è quasi sempre un altro sorriso”
L’alegria, la disponibilità ze l’unico virus che dovarìa inpestare el mondo
Fermati ad annusare il dolore: è molto istruttivo!
Da qualunque esperiensa se vissua co otimismo se poe ricavare del bon
“Per arrivare all’alba, l’unico sentiero è la notte”
Solo chi passa traversa el dolore apressa la vita.
“Quando gli elefanti lottano ne va sempre di mezzo l’erba”
Basta pensare ala guera. El più bastonà ze senpre el popolo
“Accendere un fiammifero vale infinitamente più che maledire il buio”
Brontolare e no darse da fare no serve a gnente
“L’ottimista è una persona che fa collezioni d’attimi”
L’otimista vive ala giornata e gode dele picole robe dela vita
“Tante volte avremmo 1000 motivi per suicidarsi: cerchiamone 10 per vivere”
Trasformemo el negativo in positivo
“La rassegnazione è un suicidio quotidiano”
Lotare ne juta e stare vivi
“I SORRISI SONO COME I LAMPIONI
LUNGO LE STRADE:
FANNO GRAN LUCE E COSTANO MOLTO MENO!”
LEGGI I COMMENTI (4)
-
PERMALINK
venerdì 24 febbraio 2006 - ore 18:46
SCUP GRANDO SENPRE!!!
(categoria: " Accadde Domani ")
E’ co somo piacere che andemo a presentare in esclusiva mondiale el fiolo segreto del macaco de Davide Mengaci (macaco nel senso de spece animale).. Come se poe vedare el bocia ze la copia spacecà de so pare anche se la facia da mona ze mitigà dala giovane età... Cussì mentre el dadive se poe definire un sior mona el putin se poe definire un giovine mona!.. Dela mare no savemo gnente ma stemo ben instesso. Bongiorno e ossequi ala signora!
LEGGI I COMMENTI (7)
-
PERMALINK
giovedì 23 febbraio 2006 - ore 14:36
RALEGREMOSE LA GIORNATA...
(categoria: " Pensieri ")
Na bona solussion
Dal ginecologo del consultorio se presenta un omo zovane tuto spasemà:
- Dotore, - el taca criare - lu ga da jutarme.. mi gò un grosso problema e...
- Calma giovinoto, - interonpe el luminario fritologico - na roba ala volta: sta forsanco lei parlando di sconvolgenti problemi atinenti ala sfera sessuale maschile e che coinvolgono la sua patner???
- Sì... si, - pantesa l’omo - ma no solo dela sfera... de tute do le sfere e anca del mànego... insoma, mi e la signora gavemo problemi co fasemo l’amore...
- Problemi, tshhhh , - dise el médego monalgico co sussiego - se fa presto dire problemi... el se sbrocca el me conta...
- No... no... mi no posso contarghe... sior, bisogna che lu proprio el me veda tuti e do in assion... ansi el me prenota na visita dela mutua che vegno qua co la signora...
- Uhmmm uh... . disse el prof. - va ben... la richiesta me sona strana ma la contentarò.. el vegna doman co la signora...
El dì drio i do riva, se spoja, se trà sul letin e i taca andare zo de spassolon... El mèdego osserva co ocio clinico e co i ga finìo dise:
- A mi personalmente me pare che tuto funsiona puito... mi no vedo indove stà el problema...
- No’l vede el problema??? - siga l’omo inpirandose le mudande - ma alora lu no stà atento... ma galo visto la signora?... Ze mejo che el ne riveda anca la setimana prossima!
Novo apuntamento e nova violenta stramassada sul letin senpre co l’ocio del grande clinico in osservassion...
- No lo sò... no capisso... forse me sò distrato ma mi no vedo problemi... se lu se spiegasse mejo... forse..
- E va ben, sior, tra oto dì fasemo l’ultima prova.. dopo ghe spiego...
I do torna puntuali, esegue co inpegno le varie manovre e dopo...
- Insoma, - siga el medego - me gavì stufà: SI TUTI E DO PEFETAMENTE NORMALI... Basta... spiegheme va volta par tute cossa ve preocupa e dopo andé fora dale bale!!!
- Eco... dotore... desso ghe despiego tuto: nialtri semo tuti e do sposai, ma se volemo ben... Alora ogni tanto gavemo bisogno de fare l’amore... e qua sorge el problema: nei nostri apartamenti no podemo farlo parché i podarìa scoprirme... in màchina stemo scomodi... l’albergo costa l’ira de dio... Invesse qua da lu ze sicuro in più no costa gnente parché paga tuto la mutua... Podemo, sior medego, tormnare anca la setimana che vien???
Paura
Sala parto... na femena co na pansona estrema ze trata sul letin pronta a scodelare el putin meonato... Tuto torno infìarmiere, levatrici e davanti, proprio di fronte al’uscita, ghe ze el ginecocolo-ostretico... un omasso de sirca sentotrenta chili co na barbona nera da metare paura anca a Giuliano Ferara... L’omo taca sigare:
- Presto siora, che qua el sole magna le ore, la spensa che tiremo fora sto bocia malnato che dopo gò da andare a sapare i bisi... la spensa gò dito... ansi la fraca!...
La femenata spaventà spense che par poco ghe s-ciopa la testa e difati ad un serto punto, da dove tuti savì, vien fora la suca del bocia... El médego lo guanta par na recia, lo tira fira, lo ciapa par i più come un conicio e ghe mola do sganassoni sul muso... El bocia taca sigare a tonfon...
Cussì el mèdego sodisfato lo sgiaventa sula balansa par pesarlo... Intanto la femenata spense fraca e dopo pochi minuti eco spuntare n’altra sucheta... L’omasso barbuto guanta anca questo lo tira fora, lo riaguanta par i piè, ghe mola do s-ciafoni sula boca e lo sgiaventa sula balansa...
La femena spaventà continua a spensare ma no sucede più gnente... Alora el ginecocolo contento dise:
- Siori mi gavarebbi finìo... dasì un paro de ponti ala fritela scassata.. mi vago sapare i bisi... se ghe ze rogne ciameme... -
Ciapa la porta e sparisse al’orisonte...
Proprio su quela dal solito buso vien fora la testa de un terso bocia... Questo se varda torno sospetoso po’ dise al’infarmiera:
- Scusè qua... ma prima de vegnere fora posso fare na domanda?: semo sicuri che ze andà fora dale bale chel sior cativo che sberlota i toseti?
LEGGI I COMMENTI (5)
-
PERMALINK
mercoledì 22 febbraio 2006 - ore 12:31
ZE SUCESSO ANCA QUESTO!!!
(categoria: " Vita Quotidiana ")
LEGGI I COMMENTI (5)
-
PERMALINK
lunedì 20 febbraio 2006 - ore 19:51
E ONCO UN POCA DE SANA MAGIA NERA VENETA (ala facia dela sema de Vana Marchi)
(categoria: " Accadde Domani ")
Rito abreviato par parare via el demonio da casa
(funsiona anca co la mojere)
Marcia, va via de qua, figura porca,
che no te si degno de starme drento,
no te si degno de varcar sta porta.
Marcia, va via de qua, figura porca...
Rito par fare fatura negativa al ronpitogne de nome Gigi
Gigi Bagigi,
canpana martelo
s-ciopa la vaca
scanpa el porseo...
Gigi Bagigi,
nato a Parigi
In Via Polenta
nùmaro trenta
stato civile
puro inbessile.
Rito par mandare un ataco de scagoto al ronpitogne de nome Toni
Toni, Toni
bati cogni,
bati nose
sbrega tose.
Fa casoti
Magnamorti
Fuma tabaco,
Toni macaco.
Rito esoterico par farse invitare a pranso dala siora Maria
(ripetare tre volte, prima dei pasti)
Siora Maria cura bisati
la ghe dà la testa ai gati
la ghe dà la coa a so fia,
andemo magnare dala siora Maria
Rito del malochio par passare le malatie al conossente dal quale se vansa schei
Fagotin co un par de bae
fame passare sguelto el mae
e manda in pressa peste e tinfon
a *...... che ze un slandron!
* pronunciare el nome de chi se voe inpestare
Rito propissiatorio par la salute dela suocera
Invio peste e carbonchio,
mastite, lebra e malochio
a sta vecia, sgionfona
mussa, rospa e balona.
E ancora scagoto e rogna
a sto infame tubo de fogna.
Auspico infin na morte violenta
causà da indigestion
de vin, verze e polenta!
LEGGI I COMMENTI (2)
-
PERMALINK
domenica 19 febbraio 2006 - ore 10:28
DOCUMENTO MONA MA AUTENTICO!
(categoria: " Vita Quotidiana ")
Rustega di Camposampiero 23 giugno 1996
Ogeto: Richiesta de esonero par conplicanse familiari
Sior Ministro dela Difesa,
el me permeta, par piassere e pagando, de torme rispetosamente la libertà de informarLa de quanto segue e de solecitare la So benevolensa e el sforso necessario al sguelto desbrigo dela pratica in ogeto:
Io sotocristo Marieto Busolin sono dietro spettare la Vostra letera de "Chiamata ale armi".
Go 24 ani e sono maridatto co una vedova de 44, de cui (la quale), essa, ga una fiola di ani 25 anche bastansa cancara ad onor del vero.
Me pare che ga 68 ani, ma li porta puito, a sua svolta ganno maridatto questa filia: quindi atualmente mio pare è diventato mio zènaro in quanto ganno maridatto mia filia.
Inoltre mia gnora sono diventatta a so svolta mia maregna in quanto mojere di mio pare.
Mi e me mojere, in febraro gabbiamo avuo un filio che, otomaticamente, è diventatto fradelo dela mojere di mio pare, quindi cugnà delo stesso e come se no bastasse esso il quale è anche mio zio in quanto fradelo di mia maregna.
Mia maregna, cioè la mojere di mio pare, a Pasqua ga avuto anchessa un filio che quindi ze contenporaneamente me fradelo, in quanto filio di mio pare, e mio nevodo, in quanto fiolo dela fiola de me mojere...
Mi in sto caso sono, quindi la quale, fradelo di mio nevodo e siccome che el marìo dela mare ze so pare, risulta ali ati che mi sono il pare dela fiola de me mojere, fradeo de so fiolo, quindi sò me nono!!!
Spiegatto tutto ciò, Sior Ministro, La prego de volerme concedare de essere esentatto dal Servissio Militare, in quanto la legge inpedisse che PARE, FIOLO e NEODO, presta servissio contenporaneamente, orca bestia sassina!!!
Scusi mi sono sbrissato... Fermamente convinto dela so conprension La prego, Sior Ministro, de acetare i me più d’istinti saluti.
Marieto Busolin
(trato fora dal libro OCO 2005)
LEGGI I COMMENTI (3)
-
PERMALINK
sabato 18 febbraio 2006 - ore 12:09
NOVO ESPERIMENTO GENETICO!
(categoria: " Scienza e Tecnica ")
Grazie al’ecletico inventore nonché esimio genetista Tulio Bueo detto Soprabito di salame ho il grande piacere di presentarvi la più grande scoperta genetica del secolo: il PORCAZZO, ovvero l’ibrido ottenuto da un incrocio tra un maiale-porsello e un porchezadore-mona.. L’esemplare ottenuto è commestibile, piace molto alle donne (anche a certi maschietti "co na veneta de dolse")... Per ordinazioni rivolgersi all’ Azienda "Vedei & Porsei, pr i bruti e par i bei" vedi blog di Moreno Morello che è socio nell’attività!
.jpg)
.jpg)
.jpg)
.jpg)
LEGGI I COMMENTI (2)
-
PERMALINK
venerdì 17 febbraio 2006 - ore 18:20
E STASERA "MOLTO PROBABILMENTE" SARO’ A "STRISCIA LA NOTIZIA"
(categoria: " Lavoro ")
Come?... Dove... Parché e parcossa?... no se poe dire... vige el segreto senò Moreno, el me capo, me licensia... posso solo dire che’l ze de astussia diabolica e che al so confronto 007 ze un pivelo, un mussato che scoreza... el "probabilmente" sta a significare che no savendo i taji che i fa la me pressiosa colaborassion podarìa anca andare a farse ciavare... Speremo ben!!!
LEGGI I COMMENTI (5)
-
PERMALINK
venerdì 17 febbraio 2006 - ore 11:41
ROCK DA PADOVA A LONDRA!!!
(categoria: " Musica e Canzoni ")
Lo savevo che Mike, quelo coi ociai da sole, che fa parte del duo de cabarè Kicco & Mike col quale colaboro, sonava la chitara e cantava su un gruppo rock, ciamà HYPNOISE formà da lu, Frez e Sanze... savevo anca che i gaveva za inciso un paro de cd particolari... ma vedare sul Matino de oncò che el so ultimo cd ze stà presentà el 14 febraro in contenporanea a Londra e Los Angeles, me ga lassà de stuco... Bravi... Cussì se fa!!!... el disco "St. Valentine’s Porno bar" ze registrà a Carmignano del Brenta.. e quindi el poe essare considerà de paternità padovana... Auguri tosi!!!..
se voi saverghene de più andè trovare el grupo su www.hypnoise.net
.bmp)
COMMENTA (0 commenti presenti)
-
PERMALINK
> > > MESSAGGI PRECEDENTI
[ SONO OFFLINE ] 