Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27794 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
venerdì 17 febbraio 2006 - ore 10:06
ULTIMA ORA.. NOTISSIA FRESCHISSIMA!
(categoria: " Sport ")
Ci sono apena giunta la notissia che el presunto frate porselone (quelo che gavarebe sviolentato una suora) messo ai aresti domiciliari, onde abassare il tasso di porsearia presente nel sangue, ssia dietro dedicarse ala ginastica... Gabiamo anca avuto la fortuna de avere in zona un nostro fotogrado d’assalto, tale Memo Momola, che ga imortalà l’alto prelato ale prese prese co li atressi ginici. Ecolo qua:
LEGGI I COMMENTI (4)
-
PERMALINK
venerdì 17 febbraio 2006 - ore 09:56
NOTISSIA DE AGRICOLTURA DIRETA a cura de Nane Sopa
(categoria: " Scienza e Tecnica ")
E’ co gran piassera che lasso to spassieto al’amigo svisserato ( in quanto vien dala Svissera), TONI SOPA laureà in "tennica dela sapa aplicà ala sopa" e autore del sagio "Sapere par no sapare" Ed. Carezoni de Peuco. pag, 456 (de cui 400 bianche), prezzo di copertina 45,00 Euro, prezzo delle pagine 45,00 per un totale di 120,00 Euro... (?).. mah...
Il noto sensaro-inventore Gimi Ghion, ci comunica, che tra una trattativa per la vendita di uno stock di porsei da grassa e la mediazione per la vendita de oto ètari de teren agricolo a inventato un nuovo “spaventaseleghe” (“spaventapasseri” in italiano) che dà assoluta garansia di tegnere distanti tuti i tipi di uceli predatori di semense e verdure. Tratassi di un pajasso di fatesse feminili co le tete basse e il culone trasbordante. Sul davanti dela testa viene aplicata una mascara oribile rafigurante i lineamenti dela Signora Rosy Bindi. Gimi ci conferma di aver sperimentato personalmente l’invensione posissionando lo spaventaseleghe darente il canpo di sorgo di suo possesso nel momento di magior aflusso di ingordi volatili di svariate specie: (seleghe, storneli, finchi subioti, merli, caostorti, sparissole, na aquila reale (?), un cormorano, un condor degli Agneli licensià dala Fiat, tre corvi, un s-ciapo de baticoa e similia). Ala vista del’orendo manufato c’è stata una fuga precipitosa durante la quale alcuni penuti deboli di cuore sono morti. Altri sono emigrati in Africa e ano fato sapere che ano domandato asilo politico. L’aquila senbra sia deventata inpotente e vollia dimandare “i dani morali per genocedio inconsulto”... Il manufato, così ci assicura il Ghion, serve anche a tenere lontani gli uceli bragaroli, visto che da quel giorno il pensionato Tilio Sborone, deto “El mostro de Campigo”, visto che andava a spilocchiare le copiete che si sbarossano in loco drio ai carezoni, ha canbiato zona ed è ricorso ale cure mediche per “Ataco di orticaria dovuta a tremasso inproviso”.
COMMENTA (0 commenti presenti)
-
PERMALINK
mercoledì 15 febbraio 2006 - ore 10:13
TIREMOSE SU EL MORALE... VA!!!
(categoria: " Riflessioni ")
BARZELETE IN VENETO MACARONICO
Senpre più sveji
Do apuntati sielti tra i più sveji, vien adestrai par patuliare la ridente, salubre, recondita (?) canpagna veneta dal cielo. Par questo i vien adestrai par mesi e forsanco ani e pena ciapà el breveto de pilota, vien sgiaventai su un liocotero e mandai a guantare la delinquensa dal alto. I do parte e dopo aver svolà un paro de ore i precipita in tera e i defunge tragicamente in mèso ai tochi del’aviogeto... Subito el Comando, dopo i porchi e resie de rutin, manda i esperti a rancurare e fratalie dei do e la famosa “scatola negra”(che no se sa parcossa ze ciama nera quando invesse la ze rossa!)... Recuperà el tuto i mete su el nastro registrà e i taca scoltare par capire da cossa ze stà provocà l’incidente: vuoi fatalità, vuoi errore umano del’Arma, vuoi cedimento strutoreale, vuoi che casso altro no si sa... El nastro va torno e se sente i do parlare de questo e de quelo... Ma pochi secondi prima del rabaltone al suolo terestre se sente uno dei do che dimanda: - Ciò Nane... dime: ma ti gheto tanto caldo??? – Mi no, - risponde st’altro – ansi te dirò amato colega... quasi quasi gò fredo! - E alora, - siga st’altro –cossa spetito a stuare chel casso de sventolatore che gavemo qua dessora????
El dubio
Do inbriagoni camina a bisato drio ala strada. A un serto punto uno dei do vede par tera un butilion pien colmo de otimo vin.
- Ostiamenta, Mario, - taca criare uno - varda che popò de fortuna che gavemo oncò!... un butilion pien del netare dei dei... Seto desso cossa che fasemo?: andemo a ciuciarselo intel scuro del bosco... Cossa ghe ne pensito?
- Otima idea, carissimo Nane - risponde st’atro co sussiego - so d’acordo in toto co ti: na sola domanda è d’uopo... El vin se lo bevemo prima a dopo???
Sucede a Ciosa
Na mama ciosota porta el bocieta de sie mesi incalcà de snaroci dal medego pederasta (overo el medego dei putini).
- El me controla el meonato, dotor - dise la femena -ze do dì che scagassa ch’el paro un oco - e el cria a tonfone... C’el gabia le rachete???
- La me lo fassa palpugnare siora - ribate el médego guantando par le strasse el putin... - Ma... Ma... sto bocia spussa da vin come la bote umana de so pare....
- Serto ch’el sa da vin: el ga pena bevù na onbreta...
- Ma zela mata?... o sema?... ma quanto galo sto desgrassià??
- Sie mesi, sior...
- E no la sa, cara la me siora, che i boce a sie mesi no ga assolutamente de sbevaciare vin???...
- Ah, no??? e cossa gavarali da bevare alora???
- LATE, siora, LATE par Dio... o fruto di suca ehmmm suco di fruta, al massimo, toh ciapa, na ranciatina.... na no vin, orco qua orco là (el medego gera andà fora dala grassia de Dio)
- Ma zelo mona dotore??? No disarà miga davero?: LATE DOPO EL FOLPO go da darghe???
Stilista o mona?
El sartore de sigo al clinte:
- Me pare sior, che ste braghesse ghe staga da dio!!!
- Sò d’acordo caro: le me da un poco de fastidio soto ai brassi ma, òstrega, miga se poe avere tuto dala vita!
Qultura
Un negroto clandestin gira de qua e de là in motorin. Na sera davanti a na ostaria vede in tera na carta de identità. Se cucia la toe su e se la mete in scarsela pensando che in caso de qualche controlo la podarìa vegnere bona... Difati na note na patulia de carbonieri particolamente astuti lo broca e uno dei do ghe ordina imantinente de tirare fora el libreto del schiciabae ("motorin" in italian) e documento de riconossimento... El negroto dise: " Subido buana!", frugna in scarsela e cava fora la carta de identità catà in tera. El carboniero varda e vede scrito "Lionardo Di Caprio", varda la foto-someja, varda el negro, rivarda la foto, rivarda el negro e po’ sospetoso se avissina al colega:
- Ciò, scusame na dimanda: ma el Titanic, che te sapia ti, zelo afondà o galo ciapà fogo!?!
LEGGI I COMMENTI (10)
-
PERMALINK
lunedì 13 febbraio 2006 - ore 17:38
STRATEGIA DE GUERA PREISTORICA
(categoria: " Scienza e Tecnica ")
- ’Ara che sbaro!!!!.... ocio... ocio!!!
- Me racomando... atento al rinculo!!!
COMMENTA (0 commenti presenti)
-
PERMALINK
lunedì 13 febbraio 2006 - ore 12:25
RIVISITASSION DE ESOPO
(categoria: " Riflessioni ")
CUCHEVE STA PARAGOLA E MEDITE’...
LA VECIA E EL MEDEGO
Ghe gera na volta (tute cussì le taca le storiete par i putini) na veciassa che gaveva na malatia. E aver na malatia vol dire èssare malà. Ma che casso de malatia gavevela sta veliarda?... La veliarda gera stà colpià da na gravissima forma de moroidi (?) inte i oci e quindi no la vedeva un’ostia, co rispeto parlando. E alora, visto che la gaveva na bona pension grassie al Berlusca, la ga pensà de ciamare un culista (avendo le moroidi ai oci!) che la gavarìa pagà ala fine dela cura. Sto mèdego, che da zóvane gera iscrito al PSI, ogni dì rivava casa sua, ghe meteva dela smalteca sui oci e fin che la veciota tegneva i oci sarà ghe inculatava una a una le poche robe che la pora cagna gaveva in casa.... Un giorno rivò Capuceto Rosso che disse: - Nona che ochi onti che gai - - Ciò Capuceto Rosso, sito sema de nassita o ghe marcito?... No te vedi che sò drio curarme co na smalteca miracolosa! Ma sito vegnua qua a portarme da magnare o a fare domande èbeti???? - E cussì Capuceto Rosso ga mandà in mona la nona e, dopo averghe inarcà na peà sui ovi al lupo cativo che voleva ofrirghe a modico presso un canon, el ze ‘ndà a catare in ospedale la Fata Turchina che nove mesi dopo na orgia casa sua de Biancaneve e i Sete Nani gaveva partorìo na sgnarà de Pufi e un Pufo albin: Pupo... Ma tornemo in tema: dopo tre mesi, apena che in casa dela veciassa no ghe gera più gnente da ciavare, el médego decide che la cura ze finìa e domanda i schei di sua aspetansa... Al che la vecia, fa na scoresa co la boca, bate la man sinistra sula zonta del brasso destro piegà a 90% (come se mete de solito Aldo Busi) e dise: “Col casso che te pago...Tiè!!! – El mèdego se intavana fisso e denuncia la càncara e insolvente ansiana.... Dopo le indagini preliminari fate dal Riss, riva el processo e la vecia cussì risponde ale acuse: - Mi veramente gavevo dito che gavarìa pagà sto dotore de mona pena che gavarìa recuperà la vista, ma, orca troia, prima dela cura vedevo drento casa tante tece e pignate, e desso, pur vardandome torno atentamente, no vedo più un casso o mejo na tega-bacelo. Razon pr cui la quale no pago gnanca se me scavessè el filo de schina. Vaca putana troia!!! - Alora el Tribunale ga dimandà la perissia pissichiatrica sul mèdego che ze risultà “incapace de intandere e volere ma capacissimo de metérghelo sul’organo ale veciote scarse de vista”. E cussì la veciota ze stà assolta e el médego condanà par “pinciamento inconsulto de ratatuja domestica nel fatispecie de do pignate, tre farsure, un taliero de diametro 50 sentimetriquadri (?), sie pironi in finto argento, de fete de polenta, un parecio da dòdese de stecadenti in purissimo róvare e un catetere de marca firmà da Cavali”...
Morale dela fagoleta: i vecioti ze sicuramente dei ronpibae, ma i mèdeghi ze pèzo: aseni, boni da gnente e inbrojoni... co la quale vi saludo tuti.... grandi e picini.
pensionato che va scassare i ovi altrove!
LEGGI I COMMENTI (5)
-
PERMALINK
domenica 12 febbraio 2006 - ore 14:05
Toh, ciapa!
(categoria: " Vita Quotidiana ")
.jpg)
LEGGI I COMMENTI (5)
-
PERMALINK
sabato 11 febbraio 2006 - ore 14:02
ULTIMA ORA!
(categoria: " Amore & Eros ")
Incredibile: el fraton porseo, tale fra Fedele, visti precedenti (ancora da dimostrare... mah!) ze sta ciamà dal WWF onde colaborare par evitare l’estinsion dela foca munega (legi "foca monaca").. In pratica al fraton ze stà dimandà de incalmare sessualmente l’esenplare qua soto in modo da dar vita a na nova spece... quela del "tricheco frate"... No sapiamo cosa gabbia risposto il fratone!
LEGGI I COMMENTI (2)
-
PERMALINK
sabato 11 febbraio 2006 - ore 13:51
BEA QUESTA!!!
(categoria: " Sport ")
Ze stà na belissima goliardata quela che ga coinvolto sirca 500 tosi che guidà da un s-ciapo de inprovisà ingegneri se ga inpegnà par spostare de un metro el Pedrochi mitica ostaria (?) del Centro Padova... Qualchedun, ad onor del vero, nela foga del spenzimento se ga cagà in braghe ma ciò no inficia assolutamente la nobiltà del’ato... Purtopo el nobile locale no se ga spostà... dovevo èssarghe anca mi, ma sò sta ciamà da un amigo par un intervento d’emergensa: overo spostare na damigiana de cabernet de 50 chili... Vista la dificoltà dela roba par spostarla sensa scavessarse la schina gavemo dovù ciuciarse tuuto el contenuto... Nel ritorno verso casa, causa l’andamento tipico a bisato, la polissia stradale (che Dio la folgora!) me ga fermà e dopo averme fato supiare a pien buso sul balonsin me ga sgnacà na multa oribile de 300 euroni e cavà 6 ponti sula patente... In concomitansa el Sig. Dio me ga cavà 30 punti sul’anema e denuncià par bancarota spirituale fraudolenta... Par fortuna che casa gò catà el me libro de cui soto vedì la copertina e cussì lo gò recità tuto dal A ala Z... in sto modo me sò sgorgà le vene e desso stago ben!!!... Quasi quasi doman vago a confessarme, ansi a costituirme, cussì pategio col Paroco (che ze la lavatrice del’anema) e torno puro cofà un angioleto!!!... Giuda porseo can!!!
.jpg)
LEGGI I COMMENTI (4)
-
PERMALINK
venerdì 10 febbraio 2006 - ore 08:34
PAOLA DE BUSS
(categoria: " Vita Quotidiana ")
El solerte Presidente Merican Buss (del c...) ga dito in television che bisogna che i mussiumani fedeli a Maometo ghe la mola de doparare la violensa, che no se pare bon, e che la violensa fa schifo... Dopo la direta televisiva el ze andà a farse na pista, ga ciapà a peadoni nel bero el can presidensiale, ga molà do paponi sul babio ala mojere e, tanto par fare calcossa, ga ordinà un bonbardamento a tapeo de qua e de là " che magari guantemo in testa el mona de Bin Laden!"... A proposito de violensa gavìo mai osservà che i scontri co più pache avien durante le manifestassion dei partiti che ga come obietivi principali l’ordine e la pace?
.jpg)
LEGGI I COMMENTI (6)
-
PERMALINK
giovedì 9 febbraio 2006 - ore 14:09
DOVE SITO???
(categoria: " Fotografia e arte.. ")
Eco qua Fred, me amigo e socio de sventura... sta figura porca me gaveva promesso dele vignete sul popolo dei spriss... ma no me ze rivà un bacello ("na tega" in veneto)... E alora?... Se movemo???
.jpg)
LEGGI I COMMENTI (10)
-
PERMALINK
> > > MESSAGGI PRECEDENTI
[ SONO OFFLINE ] 