Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27794 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
giovedì 9 febbraio 2006 - ore 09:10
BRUNO BRESPA senpre più mona!
(categoria: " Riflessioni ")
Dopo aver mostruosamentre roto i ovi co el prastico dela caseta de Novi Ligure e co quelo dela caseta de Cogne, indove tuti i presenti (tra cui el famoso (?) pissichiatra Crepè, l’avocato Taormina e el criminologo Bruno) tra na vacada e st’atra inpirava le testone drento e spiegava al popolo de alochi televisivi parché, parcossa e parcome gera stà copà femene e putini, riva nela nota trasmission de rotura (de cojoni) el caso dei coniugi Donadoni... Bruneto Brespa (el giornalista che pare un paneton co l’ueta) par par rendare più apetibile la trasmission ga sconto intel studio tuti tocheti de scheletro de prastica e organizà na cacia al tesoro... vinsarà chi cata la testa!!!... Crepè intervistà sul misterioso delito atribuio al’Uomo Gato (neodo dei coniugi) ga afermà solenemente: - E’ un omicidio classico, commesso sicuramente da qualcuno che non amava i due... Dirò di più: dopo lunghi e sofferti studi posso dire che l’assassino è molto distratto e perde facilmente la testa!".. Gnente da dire, Crepè ze un vero genio!... Taormina invesse ga dito che pena finìo de difandare la Franzoni, el difandarà l’Omo Gato che ze inocente... infati secondo lu el colpevole ze Barbastrejo Men overo l’Omo Pipistrelo... Risolto sto caso el andarà a difendare Osama Bin Laden... Anca qua el ga un scoop mondiale.. Secondo lu no sarìa stà Bin a trare zo le Tori Gemele ma un so vissin de casa!!!!... Ma che i vada tuti a farse ciavare!!!
Pare che la Rai desso voja fare anca na version del programa al feminile par le casalighe . A condurlo dovarìa essare la Iva Zanichi deta la Luja de Ligonchio.. Titolo del programa "PORTA A SPORTA" sototitolo: Casalinga... na vita spesa a fare la spesa!
LEGGI I COMMENTI (1)
-
PERMALINK
mercoledì 8 febbraio 2006 - ore 08:31
UN NOVO PARTITO: P.S.I. (Partito Suino Italiano)
(categoria: " Vita Quotidiana ")
Mancava solo lu intel variegato panorama politico italian... Parlemo del Cavaliero Porseoni che proprio ieri ga deciso de "sendere in canpo" (ansi "in stala") a capo del so novo partito P.S.I. overo Partito Suino Italiano... "Qua tuti se agita e ramena come se i gavesse un bisato su par el dadrio - ne ga dito el novo lider - e poco i pensa ai bisogni del popolo bue e porseo. Par questo so qua mi che gò intension de essare un punto de apogio par tuti... El me moto infati sar "UN ALBIO PAR TUTI"..." Ala nostra domanda: "Ma chi sarai i pors... omeni de ponta de sto partito?" el Porseoni ga risposto:" Faremo na inportante cernita tra i candidati che formarà la classe dirigente: i gavarà da dimostrare de essare astuti, pelandroni, onti, ladri e porchi... Naturalmente i ministri za in carica che vorrà passare dai so partiti al mio no gavarà da dimostrare gnente.. questo par ovie razon"... E ricordemose senpre che chi passarà dal me partito a n’altro ze un traditore viliaco e sassin ma chi dal suo partito passa al mio ze un convertito... e adesso andè fora dale bale che go da legiferare e fare un contrato usocapione co i italiani"
Nella presente someja (legi "fotografia") se poe vèdare el Cav. Porseoni in tenuta sportiva, pronto a girare a piè l’Italia tuta par la canpagna eletorale. Par el so primo passagio televisivo sarà ospite de Giuliano Ferrara el giornalista panson recentemente multà parché el supera i 130 e par falso in bilancia!
LEGGI I COMMENTI (3)
-
PERMALINK
martedì 7 febbraio 2006 - ore 12:17
STUDIO SULA ROSY BINDI
(categoria: " Scienza e Tecnica ")
Dei siensiatti estrememente curiosi ze drio studiare par drito e par roverso l’esenplare umano feminile (se fa par dire!) che risponde al nome de Rosy Bindi. Infati questa rapresenta un vero e proprio enigma par la siensa sientifica... Infati, sta càncara de siensa, ze riussìa a metare na desina de omini parfin sora la Luna, ma no ze mai riussia a metarghene anca solo UNO sora la Rosy Bindi... ahhh...ahhh.. ahhh... bona questa... quasi quasi vago in bagno, me meto davanti al specio e me aplaudo da mi mi solo!!!
LEGGI I COMMENTI (3)
-
PERMALINK
lunedì 6 febbraio 2006 - ore 19:52
ANCA MI SO’ POETA!!!
(categoria: " Poesia ")
Spiociando vari blog mi sono inacorto che molti ze poeti e ga la vena che spenze fora dapartuto e alora anca mi gò deciso de cimentarme nela nobile arte e ecove un primo risultato... in parte copià!
PAR NA LEGE FISICA CONOSSUA,
A STO MONDO TUTO SE FRUA...
SOLO LA BERNARDA, COSA MIRANDA,
PIU’ CHE TE LA USI PIU’ LA VIEN GRANDA!
LEGGI I COMMENTI (4)
-
PERMALINK
lunedì 6 febbraio 2006 - ore 09:43
ESPERIMENTO GENETICO
(categoria: " Scienza e Tecnica ")
Nei laboratori de l’Università la Sapiensa, dove no ze andà scola Emilio Fede che invesse ga studià a Sulmona, ze stà fato un novo inportante esoperimento sientifico, overo se ga incrosà (o incalmà, che dir si vollia!) un esenplare de politico italian co un esenplare de singano ROM... Risuiltato otugnù: un omo talmente pelandron che no ga gnanca voja de andare a robare... L’esperimento ze stà abondonà in quanto un ministro che no roba ze come un pesse che no sa noare... Nel mondo animale invesse ze stà incrosà un colonbo pincione viajatore co un papagalo, otegnendo cussì el PAPONGO. Ovwero un colonbo pincione viajatore che se perde la strada dimanda informassion...
LEGGI I COMMENTI (2)
-
PERMALINK
domenica 5 febbraio 2006 - ore 14:20
SENTI’... SENTI’..
(categoria: " Riflessioni ")
El Berlusca ga fermà solenemente che se se manda le teghe, scusè, le TOGHE ROSSE farse un gireto a Cuba, queste, oltre a no ricavarghene gnente, tornarìa casa dopo aver fato turismo sessuale... E alora???... Cossa significa?.. proprio lu parla che ze na vita che fa turismo sessuale doparando i nostri culi???
LEGGI I COMMENTI (3)
-
PERMALINK
domenica 5 febbraio 2006 - ore 14:03
DILEMA
(categoria: " Riflessioni ")
So casa drio gratarme i peri... Sona el canpanelo, verzo e me cato davanti ale balote (dei oci) un incaricà (mona) del Comune che me porta la tassa dele scoasse più la boleta del’ICi... praticamente 400 e roti euroni da pagare... Se ghe sbaro na s-ciopetà in boca e ghe sdereno tuta la dentaura posso afermare che la ze sta "legitima difesa"???
LEGGI I COMMENTI (6)
-
PERMALINK
domenica 5 febbraio 2006 - ore 12:33
MI E DINO
(categoria: " Pensieri ")
Oncò ze na stupenda giornada de sole...Vardandome torno me ze vegnù in mente, quando Dino Durante fusse contagià dala belessa dela natura e quante giornate serene gavemo passà insieme... e proprio par farlo tornare un atimo ala memoria de tanti e par sentirmelo ancora vissin eco una dele ultime foto insieme.... fata a Cesuna,dopo un giorno passà (tra na cica, un onbra e un cicheto) a coregere le boze de uno dei nostri ultimi lavori... Dino ze stà un grande. come Umorista ma soratuto come Omo!!!
LEGGI I COMMENTI (6)
-
PERMALINK
sabato 4 febbraio 2006 - ore 10:22
ECO I FIOLI SEGRETI DEL FRATE PORSEON
(categoria: " Amore & Eros ")
Scop grandioso del nostro giornalista de ponta Francesco Joni, deto Checo Joni che ze riussion catare fora, no savemo dove, na someja (legi "foto") dei fioli segreti del fraton denuncià "pararia" par aver sviolentà na suora. Sicuramente i tre no ze fruto sicuramente del’amore del fraton co na piegorela ma molto più probabilmente co na porca!... Comunque nialtri che semo sagi, probi e person parben no garantimo gnente anca parché el Checo Joni de norma ze un mona patentà nonché busiaro sassin!
LEGGI I COMMENTI (4)
-
PERMALINK
venerdì 3 febbraio 2006 - ore 23:07
DUBIO ATROCE
(categoria: " Riflessioni ")
Comissio convisarme che Berlusca ga da essare veramente fiolo de Dio... ostregazza porca, el fa più apparission lu che la Madona a Megiugori nei ultimi venti ani!!! No voria mai chel aparisse anca a Ela e ghe preanunciasse l’arivo de n’altro fiolo!!!... D’altronde visti i mandati de conparissiion chel ga...
LEGGI I COMMENTI (2)
-
PERMALINK
> > > MESSAGGI PRECEDENTI
[ SONO OFFLINE ] 