Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27794 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
venerdì 3 febbraio 2006 - ore 11:13
SUCESSO IN AFRICA!!
(categoria: " Riflessioni ")
Queste ze le condission de raquanti baluba dopo che un missionario mona ghe ga fato conossare le television italiana. Più esatamente i baluba ze stà sarà in capana co l’atresso inpissà e ga assistìo a un telegiornale intiero de Emilio Fede.... altri tre mori ze morti de un colpo!
LEGGI I COMMENTI (4)
-
PERMALINK
venerdì 3 febbraio 2006 - ore 11:04
CLAMOROSO!!!
(categoria: " Scienza e Tecnica ")
Podì amirare nela someja el noto autore mentre esprime tuta la tennica musicale mentre sta forsenatamente eseguindo la nota canzone stile hard rock "Fin che la barca va" di Arieta Berti deta la "Mortadea coi oci"... La nota canta, secondo il Basso, dovrebbe diventare l’inno nazionale italiano viste le condizioni delle nostre finanze e le soluzioni proposte dai nostri amati governanti!
LEGGI I COMMENTI (2)
-
PERMALINK
giovedì 2 febbraio 2006 - ore 21:32
ANCORA SUL FRATON...
(categoria: " Pensieri ")
El fraton che gavarìa (?) sviolentà na suora ga dito che l’andava ale Fiere Porsee del Porno par riportare le piegorele smarite al’ovile... Gò el dubio che ghe bestie el se ne intenda poco visto che no’l ga gnancora capìo la difarensa tra le piegore e le giovenche!!!
LEGGI I COMMENTI (14)
-
PERMALINK
giovedì 2 febbraio 2006 - ore 16:27
FORSE NO TUTI SA CHE...
(categoria: " Scienza e Tecnica ")
La sperifrasi "Par conicio" che tuti dopara a proposito e a sproposito, ze nata a Vicensa. Na sera Bepi Sgresenda dito Ponta da Dodese par ovie razon, gera drio magnare un gato in tecia co la patate che la fedele mojere Malia Tetona ghe gaveva cusinà... la fine del lauto e rafinato pasto, caressandose la pansona da etolitro ga afermà:
- Bon ciò, PAR CONICIO... e invesse el ze gato!!!
LEGGI I COMMENTI (4)
-
PERMALINK
giovedì 2 febbraio 2006 - ore 16:16
ONCO’ SAGESSA POPOLARE
(categoria: " Riflessioni ")
Carissimi sprissini tuti conpresi inbriagoni e alcolizà col figà marso ("figà" co l’acento sula "a"), oncò do righete de sagessa popolare agricola che costa gnente e fa ben, ragion par cui ecove raquante perle dei nostri avi riguardo ale done.. Dimando scusa ale gentili donzele che lezarà tali imense bojade e prometo solenemente che presto scrivarò anca monade sublimi sui mas-ci (non nel senso de porsei ma de omeni umani)... Par adesso e par na forma giusta de cavaleria (berlusca no ghe entra!) parlemo de done in genere e de mojere:
Serte mojere ze cofà la lebra: le te fa cascare i ovi!
La mojere ze cofà el gong: la va batua a intervali regolari
Chi dise sposa dise spesa.
La mojere ze cofà la scoreza: o te la moli o te la sofeghi!
Le mojere ze cofè le nuvole: co le va via la bela giornada ze garantìa!
La mojere ze cofà la rogna... chi la ga e la grata!
La mopjere fedele ze quela cancara sassina che par tuta l vita e acanisse su un solo omo!
Le done ze cofà le sbrise: le più bele ze tacà ale soche più grosse! (vedi la sema de Leciso col mona de Albano, o la oca de Narinii co Cehi Gori Paone (?)... mah...
PS
"cofà" ze na forma agricola arcaica che stà par "come"...
COMMENTA (0 commenti presenti)
-
PERMALINK
mercoledì 1 febbraio 2006 - ore 12:50
PUBLICITA’ REGRESSO (a favore dele armi)
(categoria: " Lavoro ")
Ghe voe un poca de fantasia.. provè imaginare la sena...
SI APRE IL SIPARIO: sulla scena di fronte due uomini... uno armà più del mona de Svassnegher...
I° Attore: - Che bel mitra... è nuovo???
2° Attore: - No.. usato in Bosnia....
1° Attore: - Che bel bazooka... è nuovo?
2° Attore: - No... usato in Iraq...
1° Attore: - che bel missile intelligente... è nuovo?
2° Attore: - No... usato a Bagdad...
Voce fuori campo:
PER L ONU... passa parola!
CALA IL SIPARIO
LEGGI I COMMENTI (5)
-
PERMALINK
mercoledì 1 febbraio 2006 - ore 09:07
ULTIMISSIMA SU BERLUSCA
(categoria: " Lavoro ")
Ecove in anteprima assoluta el novo contrato sindacale par i inpiegati proposto ai sindacati dal nostro amato Berluscojoni... Tegnive forte e se gavì da vomegare andè farlo da n’altra parte...
1) Gli impiegati dell’ufficio devono scopare i pavimenti ogni due mattine, spolverare i mobili, gli scaffali e pulire le finestre.
2)Ogni giorno devono cavare le cosidette ragnatele o scarpie da lampadari e appliques.
3) Ogni impiegato dovrà portarsi da casa un secchio d’acqua ed un rotolo di carta igenica da culo di proprio gusto per le necessità della giornata
4) Questo ufficio apre alle sette e mezza del mattino e chiude alle otto meno cinque di sera, escluso la domenica. Ci si aspetta che ogni impiegato passi la domenica dedicandosi alla Chiesa e pensando intensamente a come svolgere alacremente il lavoro in ufficio il lunedì.
5) Gli impiegati uomini avranno una sera libera alla settimana a scopo di svago, e DUE SERE SE NON SONO COMUNISTI!
6) Dopo che un impiegato ha lavorato 12 ore e venticinque minuti in ufficio, dovrà passare il rimanente tempo leggendo la Bibbia o guardando buoni ed intelligenti programmi in televisione (reti consigliate Canale 5, Rete 4, Italia 1).
7) Ciascun impiegato dovrà mettere da parte una considerevole somma della sua paga per gli anni della vecchiaia, in modo di non diventare un peso (ed un rompicoglioni) per la società. Un ottimo impiegato, ligio al dovere, dovrebbe comunque avere il buonsenso di defungere prima di entrare in età pensionistica.
8) ogni impiegato che fumi canne, beva spritz, frequenti letterine, veline o Platinette, conpri i cd di Mino Reitano, Malgioglio e i Cugini di campagna, ci darà una buona ragione per sospettare del suo valore, della sua integrità, onesta ed intelligenza.
9) L’impiegato che avrà svolto il suo lavoro fedelmente e senza errori per anni 10 avrà un aumento di paga do 5,01 centesimi al giorno. Ammesso che i profitti dell’azienda lo permettano...
LEGGI I COMMENTI (6)
-
PERMALINK
martedì 31 gennaio 2006 - ore 14:09
GRAZIE A TUTTI
(categoria: " Pensieri ")
Grazie di cuore a tutti... no pensavo de catare cussì tanti novi amissi in vena de saver soridere de tute le senpiade che la società umana ne regala momento par momento... soratuto la parte politica... Grazie anca a Moreno Morello che de scondon vien lezare e dopo se mete pianzare par i cantoni vista l’abissale diversità de linguagio e de conceti espessi nei nostri do blog che poe considerarse gemeli monozigoti... ansi monazigoti, visto che normalmente nei zemeli uno ze svejo e uno ze mona... e sicome che lu ze svejo mi....
LEGGI I COMMENTI (6)
-
PERMALINK
martedì 31 gennaio 2006 - ore 09:14
DIFESA DEL FRATE PORSEO
(categoria: " Riflessioni ")
Se gavì visto "Striscia la notizia" ieri sera savì che Gimi Ghione ga intervistà do femene che aferma de essare stà violentà dal fraton... come se no bastasse, queste, ga afermà che tante altre conossenti ga dovuo sotostare ala fame sessuale sbregà del servo de Dio... Subito intervistà el fraton ga afermà:
- Ghe ze na ventena de femene che dise de èssare stà violentà da mi?... e alora?... che raza de prova zea?... Se volì ve fasso parlare mi co milioni de femane che poe afermare de NO ESSARE STA’ VIOLENTA’ da mi!!!"
LEGGI I COMMENTI (2)
-
PERMALINK
martedì 31 gennaio 2006 - ore 00:01
SONDAGIO DE OPINIONE
(categoria: " Riflessioni ")
Voria indire un sondagio par un novo titolo onorifico da daghe a uno dei nostri politici... overo el titolo de PERITO BALISTICO par che le spara più grosse... Secondo vialtri chi podaresselo essare el vincitore?... Mi na mèza idea la gavarìa... vedemo se la ze condivisa!
LEGGI I COMMENTI (7)
-
PERMALINK
> > > MESSAGGI PRECEDENTI
[ SONO OFFLINE ] 