Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27794 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
lunedì 30 gennaio 2006 - ore 09:18
SENPRE MEJO!!!
(categoria: " Vita Quotidiana ")
Ze luni de matina... vardo el relojo: ze apena le nove.. Giuda can, sta setimana no passa più!... Par tirarme su el morale me lezo el niù peipar (vulgo "giornale")... Berlusconi ga dito che i milioni de euri che ze sui so conti "ze i risparmi de na vita de lavoro"... I inqurenti ze drio indagare sula storia dela fameja dal 500 avanti Cristo... I lavoratori del bracio poe stare contenti.. El scorezon de Prodi ga afermà solenemente che se vinse lu le votassion dopo lavorà solo che i paroni... Pecà che dopo la vitoria el afermarà altretanto solenemente che desso i paroni del’Italia sarà i lavoratori del bracio... Novità televisive. Platinete, l’oribile spantasson che col casca in tera poe dire de essarse macà tete e ovi condurà el novo programa televisivo "OK il prezzo è giusto"... giustamente par l’ocasion el novo titolo sarà "Oghei il prezzo è giusto"... Secondo recenti studi pare che gabia razon i ghei quando i aferma che essare cussì ze normale. Infati pararìa che i do primi èssari umani no fusse Adamo e Eva ma Adamo e Bepi.... Mah....
LEGGI I COMMENTI (5)
-
PERMALINK
sabato 28 gennaio 2006 - ore 17:13
CONPRATE EL DIGITALE TERESTRE
(categoria: " Riflessioni ")
Tuti tuta sa el Governo regala un bonus de 70 euroni a chi se conpra na nova television e el digitale terestre... Contenporaneamente, senpre el Governo, ga tajà i fondi ala sanità... Cussì se doman putacaso te ghè bisogno de na suposta cossa feto?... Senplice: te te fichi su la presa scarter che cussì deventa na presa par el culo!!!.. E se te ghè la fortuna de avere el culo conpatibile te poi aver l’onore de avere el dadrio in television... Tanto par stare in tema co le imense stronsade che normalmente la television italiana (in genere) produse!!!
LEGGI I COMMENTI (5)
-
PERMALINK
sabato 28 gennaio 2006 - ore 11:38
Presentassion libro VENETOON
(categoria: " Lavoro ")
Gran serata. finìa a onbre, quela de ieri sera presso la Trattoria "Le buone usanze" a Codiverno dove mi gò jutà Fred (l’autore del Grande Fradeo, l’Isola dei Bauchi, Camerà Brulè e via de longo) a presentare el so primo libro de vignete "VENETOON cartoon e vignette sul Veneto e altre monade"... Tra na portata e st’altra se gavemo prodoto in na dota disquisission sui pregi e difeti del popolasso... Fred, ex disegnatore del Gazetin e del Corriere del Veneto, ga finio la serata porchesando somessamente in quanto tuti e digo tuti i convenuti ga preteso ("Mi pago quindi esigo, Giuda can!) firma, dedica e vigneta personalizada... Nel fratento mi gò da fondo a un paro de botilie de merlò...Sò tornà casa ale tre de note e sò sta insultà a sangue dala me gentile consorte... Questa la scarna cronaca...
LEGGI I COMMENTI (2)
-
PERMALINK
venerdì 27 gennaio 2006 - ore 18:36
POSSIBILE EL TRAPIANTO DE SERVELO!
(categoria: " Scienza e Tecnica ")
Grassie al’Agensia Ansia me ze pena rivà la notissia che in Tedeschia (Germania) i ze in grado de fare el trapianto del servelo umano... Sicome taco a èssare un fiatenin teresinato me sò messo in lista de atesa... Spero tanto che i daga quelo de Emilio Fede... el sarìa un afaron: el ze novo de balin...MAI STA DOPARA’
LEGGI I COMMENTI (4)
-
PERMALINK
venerdì 27 gennaio 2006 - ore 09:48
CANPAGNE ELETORAI
(categoria: " Pensieri ")
Da recenti sondagi risulta chel Cavaliere dela Poca Lissia overo Silvio Berlusca ze drio spendare un capitale par la canpagna eletorae: sirca un milion de euro in spot televisivi, do milioni de comunicati stanpa, tre milioni de euri ghe va via par pransi, sene, stramesini e pissete; n’altro milion lo spende in onbre, spriss e bevaragi vari... in totale faria 7 milioni de euri.. Considerassion logica: se no’l vien eleto el ze rovinà... se el vien eleto SEMO ROVINA’ NIALTRI!!!!
LEGGI I COMMENTI (6)
-
PERMALINK
giovedì 26 gennaio 2006 - ore 13:56
ULTIMA ORA: GRAN SUCESSO "GARA VIPS"
(categoria: " Sport ")
El pensionato otantene Gilmo Colsara dito Scagoto Kid ze rivà primo assoluto ala gara de cià cià cià e roc en rol par la categoria VIPS (Veci In Pension Sbarossà) tegnù a Tranbache City e organisà da www.onbre.it (concorenti spietà de www.spritz.it); ventisette pensionati dotai de bonboloni de ossigeno se ga scaenà nele note danse in un screcolamento de ossi che conferiva festosità ala manifestassion (infati pareva de èssare inte un bosco incalcà de racolete logoroiche). Sete ga avù un micidiale screcarterie (legi "infarto) dopo diese minuti de balo, oto se ga spacà i femori, do se ga cagà in braghe, do se ga intrajà nei cateteri e sono caisti in tera di rabaltone recitando pregherie roverse (legi "porchi, biasteme e resioni") I sopravisui se ga da guera verta e proprio Gilmo ala fine ga vinto el favoloso primo premio: na dentiera nova soto e sora con palà in osso, un catetere firmà dal mitico (e mona) Cavali e un buono sconto par l’aquisto de na robustissima cassa da morto in mogano co inserti in similoro... Se consilia i responsabili del sito www.spritz.it de organisre na gara par VIPP (Veci In Pension Porchezadori) de resie... magari a Bojon... par incrementare el flusso dei porchi se consilia de metare davanti ai concorenti na sagoma de Berlusca
Dal nostro inviato del’OCO l’oppiononista Toni Tega Senior
COMMENTA (0 commenti presenti)
-
PERMALINK
giovedì 26 gennaio 2006 - ore 08:55
ODE ALA COA
(categoria: " Poesia ")
Parlemo de coe che ze de tante sorte,
longhe, curte... drite e storte.
Però, par no far la figura del somaro,
fesemo subito un discorso ciaro:
scoltè tenti, slarghè ben le rece,
parché ghe ne ze de tante spece.
Ghe ze la coa de radicio soto tera,
che fa scorezare matina mezodì e sera.
Drio le strade ghe ze quela che fa biestemare
ogni matina par ndare a laorare.
Se ciucia la coa i pensionati ale poste,
indove i se struca e maca le coste.
e anca in banca e dal dotore
se fa la coa a tute le ore...
Ma canbiemo argomento e parlemo de natura
dove par quasi ogni bestia la coa ze sicura.
Basta vardare el pesse e l’oseo,
el gato, el can. el lionfante e el porseo,
la tigre, el lion, el simioto e el cameo...
Anca l’omo ga la so bea coeta,
talvoltra dura ma più spesso moeta.
Invesse ze sensa la dona, pora creatura,
che la ghe piase tanto... soratuto quela dura.
Più fortunà el travestito, caro de dio,
che ghe ne ga spesso una davanti e una dadrio.
E alora intonemo tuti in alegria
cussì cantando ognun felice sia:
"VIVA L’UMANA COA DURA E FORTE
CHE ALE DONE PIASE FIN ALA MORTE!"
A cura del Somo Poeta Lassativo Adriano Ciarlatano - Oco 2004
LEGGI I COMMENTI (1)
-
PERMALINK
mercoledì 25 gennaio 2006 - ore 19:59
L’ULTIMA DE EMILIO FEDE
(categoria: " Pensieri ")
Pena sentìa: Emilio Fede durante el spetacolo de cabarè che si ciama TG 4 se ga intavanà contro un politico che ga definio el TG 1 "un telegiornale de merda"... Milieto, conossendo el gran valore del suo, se ga sentìo ciamà in causa e ga fifotà su diese boni minuti. Ma chi se ga ofeso più de tuti ze stà la famosa Dita Candeo Pisso & Trina spa... " Faremo assion legale contro chi nme ofende cussì: nialtri da na vita menemo in giro i spussolenti ma nobili bisogni del popolo, ma mai, e confermemo mai, gavemo trasportà in giro giornalisti televisivi!!!... Ma semo gnanca mati?... E la dignità, dove la metemo?"
LEGGI I COMMENTI (6)
-
PERMALINK
mercoledì 25 gennaio 2006 - ore 12:44
(categoria: " Riflessioni ")
Ieri note gò visto el Berlusca ospite dei do porigrami de Bonolis e Laurenti... Sacramenta, sò stà de caca: el premier, coi caveji piantà co la subia, ga na mojere che oltre a èssare bona, fedele, onesta e inteligente ze anca bela!... roba questa che ga del mostruoso in quanto mi gò senpre pensà che par avere tute ste qualità in casa bisognarìa sposare 5 femene... come se ciò no bastase el ga na mama stagiomata e incalcà de pelegate ma anca ela bravissima e bonissima... Par no parlare dei sinque eredi al trono, overo i apostoli de Silvio, overo i fioli: parfeti, bravi, uno mejo de st’altro... Ma digo mi: co na fameja cussì che ze el sogno de tuti nialtri che gavemo senpre el dubio che la mojere sia na porsea generosissima, i fioli dei selvadeghi sderenà che fuma cane, tronba a maneta e no fa un casso tuto el di, ripeto, co na fameja cussì, parcossa NO ZE STA CHIETO A CASA SUA invesse de ronparne i cojoni a nialtri????... Ocio... ocio... desmentegavo che ghe ze la "par conicio" e quindi se se parla male de un politico bisogna parlare male anca de n’altro... Ragion par cui concludo afermando che anca el scorezon de Pr... Pr... Prodi me sta pesantemente sui ovi!!!!... Va ben cussì???
LEGGI I COMMENTI (4)
-
PERMALINK
martedì 24 gennaio 2006 - ore 13:28
Papalardo e Er Mutanda
(categoria: " Pensieri ")
Ma gavìo visto?... Adriano Papalardo el cantante spissengo che ga el colo cofà na cisterna dela Esso e el sderenà de Er Mutanda i fa barufà in direta televisiva cofà do cani... na roba da vergognarse... sighi, insulti... na guera insoma!... sì na guera.. ansi LA GUERA DE IMONDI!... che i vada tuti in mona!!!!
COMMENTA (0 commenti presenti)
-
PERMALINK
> > > MESSAGGI PRECEDENTI
[ SONO OFFLINE ] 