Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27792 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
giovedì 17 gennaio 2008 - ore 11:56
POARETO MASTELLA (in italian Tinozza... da Marco & Pippo))
(categoria: " Vita Quotidiana ")
PORO CAN, CREMENTE!!!! DOPO TUTO QUELO CHE EL GA FATO, EL ZE ANCORA DRIO FARE, PAR L’ITALIA, NO I GHE GA MIGA ARESTA’ LA MOJERE, EL CONSUOCERO, I AMISSI PIU’ FIDATI E, PORCO ZIO, NO I GA MIGA DENUNCIA’ ANCA LU???
BRUTI, CATIVI E PORSEI!!! E pensare che bravo toso chel ze: mi lo gò visto in television su tanti programi e gò da dire chel ze de sinpatia unica ... i ghe ga parfin tirà na torta sul muso (da can braco) e lu invesse de intavanarse ga sganassà... Po’ el ze andà ala Prova del Cogo indove mentre so mojere sbateva i ovi lu gratava el formajo pincion... sì gavì capio giusto: i ga messo Mastela a gratare (?)... pensa ti.... e po’ disemo la verità: EL ZE MINISTRO DELA GIUSTISSIA MIGA BAU BAU MICIO MICIO... e vuto che un ministro dela giustissia sia disonesto??? in Italia po’??? Alora propongo subito tre robe:
1) che Mastella vaga parlare al posto del Signor Papa ala Sapiensa de Roma e diga le so rason
2) Un sioparo general-nassional-popolare contro i giudici che ga arestà tute ste brave persone
3) Un aumento de 10.00 euri al mese a Cremente par daoi morali
4) na rata de calci in culo a Bruno Brespa... no centra gnente ma ciapare a peadoni intel bero el Brespon o Sgravalaron nassionale me arapa massa!!!
Mastella o Tinozza drio pregare Dio che no i lo beca coe man intel saco
Mastella o Tinozza drio porchesare la divinità oncò!!!
LEGGI I COMMENTI (1)
-
PERMALINK
mercoledì 16 gennaio 2008 - ore 12:18
FORSE STASERA IN ONDA SU CANALE 5!!!
(categoria: " Vita Quotidiana ")
Che sia o che no sia?.. pare de si... dovaria ANDARE IN ONDA SE "STRISCIA LA NOTIZIA" el me 18° servissio a fianco del mitico MORENO!!!!
LEGGI I COMMENTI (4)
-
PERMALINK
martedì 15 gennaio 2008 - ore 14:08
VEDI NAPOLI E POI MORI (dala spussa orenda!)
(categoria: " Vita Quotidiana ")
Gabbiamo chiesto al grande TONI TIGRE oppiononista del’Oco come se podarìa fare par risolvare el problema dele scoasse a Napoli... Il noto critico dopo longhe e soferte consultassioni e severi studi tennici se rivà ala seguente sconvolgente opinion:
COPANDO TUTI I TERONI!!!
Ze evidente che nialtri se dissocemo da tale iniqua solussion... ehhhmmmm.... però a pensarghe ben....
scopacce stile loamaro
LEGGI I COMMENTI (2)
-
PERMALINK
lunedì 14 gennaio 2008 - ore 09:38
MISSIONE CONPLETA’ (forse in onda stassera!!!)
(categoria: " Vita Quotidiana ")
Come de norma la mission segreta che ga visto protagonista la squadra de Moreno Morello formà dai più mejo elementi in comercio (sì parché la ze formà tuta da zerte che par quatro palanche vendarìa anca el dadrio!) ga avuo un esito positivo e probalbilmente VA IN ONDA STASERA (senò una dele prossime sere!)... Ma ecove in rapido detalio i nominativi e i ruoli dei superagenti segreti (l el modelo ze quelo del greupo TNT de Alan Ford!):
MORENO MORELLO = el lider; andatura dinoccolate nonché regale, linguagio in ponta de fioreto, na testa che produse le intuission più geniali che dopo deventa servissi, logica ferea, assoluta padronanza in ogni situassion, portà par el comando. Col ga dito el ga scrito...Difeti: el ze astemio totale!!!magna quasi solo ed esclusivamente polame (serte volte coi penoti e tuto!) Sinpatia 15 (visto che ze anca quelo chel paga!)
MANFRE = tennico-operatore de altissimo livelo (sirca 1.80 sentimetri quadri), potente sia nela corsa che nel consumo spotico de bire, vin e patate frite, colessionista dele più inprobabili vacade che se possa catare in giro par el mondo. Otimo guidatore ma scarssissimno intenditore de musica... Autore de vari scup televisivi e brontolon al livelo de guarda. Sinpatia 10
STEFANO = anca lu grossimo tennico-operatore ( sirca 89 chili co la bataria fora dala bilansa), bravissimno a sminciare co fili e sacramenti vari, manco portà par la corsa; senpre tranquilo e sereno anca lu ze un otimo mamifero carnivoro dotà de un robusto apetito e acanito fumadore... Simpatia 10
LUCA = deto el ganso; otimo diplomatico in grado de inculatare un trufadore in pochissimi secondi. Toso che grassie a na grave forma de alopecia galopante poe dire na parola in piassa, sa un smerdaro de lengue, quindi indispensabile par poder tradure le monade e richieste assurde che passa par le zagolone dei altri conponenti dela squadra quando se ze al’estaro. Autore de testi radiofonici (e no solo) el ze el più gran produtore de batute insulse che se possa imaginare. Sinpatia 10
GHILDA = atrice; unica tosa dela squadra; bela e bona (in tuti i sensi) bersalio dele batute più scontae se la cava senpre co un soriso e na risposta che beca. Par questo la ze rispetà da tuti ( ma anca parché ze bastansa ciaro che finie le risposte che beca in caso de bisogno la partiria a paponi sula boca). Essendo de indole assai rafinata no se capisse come la possa convivare co tale smanegà de selvadeghi. Sinpatia 10
ANDREA = zovane ma za bravo operatore in preda a tenpesta ormonale acuta par cui ogni volta chel vede un esenplare del sesso oposto mola tuto e filma solo el sogeto feminile tra i porchi dei altri che magari ze drio laorare de bruto. Sinpatia 10
ALEX = altro zovane operatore che somrja vagamente a un famoso cantante ingrese de cui al momento me sfuge el nome ah no.. eco qua: Robi Uiliam... Fa parte del grupo "I ragassi del beat" quindi sa tuto dei favolosi ani sessanta. Anca lu atraversa la fase de tenpesta ormonale e quindi quando sente a naso l’apropinquarsi del na zovame femena deventa cofà un pito in calda e no se ricorda più gnente de quelo chel ze drio fare... Sinpatia 10
WALTER= saria mi; el più sagio del grupo, punto de riferimento dei più zovani e esenpio de fulgida belessa morale par i altri. Sintetico, lanpro e probo nel parlare; frugale nei pasti e atentissimo nel bere. Atore de indubie doti artistiche se concede co magnanimità ale esigense del grupo. Difeti: ogni tanto, ma proprio ogni tanto, ghe sbrissia qualche parola bruta e qualche inocente resia! Sinpatia 20 (par ovie razon)
LEGGI I COMMENTI (3)
-
PERMALINK
mercoledì 9 gennaio 2008 - ore 15:18
NOVA MISSION SEGRETA CO MORENO MORELLO!!!!
(categoria: " Vita Quotidiana ")
Ma ecove dele informassion esclusive!!!!
QUANDO SE PARTE ?... no posso dirlo!
DOVE SE VA ?... no se sa!
MA ZE IN ITALIA? poe darse
OPURE ZE AL’ESTARO? probabie!
PARCOSSA SE PARTE? parché de sì!
CONTRO CHI SE CONBATE STAVOLTA? topo sicre
QUANDO SE TORNA? solo dio lo sa!
MA GHE ZE PERICOLO? Ostia, un saco!
MA QUANTI SIO? in tanteti!
CHE RUOLO GHETO?... rapresento qualchedun
MORENO COREO? e mi che ne sò!!!
Desso basta senò ve digo tuto, can bestia!!!!
.jpg)
Foto de s-ciapo de mi, ti e juri!!!
LEGGI I COMMENTI (4)
-
PERMALINK
sabato 5 gennaio 2008 - ore 16:23
RICO PREMIO IN VISTA!!!
(categoria: " Vita Quotidiana ")
Sicome che so drio rivare ala soja del 20.000 contati... el 20 milesimo sprissin ( o sprissina) gavarà in omagio da mi un paro de me libri umoristici!!!! Basta chel me manda l’indirisso postale!!!.. (chissaà chel sia un ospite, cussì sparagno i schei!!!! Eco i do libri in omagio!!!
.jpg)
.jpg)
LEGGI I COMMENTI (4)
-
PERMALINK
sabato 5 gennaio 2008 - ore 16:18
AVOLTOI TELEVISIVI AL’ATACO!!!
(categoria: " Vita Quotidiana ")
Chico Mentina de Matrisc e Bruno Brespa de Pota a Porta i do giornalisti (se fa tanto par dire!) dei do programi cul (overo programi da culo) ga tenpestivamente invità come ospite de onore el cugnà marochin de Fusaro Michele l’infame becaro che fa copà Jole Tassitani... La presensa in tivù del’ acusatore del supermona sarìa stà naturalmente INDISPENSABILE par alsare l’odien dei do programi scoassa grassie al contributo dei teleaspetatori più morbosamente curiosi de savere tuti i più imondi particolari de tanta nefandessa... E sti di deficenti ghe sarìa anca riussìi apelandose al "dirito de cronaca" e passando merda e perversion come "libertà de stanpa"... Mi invesse me apelo al dirito de dire quelo che vojo e li mando a farselo metare in culo da un can che spessega!... Par fortuna che el cugnà de Fusaro se ga rifiutà, dimostrando de avere na serta dignità, che tuto somà me lo rende parechio più sinpatico de Mentana e Brespa, che Dio li fulmina sechi!!!!
.jpg)
.jpg)
Menta e Brespa - giornalisti viventi
.jpg)
Pietro Pacciani: presunto (re probabile) seria chiler, violentatore dele fiole, becaro e onto - defunto... Ostia ze proprio vero che more senpre i mejo!!! Se el fusse vivo seto che bel programa che podarìa condure!!!
LEGGI I COMMENTI (1)
-
PERMALINK
venerdì 4 gennaio 2008 - ore 09:34
CONSIDERASSION!!!
(categoria: " Vita Quotidiana ")
Ieri sera par television i ga fat un programa dedicà ai Ghinesssss dei Primati, overo na acossalia de s-centrai che pur de finire sul famoso libro ze disposto a tuto... forse anca a inpirarse in culo un porseleto risso (vulgo "porcospino")... A presentare sta perla televisiva ze stà ciamà la Barbara Del’Orso overo na gnocona stajonà che ze sta senpre de profilo come i egissiani onde mostrare le tetone.... Va ben, tra i vari concorenti ghe ze stà un un... un... no sarìa come definirlo se non "mona teston" che a colpi de zagolona ga spacà ben 36 angurie... Quelo che me ga stupio, a parte l’inbecilità assoluta del ’ato, ze che sto siorato par compire simile eclatante inpresa se ga presentà co un alenatore!!!! Capio???.. par ronpare a colpi de cervice 36 angurie ghe serviva un alenatore!!! el che me fa intavanare parché a sto punto no capisso come mai mi no sò iscrito su sto libron visto che a quindese ani me sparavo na marea de seghe da batare ogni record... e quelo che ze inportante ME LE SPARAVO SENSA GNANCA AVER BISOGNO DEL’ALENATORE!!!!... Comne zea sta storia, che can de satana onto???
LEGGI I COMMENTI (4)
-
PERMALINK
mercoledì 2 gennaio 2008 - ore 23:36
PAROLE ANBIVALENTI (veneto-talian)
(categoria: " Vita Quotidiana ")
Estinto = scolorito; sto vestito ze un tetano... oltre che bruto el ze onto, malfato e stinto! Questo vestito è un cesso... oltre che orrendo è sporco lurido, malfatto e scolorito!
Forato = specie de maton fodrà de busi par fare su le case; Nane, chel can de Satana, passame subito un forato che stroppo il buco! Giuvanni, quel quadrupede canide del demonio, passami subito il mattone con i buchi che tappo il buco!
Formaggio = per Di Maggio; la frase veniva usata in America quando il pissaiolo portava casa a Joe Maggio le pisse. El bateva ala porta e sigava: " The pize for Maggio!
Fracassone = frate veneto superdotato
Gallopino = Diminitivo di Giuseppino il gallo da semensa; El galo Pino me tronba le galine co un inpegno straordinario!... sò proprio contento anca parché le fa ovi da chilo Il gallo Pino mi possiede le galline con una veemenza lodevole!... sono proprio appagato anche perché le suddette mi producono uova enormi!
Grata = voce del verbo "grattare"; terza persona indicativo presente; mi grato, ti te grati, lu grata, nialtri gratemo, vialtri gratè, essi gratano
Interrompere = Métare le pere dentro al terrone... (in terron pere). Assion da èbeti e da mone de nessuna utilità pratica se se esclude na probabile morte del sogeto... Roba che fa gòdare come mas-ci i leghisti.
Monocellulare = mona co una sola celula (cerebrale); vedi Emilio F.; anche uomo mona che possiede un solo telefonino.
(dal’Oco 2007)
COMMENTA (0 commenti presenti)
-
PERMALINK
lunedì 31 dicembre 2007 - ore 08:39
(categoria: " Vita Quotidiana ")
L’ULTIMO DEL’ANO
Sta festa casca sempre, e ribadisso sempre, el 31 de dissenbre e praticamente chiude l’ano vecio.
A difarensa de Nadalin Finocheti che essendo porseo de fondo chiude l’ano, co estrema goduria, ogni qualvolta che se ne presenta la possibilità e sensa badare se questo ze vecio opure no.
Mah, cossa posso dire… Gnente…
Ze mejo che vada vanti: la festa vera e propria se fa ala sera co el cosideto “sveglione” che no ze come qualchedun poe pensare na sveja granda ma bensì na luculiana festa indove ze obligatorio fare finta de divertirse anca se in realtà se ze drio farse do ovi più grossi de queli de un strusso obeso. Bisogna però, par amor del vero, spiegare che ghe ze diversi tipi de sveglione: el primo ze quelo par zente tipo Cavali, Brigliadore, Berlusconi eccetera eccetera, quelo par zente come Panto tipico inprenditore incalcà de schei, quelo par zente normale che vive sensa bisogno de andare a carità e quelo per i peociosi doc o pensionati Inps…. Ma vedemo in rapida sintesi le difarense sostanziali:
SVEGLIONE PER ARTISTOIDI PELANDRONI MA FODRA’ DE SCHEI
Menù: tuto a base de caviale, vu la van, patè de fuà, pastisso al tartufo, ragoste, gongole feraci, sbranzini, salmoni da quintale, sparazi (notare che i ze fora stajon!), òstreghe, fruta sotica, fruta seca, dolsi assortiti in sorte, sanpagne, liquori.
VIP (nel senso di Very Inportant Person) presenti: Valeria Marini, Sabrini Ferili, Mariagrassia Cucinota, leterine, veline, microfonine, meteorine, Maurissio Costanso, Costantino, Gatuso, Ignassio La Russa, Emilio Fede (invità par sbalio)
Orchestra: i Roling Ston o i Pin Floi
Riprese televisive a cura di Rai 1 e Scai
Paiet e cotions: a volontà: firmà da Dolse e Gabana
SVEGLIONE PER IMPRENDITORI DI CHIARA FAMA
Menù: capesante in sorte, pastissi al ragù di capriolo, arna e verzure di stajone, tortelini, trota salmonelata ale mandorle, fileto di bò al pévare verde, verzure miste, crue e pastelate, dolse tiramisù, vini doc e proseco
VIP (Veri Inportan Person) presenti: Luridona Leciso, Miss Padania 2004, Rafaela Zardo, Giovani Rana (che porta i tortelini), el sior Panto, Amadori che porta un arosto de pito, Rampon che porta le careghe.
Orchestra: I Cugini di Campagna o Franco Califano
Riprese televisive a cura di Telenordovest
Paiet e cotions: a volontà; firmà da Beneton
SVEGLIONE PER ZENTE COMUNE
Menù: antipasti tipici; sopressa, prossiuto e melon, pastisso de carne, galina lessa co cren, arna rosta co patate, catalogna in tecia, vin dele Cantine Sociali, dolse fato in casa, cafè e graspa
VIP (Veri Inportan Person) presenti: Miss Loregiola 1998, l’atrice porno Luana la put…, la Contessa decaduta Giovanna De Porchis in Scarsi Baldini, Toni Burato calciatore del Busiago Sport, Nino Porcon fu Felice vicesindaco di Sottomonte di Sopra e Tilio Snarocio canpion regionale de tiro co la fionda.
Orchestra: Giani Dego, Orchestra Marieto Piva
Riprese televisive a cura di Telechiaroscuro
Paiet e cotions: un eto de scuriandoli a testa, na tronbeta, un capelin da mona, diese stele sfilanti. Firmà da anonimo.
SVEGLIONE PER PEOCIOSI E PENSIONATI INPS (che po’ ze la stessa roba)
Menù: panadela ala rica, minestrina de brodo de dado co stelete, tripe ala parmigiana (sensa parmigiano parché ze pesante), folpi da merda in salata al parfumo de ajo, capusso, pissacani in tecia, renga trifolata (?), purè, na mentina (come dolse), cafè de orzo, vin al metanolo, paneton ciapà dal comune par via del’iscrission al’Elenco dei Povari.
VIP (nel senso de Veci In Pension) presenti: Malia Tetona, Gina Buseta, Aneta la Onta, Maria Lujona, el pensionato benestante Milio Finco Subioto, Toni Cagnon Presidente del Sindacato Pensionati Nullatenenti e Nane Pitona rapresentate del VIP 2 overo (Veri Inportan Porseon)
Orchestra: Gineto Pantegana ala fisarmonica, vose Effa Cocùmaro deta la Vanda Osisir de Tencarola
Riprese televisive a cura de Cajo Sempronio co telefonin Motorola.
Paiet e cotions: 10 grami a testa de scuriandoli fati i casa, un capelino, na tronbeta, ½ stela sfilante.
El tuto firmà da Tulio Boaron ( intel senso chel ga firmà na canbiale par cronpare el tuto!)
LEGGI I COMMENTI (6)
-
PERMALINK
> > > MESSAGGI PRECEDENTI
[ SONO OFFLINE ] 