Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27792 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
giovedì 18 ottobre 2007 - ore 13:50
SE VEDEMO ONCO?
(categoria: " Vita Quotidiana ")
AE SIE E MEZA SARO’ AL "SFI ZIO BREAK BAR" riviere Tito Livio 35.... presentassion del libro MONADE BIBLICHE e onbre a volontà... agratis!
COMMENTA (0 commenti presenti)
-
PERMALINK
mercoledì 17 ottobre 2007 - ore 19:54
DO ORE DE COA!!!...
(categoria: " Vita Quotidiana ")
Doman agiorno el be steig del viajo a Milan par el servissio su EROSTIK... Stasera ghe ne gò do bae de dimension mostruose in quanto sò sta ben do ore in coa darente al’autostrada a Ponte de Brenta... Gò racolto na mole inponente de porchi, resie e biasteme da far vegnere i caveji bianche anca a Papa Razeghin... scusè fargheli perdare parché bianchi li ga za, tanto che lo go amorevolmente soranomina Papa Meringa!.... La coa gera cusssì longa e rigida da far contenta anca Eva Enghel la nota atrice porseona!...
LEGGI I COMMENTI (4)
-
PERMALINK
martedì 16 ottobre 2007 - ore 20:14
BEC STEIG DEL VIAJO CO LA TRUP DE STRISCIA!
(categoria: " Vita Quotidiana ")
Ghe ze poco da dire: andare in giro de baucon co Moreno, i do oeratori più solerti e vispi de Mediaset (Stefano e Manfre) e Romeo so popà de Moreno conporta senpre dei ris-ci personali a alto livelo in quanto durante i viaji de norma sucede de quele robe che se gnanca el Fantossi dei tenpi d’oro podeva concepire par stupire el popolo de alochi che anda al cinema e ridere dee desgrassie che ghe tocava personalmente tuti i di... Ma bisogna ndare co ordine... El dì prima dela mission sessual-afrodisiaca Moreno, convintissimo de èssare el legitimo sucessore de Maradona, se ga prodoto in digo do e no una partìe de balon co artisti tivù... E le do partie le ga zugare intiere in ventiquatro ore... Desso, complice l’età no più adolessiensiale, conplice l’atività sessuale scatenata ( senpre co la propria amata sia ciaro!), conplice el fato che de balon no ze chel capissa tanto el se ga guantà un peladon su un cosideto garitolo e ze caisto in tera ramenandose come un porseo... Naturalmente essendo definio "el forbito" ( in italian voria dire "el spolverato" in quanto el termine deriva del verbo "furbire" = spolverare) nol ga possuo porchesare ma dire solo "pofarbaco, cribio, perdindirindina e per dio".. Praticamente invesse de avere un versamento de resie el ga avuo un versamento de inprecassion educatissime... Va ben lu ga afermà de avere avuo uno "strirachiamento muscolare" ma el risultato ze stà el medesimo: Moreno ze stà par tre giorni un invalido al 80% (sensa pension)... E la nostra aventura ze scumissià cussì... No vojo perdare tenpo pressioso contando cossa ze sucesso in camara dove gavemo girà le sene più ard mai trasmesse da Mediaset... Ve digo solo che i do operatori pareva Caino e Abele (naturalmente in senso figurato).. No i se capiva proprio... Cussì mentre Moreno caminando de sotignon inpartiva ordini tassativi, me mojere suava in leto e mi come un moma me intrajavo sula camisona da note più granda de mi de oto talie e i go operatori co na perversità tipica de do nasisti intavanà me ordinava prima de andare in leto, dopo de vegnere su, dopo de inpissare el candeloto, po de stuarlo, po’ de reinpissarlo pò de cambiarlo.. Po’ dovevo snasare el prodoto adato al tiragio sessuale, stuare la luce, no inpissarla, no ancora stuarla e po porchesare muto parché el prodoto no funsionava... Roba questa che me ze riussia mejo de tuto... Ga salvà la situassion so popà de Moreno che a un serto punto ga dito: " Tosi dasemosse na mossa senò doman matino semo ancora qua!" e cussì in sole tre ore gavemo desbratà el pocio... Doman ve conto el viajo a Milan chel rapresenta pa parte mejo!... Intanto andeve a vedare el fora onda su youtube ala vosse video Walter e il sesso!!!.. Messo su dal dsgrassià de Stefano!!!! o el video su www.striscialanotizia.it....
COMMENTA (0 commenti presenti)
-
PERMALINK
martedì 16 ottobre 2007 - ore 20:09
DESMENTEGAVO: SOBA SO AL BAR SFIZIO!
(categoria: " Vita Quotidiana ")
VE speto al SFIZIO BREAK BAR ae ore 18,30 riviera Tito Livio 35 dove presentarò el me ultimo libro MONADE BIBLICHE... Rinfresco a vin agratis!!!!
LEGGI I COMMENTI (1)
-
PERMALINK
domenica 14 ottobre 2007 - ore 20:04
STRISCIA LA NOTIZIA!
(categoria: " Vita Quotidiana ")
Novo eclatante servissio come spala de Moreno in fase esecutiva... Forse in onda za doman de sera.. Go dito forse!!!! Senò sarà una dele prosime sere... Come semnpre l’argomento ze ghioto ma top sicret!!!!
LEGGI I COMMENTI (5)
-
PERMALINK
sabato 13 ottobre 2007 - ore 13:59
CHI GERGA TROVA (de Fred e Walter Basso par el veneto)
(categoria: " Vita Quotidiana ")
All’Università di Padova è nato il primo vocabolario che raccoglie lo slang giovanile.
Un vero e proprio nuovo linguaggio, di cui presentiamo un esempio: la frase di un ragazzo che racconta un episodio a un amico. Con relativa traduzione in italiano e, per i più ruspanti , anche in lingua veneta.
GERGO GIOVANILE
Bella! Oggi per la caga ho stampato e sono andato al cazzeggio. Ho beccato un desfo di gente, anche quella frizza di Laura con cui mi infratterei di brutto. Poi ho fatto la genialata di passare dove batte il vecchio mentre mi facevo una paglia. Mi ha sgamato prima che riuscissi a evaporarmi ed è sbroccato, tirandomi una castagna e dicendo che ero un cazzataro. Non mi darà un pìpero per un mese, io gli ho detto che mi fa fare i gattini e l’ho invitato a sciallarsi.
TRADUZIONE IN LINGUA ITALIANA
Ciao! Oggi per la paura ho saltato la scuola e sono andato a farmi un giro. Ho incontrato un sacco di gente anche quello splendore di Laura con cui mi fidanzerei volentieri. Poi ho commesso l’errore di passare nella zona dove lavora mio padre, proprio mentre fumavo una sigaretta. Mi ha sorpreso prima che riuscissi a scappare e si è adirato, dandomi una sberla e dicendo che sono un bugiardo. Non mi darà un soldo per un mese, io gli ho detto che mi fa vomitare e l’ho invitato a rilassarsi.
TRADUZIONE IN PURISSIMA LINGUA VENETA*
Ciò! Oncò par el trancio gò brusà ea scoea e sò ’ndà in giro de baucon e de lilon. Gò catà na sluamarà de zente e anca chel tocasso de gnoca de Laura che me tanburarìa de gusto. Po’ gò fato la capèa de passare onde laora me pare, pròpio fin che me ciuciavo na sigareta. El me ga cucà prima che ghe a fassesse a sfetare e el se ga intavanà cofà na bissa, sgiaventàndome na papàvara sula boca e diséndome che sò un cagabae. No’l me slongarà pì na paeànca par un meseto e mi ghe gò dito che el me fa fare i porseleti e chel se chieta!
*Nella traduzione in veneto sono state eliminate la parolacce ed eresie che normalmente fungono da punteggiatura nella parlata comune. Ciò per non turbare le coscienze ai lettori più morigerati e culturalmente più elevati.
A mi me pare giusto, orca bestia sassina!
LEGGI I COMMENTI (1)
-
PERMALINK
sabato 6 ottobre 2007 - ore 18:23
AL "SFIZIO BREAK BAR" EL 18 DEL MESE!!!!
(categoria: " Lavoro ")
El 18 (soba) otobre ae ore 18,30 sarò ospite del’amigo Mauro intel so bar in Riviera Tito Livio, 35, onde presentare al folto (se spera) publico de anarchici spirituali el me novo libro MONADE BIBLICHE, overo na micidiale tolta par el sesto del noto libron dito Bibia.... Naturalmente ghe sarà anca un rinfresco a base de vin, spritz e pissete... No se paga gnente in quanto pago tuto mi!!!.. Alora chi voe vegnere a catarme sarà graditissimo!!!!
Eco qua l’ecessionale opara d’arte!!!
LEGGI I COMMENTI (3)
-
PERMALINK
venerdì 5 ottobre 2007 - ore 17:12
ONCO’ CULTURA COL "CUL" MAIUSCOLO!
(categoria: " Vita Quotidiana ")
"Picola al balo, granda a cavalo". Riferito a donna . Cavalo é un gentile eufemismo di origine agricola che sta per pincione.
"Amore, merda e senare le ze tre robe tenare". - Amore, cacca, e cenere sono tre cose tenere. - I rudi cesellatori della soppa (vulgo boari) gaveva na filosofia parechio rasotera. Sto proverbio ze la prova lanpante.
"Co el cavejo trà al bianchin , dassa la dona e tiente el vin". - Quando i capelli imbiancano lascia perdere le donne e dedicati al vino. - Questo proverbio mi sa tanto di auto consolazione. Infatti quando l’età incalza é giocoforza dimenticare i piaceri del sesso in quanto il cosidetto ciccio perde quota e consistenza al punto di avere la solidità di un rotolino di formaggio stracchino. E possedere una donna con un’etto di stracchino in rotolo é un’impresa ardua e da mone che peraltro la dona di buon senso non apprezza per nulla. Il vino invece rende allegri e fa dimenticare codesti terribili drammi.
"
Ocio celeste, ocio da dama, ocio moro, ocio da putana". - Occhi azzurri occhi da gran signora, occhi neri invece da puttanone. - No go la minima idea de chi ga scrito sta vacada, certo però che el ga da aver avuo na bruta esperiensa co so mojere.
"Porco in grassa no ze mai contento". - Significa che una persona ingorda non si accontenta mai. Esempi esplicativi: Mastela, Sgarbi, Andreoti el gobo, e il restante 90%* dei nostri solerti ministri.
*Il restante 10% é monna.
"Testa de musso no se pela mai". - Proverbio contro ogni logica. Infatti serti omeni dovarìa avere i cavej longhi fin al culo, invesse i ga na notevole pelata. Mi invesse sula perdita de cavej go na me personalissima teoria: chi ga na bela scavejara (come l’autore paraltro) soto ga on servelo norbio, belo grasso, fodrà de vitamine e altre sostanse nobbili...chi invesse ze in pelata s-ceta soto ga on servelo stitico, incagnìo cofà on petolotto de musso. Cussì i cavej more da fame e cade in tera co disperassion del proprietario. Se el proprietario ze mona el core da Cesare Regassi che cola subia ghe inpianta on pochi de peli rancurai da chissà che bestia e ghe inchiava fior de quatrini...ben ghe stà a sti macachi!
Storiela didatico-esplicatica
- Dotore a go i cavej grassi. Cossa posso fare?-
- El magna manco, cussì i dimagrisse!
Eco la fsmosidssima testa da glande del sior Zidan quelo che ga smoltonà Stramazzi e ze stà multà ps via chel nol se gaveva messo el preservativo-goldone!
LEGGI I COMMENTI (3)
-
PERMALINK
giovedì 4 ottobre 2007 - ore 17:23
RILASSEMO VA!!!!
(categoria: " Vita Quotidiana ")
Capìo tuto!!!
Marieto, sinque ani, ze nato su na fameja de larghe vedute e co idee al’avanguardia cussì quando so mama va a cronpare el fradeleto so pare ga fato un casin bestia e ga convinto i mèdeghi a far partecipare, in sala parto, al lieto evento anca el bocia.
Benon, riva el momento e tuti i sanitari se da da fare: la femena spense, el pare partecipas e el bocia varda parplesso… Forsa de farghene el bocieta voien fora da dove tuti savì, l’ostreticia taja el cordon ble… scusè, ombelicale, guanta el neonato par i piè e ghe sgiaventa i do classici s-ciafoni sul muso…
A sto punto salta fora Marieto:
- La ga razon siora… ansi lo sberlota ancora che se lo merita: mai visto un mestiero cussì... Picolo, pena nato e varda indove che sto malmato gera andà a ficarse!!!
LEGGI I COMMENTI (3)
-
PERMALINK
mercoledì 3 ottobre 2007 - ore 13:40
ANCORA BRUNO BRESPA!!!!
(categoria: " Vita Quotidiana ")
E BASTA, CHEL CAN DE SATANA, POSSIBILE CHE OGNI NOTE GO’ DA BECARME EL SLANDRON DE BRUNO BRESPA CHE DESSO VA IN STUDIO CO NA MARSA DE BICICRETA????.... MANDEO A SAPARE STO SACRAMENTO CHE ORMAI I COJONI ME LI GA ZA ROTI ANPIAMENTE!
LEGGI I COMMENTI (2)
-
PERMALINK
> > > MESSAGGI PRECEDENTI
[ SONO OFFLINE ] 