Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27792 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
lunedì 1 ottobre 2007 - ore 14:00
EL PRIMATO VENETO DE SETENBRE!
(categoria: " Vita Quotidiana ")
El primato veneto de novenbre 2006
Gino Scataron de Busiago Soto ga vinto el titolo de Omo Supersfigà del’ mese de setenbre in corso (legale)... El Scataron infati in pochi giorni ze riussìo a becarse otantadò peladoni sul bero dal musso Anselmo, dosi inponenti ogni sabo de sera de bastonà drio ale rece dala mojere al ritorno dal’ostaria inbriago cofà na cioca, oltre sento punti in manco par guida in stile bisato grazie ai efluvi vinicoli assorbiti, trenta cadute nel fosso co conseguente giassamento de ciape e bronbi. Inoltre ze riussìo de malarse trèdese volte de snaro, peronospara e pivia, ronparse l’osso sacro e anca quelo ateo, e, dulcis in findus, deventare beco sbarà grassie al’inpegno e costansa dela mojere nel dare via la fritela a pressi modicissimi. Unico momento positivo del’ano Gino lo ga avù quando ze riussio a scanparghe a Omar Finochieti che voleva a tuti i costi farlo suo posteriormente.
LEGGI I COMMENTI (2)
-
PERMALINK
sabato 29 settembre 2007 - ore 12:42
EL RACONTIN SQUASI ARD (overo onto)
(categoria: " Vita Quotidiana ")
Fato vero di cronica verità
- Mi, - conta sto porseon anonimo - lavoro inte na dita indove parecemo i bacalà macai e verti, quindi pensa ti che popò de spussa a vento che me tiro drio co vago casa... Mi staco de solito ale sinque e co rivo, dopo un’ora de màchina, davanti casa cato ne ventena de gatassi rognosi che me speta ansiosamente... Come che verzo la portiera del mèzo sti schifosi me core incontro sgnaolando da far pecà... i snasa l’aria, i sdrissa le rece e qualchedun più fetente e mona de st’altri, in preda a alucinassion olfative, serca adiritura de morsegarme na pupola pensando chel sia un pesson col peo... Mi naturalmente arco un paro de peadoni bel centrà e te vedi gati svolare pararia cofà canarini... Va ben, co sono el canpanelo de casa la fameja se afacia timidamente sula soja tuti co la so bea mascara antigas e me fa segno de corare intel bagno onde despetolarme da dosso l’oribile tanfo... Questo solo par dirte in che situassion me cato par sirca diese ore al dì... Caso voe che da un poco de tenpo me stramasso co robusta vedova che ga na fame sessuale sbregà... L’altro dì questa la me telefona sul laoro, verso le sinque, e la me dise che la ga bisogno urgente de parlarme e par questo la ze za smudandà... Mi coro dal paron e ghe digo che ga pena telefonà el ristorante de Neno Culaton che voe un paro de pessoni e parto de gran cariera... Drio la strada gò anca l’astuta idea de ciamare me mojere par avertirla che gò na consegna urgente e rientrarò tardi...
- Ma, - dimando mi - e co la consegna a Neno, come la metito? -
- Neno Culaton ze me involontario conplice e in più el abita in zona vedova smudandà... Ghe molo zo i pessoni e se no li voe ghe digo che fasso na telefonadina ale finanse... Cussì oltre ala vendita rimedio anca na bona mancia... Ma continuemo co la storia: rivo dala siora, vago in bago, me lavo parben, me rasso via anca la rufa, coro in càmara e la sucede un ingrejamento acuto co relativo pincion de fogo... ale oto e meza gò finio saludo co educassion estrema e riparto par tornare dale me legitima consorte... Giuda viliaco can, cossa ghe conto se sputacaso rivo parfumà e neto come un putin dopo el bagneto?... Pensa e ripensa che par poco me s-ciopa la suca eco el colpo de genio: premeto che jera ai primi de agosto e la tenperatura gera intorno ai trentasete gradi... Mi in màchina gò el condissionatore e cussì stago belo fresco. Ma cossa me soi inventà?: go stuà el rinfrescatore, sarà i finestrini e tacà el riscaldamento al massimo... Dopo do minuti me pareva de èssare un ebreo drento el forno a tuto regime... Dopo diese chilometri gero suà cofà un cavalo da tiro in atività e dopo meza ora gavevo perso soto forma de aqua almanco diese chili e spussavo cofà un curiatolo dele fogne ingorgà... Co sò rivà davanti casa i gati se la ga tolta supiando cofà treni e sdrissando el pelo... e la mojere se ga parfin comossa vedendo come me riduzevo par mantegnere la fameja... In sto modo do otegnuo do inportantissimi risultati: catà un alibi de fero e guadagnà la senpiterma stima dela càncara de me mojere! -
Dal’OCO 2007 de W. Basso
COMMENTA (0 commenti presenti)
-
PERMALINK
venerdì 28 settembre 2007 - ore 08:44
AL TEATRO DE SANGIORGIO DELE PERTICHE!!!
(categoria: " Vita Quotidiana ")
Stasera ae ore 21,00 al Cinema Teatro Al Giardino vien presentà el me spetacolo teatrale "LA FADIGA DE ESSARE OMO" co la vosse del’atore Andrea Bordin e el comento musicale del M° Paolo ZANARELLA... I testi in prosa ze mii e intrameso vegnarà interpretà poesie in tema de J. Prevert... Ingresso agratis e oferta libara par la Città della Speranza... Un spetacolo che ze quasi na autobiografia co quaklche soriso ma anca momenti de riflession!!!!
LEGGI I COMMENTI (3)
-
PERMALINK
mercoledì 26 settembre 2007 - ore 16:26
INFORMASSION: TUTO SUI PRESERVATIVI!
(categoria: " Vita Quotidiana ")
Deti anca "goldoni" i serve a trategnere i spermatozoi pena che questi va fora dale bale. Bisogna inpirarseli (i preservativi, no i spermatozoi!) sul’organo prima de tacare la funsion. Se consilia de inpirarseli quando che l’afare ze duro cofà un sasso senò fasì na fadiga bestia par via che el cicio molo no’l saverghene de métarse l’inpermeabile gnanca par morte morire. Atenti a queli ritardanti: se ve li inpirè roversi i deventa anticipanti...
Nota religiosa colaterale
El Papa ze contrario al’uso del goldon. Secondo Lu bisogna tronbare a roda libera e se la dona resta insinta alsare piamente i oci al cielo e dire - Signore... io ti ringrassio! - El ga anca dito che “chi usa el preservativo bestemmia contro Dio”. El ga razon: infati ze tanti che usa el goldon e po’ biastema contro Dio. E anca contro la Madona, se ze par questo: sopratuto ogniqualvolta che el goldon se ronpe!!!
Scoverte sientiffiche goldoniane
Il solerte, quanto mona, prof. Evaristo Capeloto laureato a pieni voti all’università di Sorbona in “ Camerdarie, goldoni & affini” ci comunica le sue ultime scoverte sul mondo del goldone-gomoso, aplicato ala sfera del sesso feminile. Ma lassiamo la parola all’insigne quanto inbessile letterato:
“Dopo sofferti studi sula resistensa del goldone preservativo, (gabiamo usato la tennica deta del “tira che vedemo se el se sbrega”e dobiamo dire che gabiamo anche chiappato una grande asticatta sui dei con conseguente e logico scravasso de resie, porchi, e biasteme) gabbiamo gavuto la garansia totale sula tenuta stagna e quindi sul’impossibilità dei sig. spermatosoi di scanpare fora par andare a tronbare, siamo passati alo studio di nuovi modeli di goldone in sintonia coi tenpi atuali, moderni e porselli.
Eco quindi nàssare il modelo cosideto “SuperGoldone co le ali vive”: necessario par incoconare le done che durante el ciclo mestruale dóparano el Lines co le ali vive. Co questo goldone si può incoconare la fritela fin che svola de qua e de là. Altro modelo è il “Goldone ai ragi infrarossi”. Questo è l’ideale par stramassare le fritele che doparano el Lines invisibile. In questo momento sto lavorando par otegnere un modelo coi spigoli utilissimo par contentare le done che doparano l’assorbente retangolare visto che hano la fritela quadrata. Queste done di norma sposano òmeni coi coggioni quadrati... Vi lassio visto che sto provando il goldone a righe visto che le righe slongano. Signori e signore, bongiorno!”
El fai da te che fai par tre
In caso de ristretesse economiche se poe farse i goldoni in casa usando materiali de uso comune; questi o codesti sono: camerdarie de bicicrete (basta tajarghene un toco e ligare na estremità co un spago da saladi. I megalomani disarà de usare camerdarie de camio). Sacheti da congelatore (se se lo inpira po’ se liga torno el pipiolo co un spago). Pelicola Domopak o Cuki, (se ruja el pipiolo tuto torno e in ponta come se el fusse un salado da tajo). Calseti longi o curti, dipende dala lunghessa del’afare (l’inportante ze che i sipia de nailon o licra). Parlo dei calseti e no del pipiolo...
LEGGI I COMMENTI (1)
-
PERMALINK
domenica 23 settembre 2007 - ore 12:56
LE RICETE DEL PENSIONATO INPS
(categoria: " Vita Quotidiana ")
A cura del cogo ruspante Neno Smerdacai
Overo come magnare puito sparagnando schei
Bìgoli al profumo di fruti di mare
Cossa serve
1 chilo de pasta vansà in sorte mista - 2 pignate (una granda una pichenina) - 1 fogo lento - 1 sbrancone di sale grosso - 1 aciuga - 1 s-cioso-limega - 3 teste di sardele - 1/4 di scatoleta di ton - 1 spigoleto di ajo pitone - Aqua (un paro de litrossi)
Esecussione
(grado de dificoltà: estremo)
Verzì la cradensa e, dopo aver s-ciafesà le mojere ingorde, catè fora tuti i modeli de pasta vansà nei ultimi do ani. Metì sul fogo na pignatona co un litrosso de aqua e fasì bójare... Ciapè la pasta e sgnacheghela drento de bruto... Cusinè el tuto a fogo lento (cussì consumè manco) par oto ore. Tirè fora la spalteca otegnua e fasì su na bea bala. Co la bala pastacea ze freda struchea col schiciapatate e otegnarì un bel piaton de bigoloni sucolenti. A parte, overo in un cantone, ciapè na teceta, metìghe un poca de aqua co un bel brancon de sale (par via del profumo de mare) e fasì sfritegare na aciuga, un s-cioso (par via dela somejansa co i sgarusoli marini), tre teste de sardele, un quarto de na scatoleta de ton e un spigoleto de ajo. Cusinè el tuto smissiando co calma... Atenti a no inbriagarve col parfumo... Co el sugheto ze coto su na teciona a parte cusinè i bìgoli e pena pronti condì fasendo saltare su na farsura el tuto, (tenti duranti i salti de no sgiaventare tuto intel pavimento senò fasì un loamaro)... No stè métarghe formajo grana par carità de Dio senò rovinè el gusto delicato del mare... Come vin consilio un bianco economico al metanolo purissimo doc.
LEGGI I COMMENTI (16)
-
PERMALINK
sabato 22 settembre 2007 - ore 14:39
I PROGRAMI IN TIVU’... CACA A TUTO CANPO!!!!
(categoria: " Vita Quotidiana ")
Da venti dì romasi Bepin Grjio canpeja a furoro de popolo dì e note... I politici dopo aver avuo mejari de passagi in video du tute le trasmission posibili e imaginabili, disendo che Grjio ze mona, sparlacion onto, bon da gnente e che vore robarghe la carega, se sveja de note ciapando dei scorloni maledeti parché i ga i incubi: i sente sonori VAFANCULO in stereo che riva dai quatro cantoni.... Studio Aperto, (el ze talmente verto che al diretore e ai giornalisti ga da essarghe sbrissà fora el servelo) oltre al quintalato giornaliero de tete e culi feminili, gode come mas-ci fasendo ilassion sui eredi de Pevaroti e sul caso del mostro de Garlasco... Anca Bruno Brspa se ga butà a pesse cofà un pessecan sui petegolessi su Pevaroti... La Sifica (Simona ze volgare) Sventura, guida el baracon del’Isola dei Fsmosi dove na smanegà de mentecati fa de tuto par parere più mone de queo che i ze... Brila de luce propria Malgiolio e Paon che za la prima sera ga anpiamente spacà i ovi a tuti fasendo dei ragionamente che gnanca un toseto de do ani farìa.... Sui television locali infuria zugheti ebeti che incula la zente a maneta (pare ch da ieri li gabia sarà tuti, maghi supermone cme un serto sucon peà in testa che ga el nome che taca par A... e finisse par X, al qualeogni tanto scrivo e che voe batarme (forse no apressa el me umorismo).. Questo vende bracialeti c tre metali a sirca 100 euri... e spara cassade grande cofà na casa!!!!... par fortuna ghe ze Le Jene, Blog e doman ritaca Striscia la Notizia!!!!... Almanco su questi ghe ze satira.... e se stemo tenti qualche messageto poe anca rivarne!!!... Par el resto CACA A TUTO CANPO!!!!
LEGGI I COMMENTI (1)
-
PERMALINK
mercoledì 19 settembre 2007 - ore 12:50
BEPIN GRJIO AL’ATACO!!!
(categoria: " Vita Quotidiana ")
Terore, casin e casoto in tuti i media iitaliani par via del gran sucesso del VAFANCULO DAY.del sior comico Bepin Grijo.. I siori politici strenze le ciape dala paura de poder perdare i previlegi aquisiì dopo ano de strenue lote ( ma che i vada a cagare!) e i strenze talmente tanto che i podarìa tranciare ciodi da muraro!!! I core come cani da lievori da na television a st’altra, suando come carogne, e disendo che i se gaveva za inacorto che i ciapava massa e desso tuti e digo tuti voe giustissia sociale e fa promesse a nastro... El più astuto de tuto ze Di Pietro, che ga capio al volo e cavalca l’onda fasendo capire che tuti i ministri, deputati, segretari, portaborse, autisti, fatorini snetacessi, de Montecitorio e dintorni ze dei grandissimi ingordi e magnoni... Tuti fora che lu, naturalmente, che ze drio darse da fare più de tuti par ristabilire l’ordine!!! Se no fusse da pianzare par via che a ciaparlo fisso in culo semo senpre niatri, sta enesima farsa dove i interessai sparla sensa dire gnente, dise che chi no ze contento ze qualunquista, sarìa da organisare el Scoreza Day indove tuti i italiani che ormai ghe ne ga i copjoni pieni de sta zente, podesse sfogarse inviando ai nostri amati governanti na sonora e solene na scorezona fata co milioni de boche... Forse la sarìa na scoreza qualunquista ma fsicuramente fata col cuore!!!!
LEGGI I COMMENTI (3)
-
PERMALINK
martedì 18 settembre 2007 - ore 15:34
LA PARAGOLA PAI SEGANTINI!
(categoria: " Vita Quotidiana ")
El spermatozoo sòto ( o cionpo)
Questa la ze na storieta sureale, on fiatin onta... però la trovo sinpatica e cussì ve la conto: drento on omo, in on posto tre déi sóto el bunì¬golo dela panza, ghe ze na stansa indove ghe
ze mejari e mejari de spermatozoi . In fondo a sta stansa ghe ze na portesela co do lucete: una rossa e una verde. Co la luce rossa la portesela ze sarà, quando se inpissa quela verde la portesela se spa¬lanca, e tuti sti narabotoli parte cofà spussoli e i fa na gran corsa par rivare al’ovulo par métarlo incin¬to! Alora, drento sto ostion de omo, tra la fola de narabotoli ghe ne ze uno sòto, pora ànema de Dio! Questo, savendo de partire svantagià el dise ai altri: Sentì tosi, sicome mi go solo na ganba bona, lasseme métarme davanti, cussì go qualche possibilita in più de rivare anca mi!!! - I altri disse de sì e cussì, tuto contento, el se piassa davanti e el spetta che se verza la portesela.
E finalmente eco el momento bon: scata la luce verde e....VIA, tuti de corsa!. El cionpo ze davanti a tuti che core tuto spasemà. Ma come che el riva sula porta el se incioda e el se mete a sigare: - Alt, alt, par Dio, fermi tuti: pericolo mortale!!! Parché se la ze na pipa, come st’altra volta, casco de novo in tera e me scavesso anca la seconda ganba, boja scheo!
COMMENTA (0 commenti presenti)
-
PERMALINK
domenica 16 settembre 2007 - ore 18:06
RUBRICA: " CAGADE FORA DAL BOCAE" Torna l’Isola dei Famosi!!
(categoria: " Vita Quotidiana ")
Finalmente!!!... come se le vacade finora prodote dale varie television no bastasse torna la cosideta ISOLA DEI FAMOSI, indove raquanti "morti de fama" fa finta de dover sopravivare magnando nose de coco, pessi crui e barufando cofà cani rabiosi... St’ano DIMOSTRANDO NA COERENSA che ga del sovrumano tra i baucoti ghe sarà anca Cechi Paon, quelo che un paro de ani fa fa fato l’ira de dio in direta televisiva sigando come un porseo che gera na vergogna dare un premio al Grande Fradeo e no a lu che faseva informassion sientifica.... Eco, desso el va a fare informassion sientifica in mezo al mare al Malgiolio... Tra l’altro Cechi Paon ze notissimo par via chel ga sbandierà ai quatro cantoni che par via de gusti sessuali ghe va ben tuto: omani femene, cavare cavaroni, mussi, piegore e anca el buso del seciaro... No oso pensare cossa sucedarà visto che anca Magiolio par via de sesso ze drito cofà el ganso de un becaro!!!... Manca Aldo Busi e po’ i poe canbiarghe nome al realiti (del casso) e ciamarlo "L’isola dei fenoci!...
El Paon mimetisà!!!
LEGGI I COMMENTI (14)
-
PERMALINK
sabato 15 settembre 2007 - ore 13:53
RUBRICA: "SCRIVEMO UN MONA ALA VOLTA"
(categoria: " Vita Quotidiana ")
Eco la sagace (e anca un poco mona) risposta de Marcozu al squisto sientifico del parcossa "La bala se anca anca simia" promosso da alberto11:
Scusate, ma qui si sta tralasciando la grande domanda sientiffica posta dal nostro alberto11. Per cortesia, torniamo a parlare di scienza. Mi go pena ciamà al telefono so sorèa de Piero Angela, che se ciama Angela Piero, e mi ha dato questa "spiegassione per analogie". Secondo Angela Piero, se dize "go fatto na simia" par via che e simie magna e banane. Ora, e banane ze storte, e infatti co se se imbriaga se dize anca "go ciapà na storta". Ora, e banane non solo ze storte, ma te poi farghene svariati usi, tipo mettertela su pal c..o. Adesso metti caso che te vadi in giro in macchina imbriago spolpo. Facilmente i vigili ti fermeranno e ti daranno la multa, che sarìa na grande incueàda. E così non solo va’ in rosso il conto in banca ma si arrossa pure il culetto. Come le simmie. Ecco parchè se dize "a go fato na simia". Mi credo che sia tuto più chiaro, no?
Nota de Walter Basso
Solo na roba ze ciara, overo che nei estensori dei articoli se nota na serta dose de monalgia galopante acuta!!!!
LEGGI I COMMENTI (2)
-
PERMALINK
> > > MESSAGGI PRECEDENTI
[ SONO OFFLINE ] 