Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27792 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
lunedì 25 giugno 2007 - ore 09:00
A RICHIESTA DE RAQUANTI AMISSI RIPUBLICO...
(categoria: " Vita Quotidiana ")
ESENSSION DAL SERVISSIO MILITARE
Rustega di Camposampiero 23 giugno 1996
Ogeto: Richiesta de esonero par conplicanse familiari
Sior Ministro dela Difesa,
el me permeta, par piassere e pagando, de torme rispetosamente la libertà de informarLa de quanto segue e de solecitare la So benevolensa e el sforso necessario al sguelto desbrigo dela pratica in ogeto:
Io sotocristo Marieto Busolin sono dietro spettare la Vostra letera de "Chiamata ale armi".
Go 24 ani e sono maridatto co una vedova de 44, de cui (la quale), essa, ga una fiola di ani 25 anche bastansa cancara ad onor del vero.
Me pare che ga 68 ani, ma li porta puito, a sua svolta ganno maridatto questa filia: quindi atualmente mio pare è diventato mio zènaro in quanto ganno maridatto mia filia.
Inoltre mia gnora sono diventatta a so svolta mia maregna in quanto mojere di mio pare.
Mi e me mojere, in febraro gabbiamo avuo un filio che, otomaticamente, è diventatto fradelo dela mojere di mio pare, quindi cugnà delo stesso e come se no bastasse esso il quale è anche mio zio in quanto fradelo di mia maregna.
Mia maregna, cioè la mojere di mio pare, a Pasqua ga avuto anchessa un filio che quindi ze contenporaneamente me fradelo, in quanto filio di mio pare, e mio nevodo, in quanto fiolo dela fiola de me mojere...
Mi in sto caso sono, quindi la quale, fradelo di mio nevodo e siccome che el marìo dela mare ze so pare, risulta ali ati che mi sono il pare dela fiola de me mojere, fradeo de so fiolo, quindi sò me nono!!!
Spiegatto tutto ciò, Sior Ministro, La prego de volerme concedare de essere esentatto dal Servissio Militare, in quanto la legge inpedisse che PARE, FIOLO e NEODO, presta servissio contenporaneamente, orca bestia sassina!!!
Scusi mi sono sbrissato... Fermamente convinto dela so conprension La prego, Sior Ministro, de acetare i me più d’istinti saluti.
Marieto Busolin
LEGGI I COMMENTI (2)
-
PERMALINK
venerdì 22 giugno 2007 - ore 10:43
SENA SEGRETISSIMA DEI COLABORATORI DE MORENO MORELLO!!! "Brec stei"
(categoria: " Lavoro ")
Preciso subito par i eventuali "ospiti! ignoranti cofà tonpinare che el termine in inglese purissimo "brec stei" vol dire "dadietro ale quinte!... Eco fato. Alora el signor Morello, da persona de raro savuar fer e che sa parlare in ponta de piron e anca indiferentemente in cicara, na setimana fa ciama tuti i cosideti colaboratori (in realtà semo na smanegà de mone) e ne dise che la sera del 20 semo tuti invidai a magnare e bevare presso un noto agriturismo. Naturalmente el tuto ze agratis visto che pagarà tuto lu (che brava persona orco can!)... Ala fine del caloroso invito ghe ze l’ordine perentorio: "SIETE ATESI ALE 7,30 a CASA MIA DI ME OPURE ALE 8,15 IN LOCO CO TOVALIOLO INTORNO E PIRONE IN MAN"... Mi naturalmente co tuta la fameja feminile al seguito me organisso e ale oto so za in ristorante co le ganbe soto ala tola in fremente atesa... Dopo diese minuti riva l’amigo fidato de Moreno da Verona.... Po’ basta, restemo tristemente d soli coi stomeghi vodi fin ale nove manca un quarto... quando ala spiciolata taca rivare i ilustri ospiti (che Dio li fulmina sechi tuti!)... Bon ale nove, quando ormai la fame ze a liveli che quea del terso mondo se poe tranquilamente ciamare "apetito", se sentemo a tola e Moreno taca contarne come se fa coe galine in ponaro... Conta e riconta manca senpre tre persone e quindi visto che semo educatissimi e rispetosi del "bon ton" no se poe tacare magnare.... "Ma se poe savere chi casso manca, orco qua e orco là?" siga uno che no ghe ne poe più.... E secondo vialtri chi poe mancare?: MANFRE co gentile e piacente consorte e vezzosa figlioletta!!!... El quae Manfre e parentame streto riva co passo folpato e espression corugiata, sigareta in boca, come gnente fusse ale nove un quarto!!!! Incurante dei porchi e insulti che svola in sala el noto operatore spiega stupio che nela tangensiale de Mestre ghe gera, ma varda ti!, na coa mostruosa... (MANFRE.. ze dai tenpi de Giulio Cesare che nea tangensiae de Mestre ghe ze na coa mostruosa!)... Bon, finia la spiegassion el taca na nosa micidiale parché nissun ghe ga tegnù i posti indove voleva lu overo petà darente in coste el so socio de sventura dito Stefano anca lu possessore de piacente signora e vezzosa fioleta. Forsa de farghene, prima chel se meta su un canton a criare, zontemo na toea e Manfre ze dove voeva essare, overo darente Stefano mi, me mojere me fiola, n’altra bea copieta de amissi, Ilenia, la segretaria flessuosa e conturbante del sior Moreno e Enrico, altro amigo de tuti che ga fato varie incursion co Moreno in gir ero par el vasto mondo... Darente el noto inviato, la dolse Laura, piacevole (ala vista e penso, ma no lo posso provare, anca al tato), so popà Romeo, in veste de managher, autista e consulente a tuto canpo, la Gilda otimo esenplare del gentil sesso, altri amissi tra cui la quale na donzela vegnua a magnare a sbafo in quanto Moreno, conplice un ataco de teresina, la ga invidà anca se nel’anata in corso no la gaveva fato servissi (però la ghe n’aveva fato de boni l’ano prima! quindi presensa più che giustificata!) ... Bon se taca far laorare le ganasse (gran qualità sia de servissio e de cibarie), se siga, ride e Moreno e Laura, come fa de solito i sposi, fa el giro dela tolada par stare co tuti... La serata score piacevole e perfin Manfre magna, ride e gode come un mas-cio. Stefano invesse magna a tonfon e gode par dentro fasendo finta de gnente... Ala fine lel lauto (osarìa dire luculiano) convivio, riva i cafè e qua eco l’ultima trovata del Moreno e Laura: el cafè al Viagra overo "cressinman"... sto particolare cafè ghe toca a pochi eleti: Manfre, Stefano e a Marco Pacagnea (presente co legiadra consorte)... Sto cafè funsiona cussì: pena che te sgiaventi drento la tassina el sucaro e te tachi "menare" col sculierin in tre secondi el liquido cresse de volume (da qua el nome Viagra) e spassora soto i oci alibiti del consumatore ignaro che dopo el momento de stupore inissiale taca a porchi! Ciò ze dovuo a na inportante lege chimica che aferma solenemente che se al posto de sucaro intel cafè te ghe sgnachi frissina el cafè taca bojare!!!!... Eco, dopo sto inportante esperimento sientifico Moreno ga tacà un discorso che ga comosso fin ale lagreme i astanti. Aplauso finale,
atesa spasmodica che Moreno paga el mostruoso conto (dio no voja che al’ultimo el se pentissa!)... l’amaro dela casa (anca questo agratis!) e po’ tuti se invia co tipica anda a bisato verso casa... Dio volendo che la polissia no ne ferma e ne fassa supiare intel balonsin!!!... Fine e te end!...
(A parte i schersi, grassie a Moreno, gavemo veramente passà na gran bea serata... sarà parché semo tuti sveji, sinpatici, sarà parché no gavemo pagà, ma na serata cussì ze veramente da tegnere tra i ricordi più bei!... Mi sò za drio pensare a quela del’ano prossimo!!!)
(Foto trata fora dal’ultimo servissio girà st’ano co Moreno: quelo sui efeti sessuali del SEDUX)
LEGGI I COMMENTI (2)
-
PERMALINK
giovedì 21 giugno 2007 - ore 08:49
DEMO A CESARE QUELO CHE ZE DE CESARE E A MANFRE….
(categoria: " Vita Quotidiana ")
Eco qua toh ciapa!... Poiché el sogeto in question, intitolà MANFRED CAGNIN (se no ero,e se ero me ne ciavo), noto operatore de Striscia la Notissia, fumatore incalito e sparlacion onto, se ga lagnà un pasto (“un pranzo” in veneto) in quanto:
1) lo ciamo Manfre e ciò, secondo lu, ze lesivo dela so dignità personale (no’l se rende conto el stolto, che Mandre ze un svessegiativo afetuoso veneto, come se costuma al de de oncò tra persone che se voe ben teneramente stile Dolce e Gabana!)
2) Co se catemo magnare fora lu voe sentarse senpre darente petà al so socio, tale Stefano al quale ze ligà, secondo mi, da afetuosa amissia. Nei casi in cui mi no ghe tegno el posto el se intavana cofà na bissa e pianta na nosa che no finisse più… Purtropo lu riva in loco de solito con a ora de ritardo sula tabela de marcia…
3) El me ga fato na vibrata protesta in quanto, dise lu, su sto stupendo brog, no conto bastansa ben ( e soratuto no finisso mai) i bec steig dele trasferte estere che ne vede protagonisti (invesse de ringrassiarme che no lo sputano come sarìa el caso!)
4) Na volta ga afermà solennemente che ghe gavemo perso un colarin leletronico de Moreno (salvi par fortuna guinsalio e musarola!)… Dopo averne insultà tuti a sangue par un paro de ore, desfà la màchina a nolegio, controlà par filo e par segno tre km quadri de strada in centro a Londra… el ga scoperto el sudeto colarin IN CAMARA SUA SORA EL LETO!... che Dio lo sbrega par metà!!!
5) altre e eventuali
Dichiaro uficialmente tanto segue: LO PERDONO IN NOMINE DOMINE, parché el ga na gran bea mojere e na bea fioea… Do personete parben che ga tuta la me conprension par aver a che fare co tale figura porca… e lo mando, senpre uficialmente, a farselo metare da un can che spessega!!!!
Leto, aprovato e sotoscrito. Walter Basso
.jpg)
Eco la foto someja del noto operatore!!!!
LEGGI I COMMENTI (2)
-
PERMALINK
mercoledì 20 giugno 2007 - ore 12:51
IN ANTEPRIMA DAL ME PROSSIMO LIBRO!
(categoria: " Vita Quotidiana ")
Publico un picolo assajo del me novo libro MONADE BIBLICHE, de iminente ussita:
Adamo si ronpe le pale e chiede al Sig. Dio una machineta par avere dei filli... Dio ci pensa sora e intanto fa il comandamento contro la formicassione...
Dopo aver fato su l’Universo Universale contenente na sluamaratta de bale, balete e baloni, raquanti che fa ciaro, altri no, el Sig. Dio ga frabricà la Tera Terestre e insimia ghe ga messo un zoo pien de bestie, piante par fare onbrìa ale bestie e infin grassie a un secio de paltan ga fato su el guardian del zoo overo el primo omo ch’el ga intitolà Adamo.
Fato questo el se ga frabricà na nuvola da corsa (no’l podeva cronparse na màchina in quanto la Fiat gera drio fare la luce: “FIAT LUX”) e se partìo a rasso par tornare casa sua di sé stesso a riposarse un fiatenin... Dopo un bel soneto durà sirca oto dì el se gà svejà, cavà le sgarbele dai divini oci e ga deciso de tornare sora la Tera par védare se tuto andava ben.
El riva sora el zoo, el mola zo l’àncora, el varda basso e cossa védelo?: Adamo, nudo e nado che ze drio ramenarse in velocità el pistolino.
- Ciò ti, pesso di monna che no sei altro, cossa sei dietro a fare? - siga metendo la testona fora dala nuvola el sign. Dio pontando l’indicione acusatore indosso al porocan.
- Òstrega che tremasso!!! - cria l’omo molando el pipiolo e vardando in sù - Intanto bongiorno... E in quanto a cossa sò drio fare gò un problema...
- No te gavevo dito che te dovevi téndare e curare le bestie che no le se magna tra de lore??? E qualo saresselo sto problema?... Sentimo...
- Me sò indormessà sora a un formigolaro... Le formìgole, ste sassine schifose, ga tacà caminarme sul corpo umano e un paro, le più seme, no se ga miga inpirà drento el rubineto del’aqua calda?... Me fa na spissa bestia e sò qua che serco de farle vegnere fora...
- Ma alora te sì tuto mona!!! - s’incassa Dio - te lo sè che no vojo che te zuga co l’inpianto idraulico ch’el ze ancora in prova!!!... Te dago mi le formìgole!!!... verzi le recione e scolta puitto: no bisogna FORMICARE... Ciaro? senò la prossima volta te tajo le man.... Stà fermo che fasso un miracolo e te fasso sparire le formìgole... Un due tre... là... A proposito, caro, par el resto come ti catti?... Ti serve calcossa?...
Continua.. sì intel libro!!!
LEGGI I COMMENTI (6)
-
PERMALINK
martedì 19 giugno 2007 - ore 09:04
UN APLAUSO AI NOSTRI PARLAMENTARI!!!!
(categoria: " Vita Quotidiana ")
A Montecitorio sucede anca questo: el Presidente del Consiglio, ricordando i tenpi nei essi cuali el gera un proletario, ga lancià na nova proposta. Overossia calare i stipendi de tuti i menbri del Parlamento (el termine deriva dal’union de do vossi dei verbi “Parlare” e “Mentire”, overo “parlo e conto balote”) de un bon 50% e darghelo ai pensionati. Naturalmente la proposta ga scaenà na bolgia infernale: pugni, s-ciafe, spuaci intel muso par via che l’oposission voe ridurse lo stipendio del 60%... Rifondassion Comunista po’ vorìa adiritura passare tre volte al’ano casa dei pensionati più bisognosi vestìi da Carlo Marcs e portare cateteri, bonbole de ossigeno, riviste osè e Viagra... Panela invesse propone cane, mariagiovana elmi, cocaina agratis par tuti i ansiani. Nel’inpossibilità de métarse d’acordo intanto i ministri se ga aumentà el stipendio del 25%.
LEGGI I COMMENTI (2)
-
PERMALINK
lunedì 18 giugno 2007 - ore 10:01
INSULTI CREATIVI IN LENGUA MADRE
(categoria: " Vita Quotidiana ")
“Sta sito mona che te sì nato in dódese mese cofà i mussi!” Lett. “Stai zitto, pezzo di vagina, che sei nato dopo una gravidanza durata dodici mesi come quella dei somari!”
“La to barba pare el scoato del cesso” Lett. La tua barba sempre lo scopettone del gabinetto
Naturalmente si parla dello scopettone arcaico in uso nei tristemente noti cessi stile “capano in cane de saturco” dove l’atrezzo era un umile insieme di rametti di saggina oscenamente intrisi di feci umane attaccati ad un modesto manego de legno. L’offesa quindi è sanguinosa.
“Quando che i te ga batezà gera caro il sale!” Lett. “Quando ti hanno battezzato il sale era molto costoso!”
Per dire che il soggetto in questione ha pochissimo sale in zucca. Quindi è “dessavio” per non dire “tuto mona!”
“ Che Dio te manda el culo da na banda” Lett. “Che Dio ti faccia andare il sedere tutto da un lato!”
A parte il fatto che non è chiaro perché Dio dovrebbe punire una persona compiendo un miracolo di tale frivolezza e inutilità, tutto l’insulto è ermetico e ostico…
“Ara moro, che te maco le cusidure!” lett. “Attento bruno, che ti ammacco tutte le cuciture!”
Minaccia in forma velata di prendere scrupolosamente a botte uno.
“Tonin?: el ze un magasin de teghe!” lett. “Tonino?: è un magazzino di bacelli!”
Offesa in senso lato. Vol semplicemente dire che tale Tonino è un invertito e copme diletto personale è dedito alla collezione sistematica di organi genitali maschili. “Porseo de fondo”, insomma!
“El ga la morosa col culo interà!” Lett. “Il tal dei tali ha la fidanzata che ha il sedere sotto terra!”
Difficile cogliere il senso nascosto in questa perla della saggezza popolare.. Par fortuna ghe so qua mi!!! Vol dire molto prosaicamente che uno ga la morosa fortemente agricola!
LEGGI I COMMENTI (2)
-
PERMALINK
sabato 16 giugno 2007 - ore 10:17
BEA LA MOSTRA FOTOGRAFICA DE WILLIAM FLY
(categoria: " Vita Quotidiana ")
Ieri sera sò stà ospite al Bar Sfizio inte le Riviere a Pd... Ghe gera la presentassion dela prima mostra fotografica de sto toso (Alessandro) che da un ano e mezo coltiva la passion par le foto sula natura... El ze stà fortemente apressà dala tanta zente convegnua e ve consilio de fare un gireto a farve un spretiz in sto sinpatico locale e a vardare sti picoli spacati dela natura fermai dal’obietivo de Alessandro.... Conplimenti davero!!!!!
LEGGI I COMMENTI (6)
-
PERMALINK
giovedì 14 giugno 2007 - ore 18:32
PADOVA – I migliori investimenti si fanno acquistando “immobili”
(categoria: " Vita Quotidiana ")
Padova: Dal nostro inviato Bepi Giuliani strossin deto l’Avaro Giuliani
Gnente da dire: el sior Sindaco de Padova, senpre sior Zanonato, ze na vera volpe astuta. Apena informà da solerti promotori finanziari de chiara fama che nela situassion atuale i mejo investimenti se fa comprando imobili ga deciso de provedere al’imediato acquisto de na intiera partìa de tran… L’ordine de ben sinquanta mezi de trasporto (se fa tanto par dire) ze za partìo e la Zonta Comunale ze drio pensare intensamente (ghe ze anca el pericolo che qualche testona politica s-ciopa) dove posissionare i tran nela lunghissima atesa de proe, colaudi, roture varie (come quele recenti) e quant’altro… Par assicurarse che i stessi no se mova gnanca in caso de scosse teluriche (l’unica situassion nela quale i podarìa dare qualche segno de vita) ze stà anca pensà de procedare al’aquisto de un paro de tonelate de cola Vinavil onde incolarli in tera. – Prevenire ze mejo de curare – ze stà la filosofica riflession del primo cittadino. Pare anca che da Napoli sia in partensa cinquanta fameja slargate (mare pare e diese toseti cadauna) fermamente intensionà a ocupare i novi imobili.. Par questo i ze drio fare regolare domanda al Comune de Padova de regolare autorisassion par “ocupassion abusiva de imobile su rode”… I pari de fameja ga anca fato richiesta de parmesso par esercitare la nobile profession de “postegiatori abusivi!”…
Tran-Vai (sì a fartelo métare in culo!)
LEGGI I COMMENTI (5)
-
PERMALINK
mercoledì 13 giugno 2007 - ore 13:35
NOTISSIA DEL’ULTIMA ORA!
(categoria: " Vita Quotidiana ")
ZOVANE CINESINA AFETA DALA FAMOSA SINDROME CINESE "OCIO A MANDOLA" VENDE LA MANDOLA PAR FARSE SDRISSARE I OCI!!!!
LEGGI I COMMENTI (5)
-
PERMALINK
mercoledì 13 giugno 2007 - ore 09:23
DISQUISISSIONE SULA PROSTITUSSIONE (de moda oncò)
(categoria: " Vita Quotidiana ")
a cura de Pipo Pistagna putanologo de 1° livelo super (col filtro e preservativo-goldone)
Questo ze on argomento diffisile, da afrontare co le tenaje par on paro de boni motivi.
Primo parché, parlando de robe a contenuto roteco, ze fasilissimo sbrizare in tel pornografico onto e passare par dei putanieri acuti. Anca parché mi, forse par na carateristica genetica, no riesso a parlare de gnente sensa ‘ndare a finire sul’onto. La ze na roba pì forte de mi: mi ciapo in man la pena taco scrivare na disquisission seria e pian pianelo me scanpa fora parolasse teribili e gira che te giro del pipiolo o dela Fritola me toca parlare par forsa....
Secondo parché schersare sule putane, come paraltro sui bechi, se core el ris-cio de ofendare na sluamarata de zente, e ciò pole causare on abassamento dele vendite del libro. Roba questa che a ti, amato letore, te fa bao, mentre a mi me preocupa tantissimo, anca parché el libro mi lo pago prima de ti e quindi ris-cio sul mio...
Torneno in argomento putanasse. Na volta ghe gera i casini indove le vache se riuniva in branchi e, previo cospicuo pagamento, le distribuiva la Fritela ( in molti casi la Fritelona) al popolo maschile che contravenendo vergognosamente ai detami di Santa Madre Chiesa se divertiva ala grande e no se pentiva gnanca par morte morire. On bel di la Senatrice Merlin ga fato sarare i casini e le putane se ga sparpanà par l’Italia tuta (vardando ben no ze canbià gnente visto che ormai l’Italia, grassie ai nostri solerti governanti, la ze deventà on casin totale, par cui le gentili lavoratrici dela Fritela in qualsivollia cantone di strada si postano senpre in un casino si catano.) Alora le donine si piassano darente i lanpioni co le ciape al vento e le tete in mostra, mastegano cauciù rumegando cofà giovenche e aspetano la clientela che riva in otomobile co i ochi sboroni, la lengua de picandolone, e le rechie che sfogonano e fano chiaro cofà lanpadine da diese candele. Le done in borsa ano tuto l’ocorente par lavorare co professionalità: goldoni-preservativi, salviete par la pulissia somaria (legi bidé a seco), e na britola par desbrazolare el cliente mona che voe robe massa costose a pressi de assoluto realisso. Chi a pochi soldi deve ripiegare su zerti cancari che perdono tete e ciape par la strada e è costreto a fare le robe onte al scuro co i oci sarà parchè se li verze el crede de essare drìo tanburare la suocera e fa on infarto seco. In aguato sui cantoni scuri si sconde la polissia che pena l’omo cumissia ‘ndare via di brentone salta fora sigando: - Alt, fermi tuti ti gabiamo visto, slandrone de on porcasso ninfommane che no sei altro...cossa seì dietro a fare?
Al che l’omo che ze incrocajo al massimo no savendo che casso rispondare vista la situassione lanpante taca balbetare: - El me scusa sior, gero drio pizzare, so debole de reni, go la prostata, la siora qui presente ze na sugeritrice diuretica, la pago parchè la fassa PSSSSSSSSS par jutarme...mi no so gnente, no ghe gero, se ghe gero dormivo, e se dormivo sognavo de no essarghe..... Gabia pietà sior tenente, se lo sa me mojere la me magna vivo, la me tortura, la me fa morire rabioso...giuro giuron che el diavolo me fassa on bocon, che no gerio drio fare gnente!
- Te la diamo noi la prostata sula coppa, porsello nonché loamaro, indove è l’inpiria par pizzare? E il papagà? E come mai la sugeritrice diuretica é sensa mudande co la pistagna spelachiata al dolce venticelo noturno? Tante dimande una sola sola risposta: boh. Ciancio ale bande ci slonghi in pressa patente , libreto, tesserino di cacia e titolo de studio (?)........Uhmmm..... gratt..gratt... (gratada de bale)..........(controlo dei documenti in ato).......................
- Bene bene, bravo, tuto a posto ( qua l’omo a sentire tuti sti conplimenti spera in on: - Vada via caro e no si fassa becare pì, stia atento a no chiapare fredo e bon pincionamento!) invesse ghe riva sula boca na slepa mortale, teribile:
- Mezo millione de multa par ati osseni in publico (nda. ma qualo publico dela Madona se ze le tre de note, no ghe ze in giro on can, no se sente on mussato svolare!), sosta vietata su carezone privato, gome lissie, esposissione de atributi sessuali, ciucionamento inconsulto, ofese ala corte (?), porto abusivo di pipiolo in stato d’alarme, atentato teroristico, apologia di reato, presa per il culo di publico uficiale, furto co scasso, dano al suolo e orizonte publico (goldoni samenatti dovunque, buco del’ozono, ecc. ecc. In più, e par zonta, sequestro de mezo privato in quanto trasformato in torara co le rode sensa aver pagà l’ICI!
Cussì l’omo da inchiavadore scatenato se traforma in inchiavato di primo livelo super e el torna casa molo molo a piè col portafollio legerissimo e co la sicuressa de dover afrontare na guera mondiale co la mojere e de catarse el di drìo sul Matino e sol Gasetin. El godarà par on mese de na notorietà sfrenata in tel ragio de siè paesi e el gavarà l’onore de essare el personagio principale del discorso del paroco par tre domeneghe de fila nela messa pì frequentà. Tute robe che el podaria evitare solo tirandose na s-ciopetà in boca. La putanassa invesse la torna in strada e la speta ‘naltro omo intorà che puntualmente riva zinque minuti dopo. Naltro inocente candidato ala gogna publica grassie ala polissia che invesse de corarghe drìo ai nostri ministri. ladri e coroti, onde sgiaventarli in galera, perde tenpo pressioso par danegiare persone par ben e notevolmente religiose che se inpegna fora dai modi par aplicare el famoso deto biblico: - Moltiplicatevi! - Goi o no goi razon?
Nota informativa
I giornalisti, che in bona parte ga da essare fioli de ste gentili signore, co la scusa dela famosa libertà de stanpa fa sui giornali i Putan Tur overossia le cartine giografiche co le dislocassion dele putane in tel teritorio de conpetensa co relative quotassion in borsa e prestassion...cussì i putanieri ze edoti in modo parfeto e i fa le famose coe otomobilistiche che ronpe le bale ala zente che abita in zona che de conseguensa ronpe le bale al Sinnico che gira la fritaja al questore che la rigira ala polissia co le tremende conseguense descrite sora.
Dal libro "NA GRAN CIAVADA!" de W.Basso due edizioni esaurite - presto in ristampa
(laplauso ze rivolto ale Sig. Putane e no al’autore del’articolo che ze mona!)
COMMENTA (0 commenti presenti)
-
PERMALINK
> > > MESSAGGI PRECEDENTI
[ SONO OFFLINE ] 