Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27791 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
mercoledì 15 ottobre 2008 - ore 12:47
ECO UN FOTOGRAMA DEL ME FILM DOCUMENTARIO!
(categoria: " Vita Quotidiana ")
FILO’ 2009
LEGGI I COMMENTI (3)
-
PERMALINK
mercoledì 15 ottobre 2008 - ore 11:59
FORSE IN ONDA SU PAPERISSIMA!!!!
(categoria: " Lavoro ")
Ormai ze fora discussion: indove serve un mona mi ghe sò senpre.... Me ze stà dito che molto probabilmente venare de sera vago in onda su Paperissima.. Co cossa no lo sò... probabilmente qualche desgrassià ga da averme filmà de scondon fin che gero drio conbinare qualche vacada!!!! mah... Staremo a vedare... Intanto, chel can de Giuda stracan, bruto fiol de na troiassa, gò fato un potente s-cioco sula schina e sò incalcà de dolori... Cussì passo dala carega al leto, dal leto al divano, dal divano ala carega e cussì via porchgesando a volte sommessamente e a volte a sbrenaverta!!! Che dio fulmina i mal de schina e chi li ga inventà! ORCA BESTIA INFAME TROGGIA E SASSINA....
LEGGI I COMMENTI (3)
-
PERMALINK
venerdì 10 ottobre 2008 - ore 20:31
Del come tamburare i carbonieri co se core inbriaghi in màchina
(categoria: " Vita Quotidiana ")
El presente metodo se aplica SOLO SE A FERMARVE, in màchina dopo abondanti libagioni co la mojere ze i siori carbonieri.
Materiale necessario: na facia de tola, ma simia potente indosso, na mojere inbriaga cofà na cioca, un putin de quatro o cinque ani de natura mona.
Come svilupare il subdolo ingano
Metimo el caso che te sì un ristorante de lusso estremo co la mojere e el putin mona dove gavì magnà cofà porsei e bevuo a butaroto… Prima de andare fora e montare in machina fasighe bévare al putin mèza onbra de vin nero co gradassion torno ai dódese gradi… A sto punto podì pure métarve ala guida del vostro potente mezo di locomossione. Desso tuti sa che un sogeto inpongà e cargo de vin e liquori, ga l’inteleto turbio, la vista che bala e un grado de atension al livelo de un macaco del Borneo. Tuti sti stati de cossiensa se poe védare osservando l’anda a bisato del meso di locomossione soracità. Ve racomando de córare pian e pena che davanti ai oci vedì balare na paleta ve consilio de frenare de boto.
Se i coragiosi militi che ve ga fermà ze la polissia si ciavà ma se invesse i vostri interlocutori sarà carbonieri ve consilio de métare in ato la seguente tennica:
1)Smontare co fare baldanzoso stando ben tenti de no strabucarse e cadare in tera de rabalton. Dare i documenti SENSA MAI FIATARE (col fià podaressi tramortire el carboniero che gavì davanti) indi aderire ala richiesta de supiare intel balonsin e spetare l’esito co espression inocente.
2) Come chel carboniero salta pararia coi oci sbarà anunciandove un tasso alcolico da coma etilico stupirse enormemente e afermare co assoluta sicuressa che el risultato ze fasulo in quanto voialtri gavì bevù solo na gazosa, un litro de aqua e un cafè machiato.. “La vostra machineta ze rota” disarì co fare convinto!!!
3) El carboniero se intvanarà e ve risponderà mae… Voialtri tegni duro e insistì… Fasì conto de èssare drio convìnsare la mojere che no gavì assolutamente na amante!... Infin visto che el valoroso milite no voe saverghene de darve razon domandeghe de far supiare anca la mojere!!!
4) Novo salto pararia del carboniero dopo la supiada e novo tentativo da parte vostra de convinsarlo che la machineta ze rota: “ Me mojere ga bevù solo aqua e gnanca el cafè… Ve digo che gavì el balonsin starà!... Mi no pago la multa gnanca se me copè!!!
5) A sto punto la sicumera del carboniero tacarà trabalare anca se no’l vorà cèdare assolutamente e vorà convinsarve che sì inbraighi tuti e do… A sto punto stà a voialtri sferare el colpo mortale:
“Sior tenente, - bastarà dighe - la machineta misuratrice ze sbalà… Se no el me crede gnancora el fassa na bea roba: tajemo la testa al toro: el fassa supiare anca al putin ànema santa e vedemo se almanco lu ga i valori nela norma come ga da èssare queli de un infante inocente e ingordo de ranciate e coche cole!
6) Naturalmente un bocieta de quatro ani co mezo goto de vin in corpo gavarà un tasso spaventoso de alcol che farà quasi s-ciopare co fragore el balonsin… A sto punto bastarà na vostra frase:
“ Cossa ghe avevo dito mi???”… E la risposta sarà: “Ostegazza porca, lei ga razone… la machineta è rotta, ansi de più: è guasta… Vada, caro, vada.. e mi scusi par el disturbo!!!
7) Evitare de sganassare fin che no se ze a sento metri de distansa… Pagare al bocieta un gelatin da un euro stando ben tenti che drento no ghe sia alcolici!
LEGGI I COMMENTI (4)
-
PERMALINK
mercoledì 8 ottobre 2008 - ore 23:19
DESSO SE POE DIRE!!!
(categoria: " Lavoro ")
Toh ciapa!!! Desso posso dirlo: ormai ze quasi finio el montagio (grassie a Stefano del Studio Primo Piano, operatore de Mediaset) del spetacolo squasi film direto da mi che sò drrio produre par lka sociatà de produssion cimenatrografica e televisiva VIP MEDIACOM... Titolo FILO’ 2009, tuto girà su na stala vera incalcà de vsache, vedei, mosche e boasse del 1931 e interpretà da Valerio Mazzucato, Andrea Bordin, Roberto Bellino mejo noto come el Mago Ua e co Xenia e Veronica e i do toseti Marco e Mattia... La scenografia ze stà fata sù ciapando vecio materiale da un museo e i testi ze mii e del prof Cevese (un cardiochirurgo simpaticissomo che scriveva roba in veneto da lecarse i dei)... Dentro sta stala se alterna storia, filastroche, musica, poesie goliardiche de tute le sorte e musica popolare... El ze un percorso de sirca na ora nela tradission del mondo rurale fin al’arivo dela television... El finale ze un pocheto particolare... Entro el 20 de novembre vegnarà fora el dvd e za el 21 sarà presentà in Sala Filarmonica a Camposampiero...
LEGGI I COMMENTI (4)
-
PERMALINK
lunedì 6 ottobre 2008 - ore 13:40
SINTETICO!!!
(categoria: " Vita Quotidiana ")
A FANCULO: I RONPICOJONI, CHI NO PAGA, CHI VOE INSEGNARME A VIVARE, CHI ZE INVIDIOSO, CHI VOE CONVINSARME CHE DIO ZE UJN OMO COEA BARBA CHE COME UNICO COMPITO GA QUELO DE RONPARME I COJONI, CHI ME CRITICA SENSA GNANCA CONOSSARME, CHI ME STA IN COSTE SOLO PAR AVERGHENE UN VANTAJO, CHI SERCA DE CIAVARME... A FANCULO, FANCULO, FANCULO....
LEGGI I COMMENTI (8)
-
PERMALINK
mercoledì 1 ottobre 2008 - ore 09:19
A ROVIGO UN SUCESSONE!!!
(categoria: " Vita Quotidiana ")
Presentassion ben riussia domenega par Sonia Sacchetto, la me autrice che, co la me colaborassion, ga publicà un libro sula so vita de dona... Grassie ala presensa dei ospiti (Moreno Morello e Laura Freddi) e del’atore Andrea Bordin che conpagnà dala musica de Paolo Zanarella ga interpretà dei brani del libro, in sala volava le emossion e più de qualchedun se ga comosso... Presente stampa de tuti i tipi, le interviste se ga sprecà, e ala fine un bufè fantastico ga sarà la presentassion... Da parte mia la ze stà na giornada pesante anca se gò fato solo el presentatore ma piena de sodisfassion anca parché el sucesso dei me autori me gratifica tantissimo.... comunque chi volesse vedare na sintesi dela giornada poe andare sul sito www.ecoveneto.it ala vosse interviste e cata interviste e fotosomeje rancurà e messo insieme dal ’amigo Corazza.
NA BARZELETINA IN OMAGIO
In ostaria ghe ze tre cassadori de cacia grossa che infati conta bale grossissime… Sentà su un tavolin darente un veceto co la facia da stitico che scolta atentamente…
Uno dei tre partre a contare:
- Dunque gavì da savere che mi al polo nord go incontrà un orso bianco nero… Gero in mezo ala neve quando el bestion ga tacà corame incontro co l’intento poco cristian de magnarme le brasole… Beh, mi, interepterito gò spetà chel fusse a sirca diese metri po’ gò trato na s-ciopetà e lo gò fato seco…
- Fato puito, - siga el secondo tuto gasà – mi invesse gò corso un ris-cìo ancora più grando: duranti un safari de colpo me so catà a sirca venti metri drio el bero un lipopotamo inferocito che ga tentà de caricarme… Mi so stà fermo po’ quando lo gò sentio a sirca oto metri me so girà de boto ghe gò sbarà do colpi de s-ciopa “Ta – Ta” proprio intrameso ai oci… Dio che tega col ze cascà!
- El sI cari, la vita del cassadore ze pericolosa – tarocca el terso – penseve che mi un dì un cucodrilo ze balsà fora dal’aqua fin che me riposavo soto un’albaro… El ga fato un salto in alto de circa sete metri e quando chel gera a un metro sora de mi co la bocassa verta mi go ciapà un masso cogolo da ottanta chili e ghe lo gò sgiventà sul babio… El ze aterà scainando (?) e el se ga solontanà co la coa tra le ganbe dadrio… Dio che inpression…
A sto punto el veceto no ze più bon de tegnberse e salta fora:
- Bravi… bravi… veramente corajosi ma vuoi metare le vostre aventure co quela che me ze tocà l’altro ieri a mi?... pensè che a un serto punto me vedo davanti a sirca tre metri un lion co la scavejara drita che me varda co le bave ala boca… E mi, spressante del pericolo, me sò avissinà e co so stà a sirca trenta centimetri… savìo cossa che gò fato?
- Cossa galo fato, sior?... – dise in coro i tre balisti.
- Gò tirà fora el pipiolo e ghe gò pissà dosso a sto schifoso d’un can massa cressuo!!!
- E… E… dopo cossa ze successo???
- Gnente: ze rivà el guardian del zoo e me ga sgnacà in coste na multa da tresento euri, sto infame sassin!!!
LEGGI I COMMENTI (4)
-
PERMALINK
sabato 27 settembre 2008 - ore 09:40
DOMAN BEA PRESENTASSION
(categoria: " Vita Quotidiana ")
Doman, domenega partecipo a na bea presentassion a Rovigo... Na me autrice, col me aiuto, ga publicà un libro biografico dal titolo "EL PUZZLE DE SONIA" (la so storia visto che la ghe ne ga visto tante!).. La ze na paruchiera de fama in cità e par l’ocasion a fare da ospiti a sta presentassion ale 16,00 riva LAURA FREDDI e MORENO MORELLO... Inoltre mi gò organisà la presensa de un musicista ale tastiere e un atore dedito al reading che lezarà dei passi del libro... Infina brindisi... Se qualchedun voe passare a saludarme e stare in conpagnia eco l’indirisso: PESCHERIA NUOVA - CORSO DEL POPOLO 140 - ROVIGO ore 16,00.... Tuto agratis!!!
LEGGI I COMMENTI (2)
-
PERMALINK
mercoledì 24 settembre 2008 - ore 08:36
MODI DE DIRE CO LA PAROLA "MONA"
(categoria: " Vita Quotidiana ")
"Te spissa la mona?"
Lett. : "Ti prude l’organo genitale femminile?"
Questo modo di dire normalmente si rivolge a donna pettegola che chiacchiera in continuazione e quindi affetta da scagoto par boca... Non si sa che collegamento neurologico possa esserci tra un eventuale prurito veginale e la diarrea orale
"La ga na mona che pare na oseanda"
Lett. : "Ha un organo sessuale che sembra una trappola per uccelli"
Non lo so esattamente cosa sia una "oseanda", ma dal nome presumo che si tratti di qualche marchingegno per catturare storni di uccelli pennuti... Dire quindi che l’apparato sessuale della Signora in oggetto sembra questo marchingegno equivale a dare alla stessa della meretrice (leggi: "putana") in modo comunque non privo di eleganza (?). E’ m.d.d. dispregiativo.
"La ga el rabegolo sula mona"
Lett. : " Ha l’argento vivo sulla vagina"
Come sopra però detto in forma più delicata e quindi, al contrario di quello precedente, esprime grande ammirazione. La frase viene pronunciata di solito al passaggio della legittima proprietaria della "mona" e chi la pronuncia di solito ha gli occhi in fuori come uno "s-cioso" (lumaca) e "pantesa" (ansima) come un treno a vapore in salita.
"La canta co la mona in boca!"
Lett. : " Quella cantante canta con la vagina in bocca!"
Almeno nelle intenzioni vorrebbe essere un complimento... infatti vuol molto semplicemente dire che la tal cantante è molto sensuale e quando canta gli uomini che la ascoltano a tutto pensano meno che alla canzone. Rita Pavone non c’entra!
"Se me la cato soto ale sate ghe fasso la mona cofà na farsura"
Lett. : " Se mi capita tra le mani le faccio una vagina come una padella"
Terrificante minaccia che può avere sia un significato sessuale, sia un significato di botte. Dipende dal modo con il quale il m.d.d. viene espresso.
LEGGI I COMMENTI (2)
-
PERMALINK
martedì 23 settembre 2008 - ore 08:43
IL CANTONE DELA POESIA POETICA!!!
(categoria: " Vita Quotidiana ")
LA PREGHIERA DEL PIO BOARO
O Signore benedici
el me canpo de radici...
E ti che te sì cussì bon,
fame créssare el formenton...
Lo sò che te domando massa
ma fa che la luja vegna bea grassa.
Lo stesso dicasi par el porseo
e tendi anca ch’el vin no vada in aseo...
Fa che la vaca mora fassa tanto late,
e che le moreje no me magna le patate.
E soratuto tendi me fiola Milena
in modo che, sta porsea, no la staga piena...
Parché la gò vista darente el pajaro
drio farse incoconare da Bepi el boaro!
Signore ti te lo sè che mi sò un pecatore
e anca che me armo la sposa del fatore...
Quando che tornarò dal Pare Eterno,
Ti, prenotame pure un posto al’inferno...
Ma desso, fame sto piassere,
fa che no lo sapia la càncara de me mojere!
LEGGI I COMMENTI (2)
-
PERMALINK
lunedì 22 settembre 2008 - ore 10:55
TRE BARZELETE PAR TACARE PUITO LA SETIMANA!
(categoria: " Vita Quotidiana ")
La coerensa
Un sior ze incantà davanti ala vetrina de Ermo Caccin, me amigo refice a Borborico...
- Ostiamenta, varda che rassa de relojo, - el pensa coi oci fora dala testa cofà un s-cioso curioso - un spetàcolo ùnico... na roba granda... desso vago drento e me lo cronpo anca se gavesse da dissanguarme el tacolin!!!
E difati el entra e el taca criare col Ermo:
- Vojo ch’el relojo là in vetrina.. presto lo toga che me lo provo che lo vojo...
- El varda sior, - risponde me amigo parplesso miga poco - ch’el costa salà: 2500 euroni... tuto oro massicio a 18 carati...
- No me intaressa gnente i problemi de caratari o de euri, lo cronpo subito parché el me piase massa... eco qua.. varda come ch’el me stà da dio... solo che... ostiamenta, no vojo la cinghieta bianca... mi sò leghista... ragion par cui la quale, vojo la cinghieta verde...
- Nessun problema sior... - intervien el sior Caccin - eco qua la cinghieta verde... cossa ghe pare?
- Stupendo ostiamenta, stupendo... varda come ch’el brila... el pare un ferale... lo cronpo, lo cronpo... ma... ostiamenta, no va miga ben el quadrante bianco... no va miga ben!!! Mi sò leghista: vojo el quadrante verde...
- E qua sior sorge un problema... me toca mandarlo in Sguinssera... spetare tre dì... e lu ga da spendare 1000 euroni de più!!!
- E alora Giuda can, dove zelo el problema: toh ciapa... 3500 euroni in man subito e fra tre di torno tórmelo... ostiamenta che belo sto relojo...
E dal dito al fato el va via...
Tre dì dopo puntuale cofà la morte el siorato torna torse el relojo... Se lo mete torno el brasso e se lo amira...
- Ostiamenta, varda che qualità de lavoro... belo... belo... na òpara d’arte... po’ tuto verde par mi che sò leghista ze el massimo... ma.. ma... no ghe semo miga...
- Cossa ghe ze desso?, - dimanda co un filo de vosse el paron de botega overo Ermo che taca rónparse i maroni.
- Ghe ze che mi sò leghista.... quindi PAR PIASSERE BISOGNA CH’EL ME CAVA SUBITO EL MEZOGIORNO!!!
Consilio spassionà
Na ciciona entra in clinica par calare de peso e dopo un mese scrive sodisfata al marìo:
"Caro Toni, ti comunico seduta stante (sono in cesso) che in sto mese gò calato gnentepopodimeno che di metà peso"
Dopo do dì riva la risposta del’omo:
"Sono felisse, mia cara.... secondo me, però, dovaresti restare là n’altro meseto!"
Qultura
Un negroto clandestin gira de qua e de là in motorin. Na sera davanti a na ostaria vede in tera na carta de identità. Se cucia la toe su e se la mete in scarsela pensando che in caso de qualche controlo la podarìa vegnere bona... Difati na note na patulia de carbonieri particolamente astuti (?) lo broca e uno dei do ghe ordina imantinente de tirare fora el libreto del schiciabae ("motorin" in italian) e documento de riconossimento... El negroto dise:
- Subido buana! -, frugna in scarsela e cava fora la carta de identità catà in tera. El carboniero varda e vede scrito "Lionardo Di Caprio", varda la foto-someja, varda el negro, rivarda la foto, rivarda el negro e po’ sospetoso se avissina al colega:
- Ciò, scusame na dimanda: ma el Titanic, che te sapia ti, zelo afondà o galo ciapà fogo!?!
LEGGI I COMMENTI (3)
-
PERMALINK
> > > MESSAGGI PRECEDENTI
[ SONO OFFLINE ] 