Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27791 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
martedì 16 settembre 2008 - ore 09:59
FRED del Bepi e Maria Show a PORTA A PORTA!!!!
(categoria: " Lavoro ")
Gran colpacio quelo che ga fato Fred (el rafinato presentatore del Bepi e Maria Show) che dopo essare stà el disegnatore uficiale dela rassegna CORTINA INCONTRA ze stà ieri sera ospite a Porta a Porta de Bruno Brespa e ga disegna gnentepopodemanco par fare satira sul Berlusca!!!... Conplimenti vivissimi ostia!!!! Ansi se gavì voja andèa vedare i so lavori sul sito www.vignettefred.it
E DESSO CULTURA!
I BREVETI EBETI DEL 2007
Trapola pissicologica par sorzi co eliminassione fisica del bestio istantanea (squasi)
Materiale necessario::- un tocheto di iolla longa sirza 30 sentimetri e larga 3 co spessore 2 setimetri co opportuni suporti sempre in legno mogano o nocce passionale o frassino. Nella sfeza longo la tolla si ficano na serie di lamete par barba… Possia seve un piatino pichenin co drento un tocheto di formaglio pincione e na scodeleta (sempre pichenina) co drento un poca di aqua.
Come funziona la trapola
Si chiappa la toletta e si mete davanti al bucco del sorze in piè e quindi co il talio dele lamete pararia. Dadietro ala toileta sula destra si posiziona il piatelo (pichenin) co drento il formaglio. Dal’altra banda quindi a sinistra (o sanca) si sgnaca la scodeleta (pichenina) contenente aqua acquatica. Possia si va via o ci si sconde dadietro na porta par tendarle l’incauto (e mone) sorze.
Dopo un poco (o tanto, no si può savere!) il sorze metarà la zagola fora dal bucco di casa e al vedare l’atressatura restarà romaso (o de caca)… El rifletarà sul fato e po’, visto chel sarvelo topico ze pichenin (anca lu!) no capirà na tega e quindi andarà vedare… Par vedare dadrio la toletta metarà la zagola apena sora la lameta e cossa vedaranno le fosche balote dei oci del rato? Ala sua destra vedrà el formaglio e ala so sinistra l’aqua. E qua scata la trapola pissicologica: el sorze pensarà vardando a destra:
- Varda che bel toco de formaglio… po’ el girarà la zagola a sinistra e disarà: - Varda che bel goto de aqua!)…
Po’ el tacarà dire più volte: - Prima magno o prima bevo? – Disendò ciò el farà un rapido movimento destra – sinistra – destra - sinistra – e via de longo. In sto modo un poco ala volta la lameta tajarà la testa al sorze che prima de decidarse cascarà in tera morto!
La trapola ze a morma CEE e aprovà anca dai animalisti verdi i quali aceta el fato poiché morirà solo i sorzi ebeti e quindi questo contribuirà al miglioramento dela spece. Confido che sta me invension vegna premià col Nobel ala siensa. Bonanote.
.jpg)
Esenpio de sorze mona!
COMMENTA (0 commenti presenti)
-
PERMALINK
sabato 13 settembre 2008 - ore 20:58
RIPRESE IN STALA!!!
(categoria: " Lavoro ")
Toh ciapa... ieri ze stà na jornada canpale: dodese ore de riprese in stala. Co sei vache, do bo, un paro de vedei e quatro ruspamerda (legi "galine") . Le mosche no le gò contae ma ghe ne sarà sta almanco almanco un paro de milioni. Una più una manco. Invesse i mussati de sicuro superava i do miliardi.. I sarìa i cinesi dei inseti.... Come operatori par le riprese gavevo i operatori de Strissia de Strissia e de propietà de Moreno... penseve che sodisfssion portarli in stala indove le vache pissava e cagava a tonfon... La paura più grande gera che qualcheduna, fin che la spenseva ,ghe fusse vegnù la tosse!!!... El caldo gera grando come la spussa paraltro... Ae tre ze vegnù su mezo uragan e cussì se gavemo lavà fin sule balote... Dopo gavemo recumissià... Ma cumissiemo dare un pochi de nome sui attori inpegnai su sto filme: VALERIO MAZZUCATO... ANDREA BORDIN (atore teatrale) e el Divino MAGO UA... po’ MATTIA e MARCO do bociasse snarociosi... XENIA e VERONICA... Ala sera semo andai tuti in un bel postesin darente casa mia e gavemo magnà cofà porsei da grassa!!! Desso manca riprese esterne e dopo vanti tuta!!!!
LEGGI I COMMENTI (3)
-
PERMALINK
giovedì 11 settembre 2008 - ore 21:50
VARDA VARDA...
(categoria: " Vita Quotidiana ")
No posso credarghe... Vardè la foto sora dove sò insieme co Moreno durante uno dei me primi servissi.. Vedio la tosa bionda che sò drio sercare de papugnare???.. Beh, la ze in finale st’ano come Velina!!! Speremo che la vinsa... La ze ciama Vanessa e strano ma vero, la ze spagnola!!! E la ze anca sinpatica!!!
PSSS
Doman taca le riprese del me film!!!!
LEGGI I COMMENTI (5)
-
PERMALINK
lunedì 8 settembre 2008 - ore 18:16
GO CIAPA’ STA LETARA!
(categoria: " Vita Quotidiana ")
Sicome che mi sò democratico pubrico sta letera de insulti sensa dire ne ai ne bai!!!! ORCA BESTIA SASSINA!
Gentile signor Basso,
ho visto nel suo sito blog che lei oltre a chiapare par il cestello (tore par el sesto) il Signor Papa Razeghin il quale vorebe tornare indietro culo e far dire ai paroci italiani la Santa Messa in latino, se la chiappa anca con i contadini agricoli, come il sotocristo, e li trata da bifolchi ignoranti cofà talpe tonpinare. Lei aferma che noi no sapiamo né legiare né scrivare, né tantomanco parlare in cotesta lengua… Si sballia di grosso: io il latino lo so a ramenadito e glielo dimostro subito metendole qui soto l’Ave Maria in in latino parfeto. Sensa inviarle i distinti saluti le dico solo si purghi.
Suo Toni Dalla Gramegna
"Ave Maria, de cassia piena, domine intel steco e intel sculieribus. Benedeto el furto del sventron tuo Iesu. Salta Maria, mare dadrio ora par i gobi specatàuri e suchete sempre nela suca del soculorun ame!"
LEGGI I COMMENTI (6)
-
PERMALINK
sabato 6 settembre 2008 - ore 08:40
PAROLE & PAROLASSE
(categoria: " Vita Quotidiana ")
Toh, cultura veneta ruspante....
ardìo agg. arso, bruciato; (fig.) magrissimo. Ze un seco ardìo c’è una grande siccità; ch’el omo ze ardìo quell’uomo è magro in modo spaventoso. El contrario de “ardìo” ze “spantasson”, overo omo fodrà de lardo, cicia e pelegate. Come par esenpio, ciapando na bestia umana a casacio, Platinet, oribile incalmo tra un omo, na fémena, un porseo e un bradipo mona
baricòcolo s.m. (bot.) susino; colpo dato in testa con le nocche. Nota culturale miga poco: na volta quando un bocieta ronpeva i cosideti maroni, co rispeto parlando male, lo se guantava par na reciona e se ghe molava do crogni o baricocoli in testa. Beli fissi. No avendo el bocieta par le satte el telefono azuro, el se gratava la zagolona, fifotava diese minuti, po’ se meteva su un cantoneto molo molo e la pace e tranquilità regnava sovrana (come la Regina Elisabeta che Dio la sbrega par metà!)
bocàle s.m. boccale; pitale; vaso da fiori. (ind.) vago in càmara, vedo un veceto, vestìo de bianco, co na man in fianco il pitale overo par i più tera tera el bocale da pisso. Molto nota la frase tipica: “Toni ga pissà fora dal bocale” par dire che Antonio ga fato na vacada granda senpre. Invesse la frase: “te meto el bocale da pisso par capelo” ze na minacia terificante e oribile sopratuto se l’ogeto in question se pien de pissin
càvara s.f. capra; el spussa come na càvara puzza tremendamente; aver el grasso par dentro come le càvare essere magri; cavaron caprone; serti zóvani de desso se mola dele barbete solo sula sbèssola che li fa somejare perfetamente a dei cavaroni da monta. Anca la spussa più o meno ze la stessa!
fasolo s.m. (bot.) fagiolo; dal latino popolare “phaseolus, -i”, dal classico “phaselus”, dal greco “phaselos” = fagiolo; el pare un fasolo è tonto; i fasoli veci nasse ne la pansa i fagioli vecchi causano mal di pancia;’ndare sù e zo come i fasoli in pignata riferito a persona incostante (o che si agita per nulla); partire tega e tornare fasolo viaggiare (o studiare) senza ricavarne profitto; la scoreza ze l’ànema del fasolo triste realtà…
fiapàmento s.m. avvizzimento. La ze tuta un fiapàmento è appassita, sfiorita; se dise de fémena incalcà de pelegate, pandroche cadenti, grespe e co le tetasse de picandolone prima dei restauri dei cosideti chirurghi prastici... Un esenpio eclatante ze dà da Sandra Milo, che ormai ze rivà al milesimo restauro e fa parte dei monumenti storici.
.jpg)
omo che dise robe brute
LEGGI I COMMENTI (5)
-
PERMALINK
venerdì 5 settembre 2008 - ore 17:25
IL CANTONE DELE DIMANDE stile Focuss
(categoria: " Vita Quotidiana ")
Chi è statto il primo uomo siensiatto a ronpare l’atomo?
Dimanda posta da Tilio Capeta dito Moreja da Campigo Sora
Risponde il fisico atommico-nucleare Lele Troni
Il primo siensiatto a ronpare a tochi l’atomo atomico sono stato Richeto Fermi al’età de diese ani. Diccono le croniche che essendo il pare di costui un acanito fisico, ogni tanto regalava al fillio la scatola del Picolo Fisico co in zonta na scatoleta fodrà de atomi novi de balin. Na sera el putin acolie el pare sigando: “Popà, go roto i atomi!” guantandose cussì na papavara da chilogramo neto drio ale rece conpagnà dala storica frase: “Pare inpossibile Giuda cane, che te ronpi senpre tuto!!!”... Il picolo Richeto dimostrò senpre gran atacamento ale robe dela fisica atomica: difati el so magnare preferìo gera “molecole in salata co la polenta”... Altra gran scoverta de Richeto fu l’unione di due atomi di CO con 2 Joni de calcossa (la storia no dicce l’elemento base) ottenendo un paro de CO-JONI....
LEGGI I COMMENTI (3)
-
PERMALINK
mercoledì 3 settembre 2008 - ore 18:17
(categoria: " Vita Quotidiana ")
.jpg)
Novo rebusse veneto ruspante!!!!
LEGGI I COMMENTI (3)
-
PERMALINK
martedì 2 settembre 2008 - ore 09:05
OSSERVASSION RELIGIOSA ACUTA
(categoria: " Vita Quotidiana ")
Davanti casa mia abita na copia de sirca quarant’ani che ga la belessa de diese fioli. Stà sgnarà inponente de toseti ga po’ dei nomi che la dise longa sule idee de genitori: infati i se ciama: Maria, Marco, Batista, Giosuè. Madalena, Pietro e Paolo, Luca, Mateo e Giobe…. Parlando un dì col pare lu me ga spiegà che fa parte de un grupo de preghiera che segue co estremo scrupolo i insegnamenti de Dio.
- E Dio, - el me ga dito co un soriso de superiorità - ga dito “Cressete e moltiplicativi”… Eco parcossa che mi, rispetoso dela parola divina, moltiplico a maneta!
- Ghe credo, anche seben che mi no gò sentìo, ma de ti me fido - gò risposto mi - ma bisogna che ti te tegni presente che quando Dio ga dito sta batuta sula tera ghe gera solo do persone e no sie miliardi come desso!!!
LEGGI I COMMENTI (4)
-
PERMALINK
lunedì 1 settembre 2008 - ore 23:26
E DAGHELA COL BALON!!!
(categoria: " Vita Quotidiana ")
Ieri inissio canpionato dei miliardari in mudande che tra peae a a na balota de curame... oltretuto, sti miliardari che lavora coi piè ciapa un smerdaro de schei e come se tuto ciò no bastasse i tronba a maneta veline, leterine, microfonine. meteorine tute messe "pecorine"... Va ben, drio sto codasso de sportivi (?) ghe ze na smanegà de mone diti ultras che spaca i cojoni, se bate, se sbara in coste, fracassa treni, curiere e trà sassi ala polissia. Digo mi, ma no se poe MANDARLI TUTI A FARSELO METARE IN CULO STI QATRO MACACHI?.... BASTA BAEON, CHEL CAN DE SATANA!... BASTA COL TESTA DA CASSO DE BISCARDI, DEL FONFO DE MOSCA, CE DIO LO FOLGORA, BASTA CO L’ OSEONA DE VENTURA CHE OGNI SERA PARA DO BALE.... Basta co El processo del luni, l’apelo del marti, la cassassion del soba. Basta copa uefa, copa dei canpioni, copa del mondo. DASIME COPA DE PORSEO O LA COPA DEL NONO...
FANCULO TUTI!!!! ORCO ZIO PORSEO!!!!
Zugadore de balon dopo aver smesso de zugare!!!
COMMENTA (0 commenti presenti)
-
PERMALINK
venerdì 29 agosto 2008 - ore 19:17
BARZELETE ALA BOJONA
(categoria: " Riflessioni ")
Dal libro "Qua no se nbarca cuchi!" de W. Basso
Ale do de note in centro Padova (ma podarebbe èssare in una qualsiasi cità italiana, co esclusione di Palemmo indove ale do de note le persone parben sono dietro a inpionbare a luparatte i denti ai probi amissi mafiosi) un siorato monta in un tassì... Come de norma el se acomoda drio e stà chieto e bon par un toco... Ad un serto punto ghe vien inamemente che el ga dà el nùmaro del’indirisso sballià al tassista e perciò el se slonga e par ciamarlo el ghe bate un colpeto su na spala... Putana bestia, el tassita fa un salto pararia, trà un sigo dela madona, sbanda col potente mèso, monta sul marciapiè e incioda a do sentimetri da un palo dela luce, pantesando oribilmente....
- El me scusa, - balbeta el cliente terorisà – ghe dimando scusa, ma no gavarìa mai pensà che el gavarìa ciapà cussì tanta paura par un colpeto sula spala!!! -
- No’l se preocupa, - risponde st’altro – no ze colpa sua: desso ghe spiego. Mi stanote ze la prima note che fasso come tassista... fin ieri, par ventisinque ani, gò fato l’autista de CARI FUNEBRI...
Esenpio felice
Un inpiegato dele inposte direte ze drio fare un giro in periferia de Padova (ma podarebbe èssare in una qualsiasi cità italiana, co esclusione di Palemmo indove a qualsiasi ora le persone parben sono diero a inpionbare a luparatte i denti ai probi amisi mafiosi), par convìnsare i contribuenti che no paga le tasse a fare el proprio dovere. Primo cliente un pensionato tutologo (vedi: “Chi me ronpe i ojoni oncò?”)
- El me scusa caro sior, ma parcossa casso mi dovarìa pagare le tasse, se no gò MAI e digo MAI, ansi ribadisso co estrema fermessa, MAI, capìo indove casso vada finire tuti i nostri schei?... e ci zonto par finire anca un solene PORCO SU e PORCO ZO che ci stà a penelo!!!
- Ma ze senplice, nono, - risponde co un soriso a trent’un denti ( uno ghe lo gaveva cavà el cavadenti tre dì prima) l’inpiegato – el me scolta puitto: i schei che lu versa al Stato finisse par tornarghe indrìo, parché ogni volta che lu ga bisogno, lo Stato in persona spotica intervegnarà in so favore.... Ciaro????
- Go capìo tuto, - risponde el pensionato – ze come se mi ghe tajasse la broca canina al me can par darghe da magnare, apena ch’el ga fame, un toco de carne!!!
COMMENTA (0 commenti presenti)
-
PERMALINK
> > > MESSAGGI PRECEDENTI
[ SONO OFFLINE ] 