Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27791 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
martedì 15 luglio 2008 - ore 17:12
PROVERBI MONE SUL TENPO
(categoria: " Vita Quotidiana ")
- Putana al balcon el tenpo ze bon - Proverbio mona di nessun valore sientiffico.
Nota esplicativa
El proverbio de cui sora ze nato dal diverbio tra do persone che me ze sta contà da me amigo Sante Ghion dito Lelo: Na sera par la strada passa on omo co la scavejara rossa cofà na fogara o on bronzaro. So on apartamento co le finestre in strada ghe ze na dona prosperosa overo incalcatta de tete e curve varie che vedendo l’omo comenta forte: - Rosso de sera beltenpo se spera! - Al che el rosso (teribile e cativo cofà el colera) varda par aria e risponde: - Eh si, putana al balcon el tenpo ze bon!!!
NdA Altri proverbi sul tempo insulsi in ugual modo sono questi:
- Spissa ale bale in arivo on tenporale -
- Spissa ai baloni lanpi e toni -
- Spissa al’oselo el tenpo ze belo
- Spissa al culo tenpo mulo-
In realtà tuti questi deti hanno un unico dato sientificco sicuro: l’inventore doveva avere on una grandissima forma di eczema oppure essere un disertore incallito di bagni e bidet e un nemico dichiarato di acqua e sapone. In poche ma sentite parole on spussolente sderenà.
Sapienton de merda tipo Colonbrelo dele prevision del tenpo...
COMMENTA (0 commenti presenti)
-
PERMALINK
sabato 12 luglio 2008 - ore 17:33
A TUTI I AMISSI!!!
(categoria: " Vita Quotidiana ")
Me mandeo barzelete de tute le sorte che ghe ne gò bisogno par l’edission nova del’OCO 2009????
Sia ciaro che no pago gnente però se le publico ve cito!!!!
So qua che speto pestugnando ansiosamene par tera!!!!
.jpg)
Cagnasso mona (no ghe entra un casso, però a mi el me piase!)
COMMENTA (0 commenti presenti)
-
PERMALINK
sabato 12 luglio 2008 - ore 16:57
MARTI SERATA DE CABARET RUSPANTE A MIRAN!
(categoria: " Vita Quotidiana ")
"RIDI CHE LA MAMA GA FATO I GNOCHI!" ze el titolo dela serata de cabaret agricolo-popolar-veneto-ruspante che gavemo organizà a Miran par marti de sera ale 21,3o sirca presso i impianti del sprò... Condutori Fred e Stefanato del Bepi e Maria Show, ospite de onore el Divino Mago Ua e el Conte dae Braghe Onte (no ve digo quanto onore!) e po esibission gnentepopodemanco che de EL MAESTRON...noto personagio onto e porseo, KICCO e MIKE otimi slandroni padovani... el grupo fora coe oche I TAMORTI e ancora LUCA e FRANCESCO (dea Tana dei Talenti), ANDREA e FRANCESCA (senpre de Tana dei Talenti) e l’otimo e abondante STEFANO TROTTA e sorprese... TUTO AGRATIS... Ve spetemo numarosi e bendisposti... sernò stè casa vostra!!!! Giuda porseo can!!!!
LEGGI I COMMENTI (1)
-
PERMALINK
venerdì 11 luglio 2008 - ore 12:37
I GRANDI BREVETI DEL SECOLO
(categoria: " Vita Quotidiana ")
A òpara del sior Neno Mussa
N° 657987,56
Sistema (bastansa doloroso) onde castrare i stupratori de done indifese!
Il sitemma da me proposto in cotanta publicassione basasi esso, il cui, sù ingegnoso uso del cosideto “pallo dela cuccagna” overo del notissimo divertimento in voga da mileni presso le sagre paesane nela profonda canpagna agricola veneta. Ma venian veniamo suitto a ilustrare la geniale invensione che oltre a castrare il monna porselone dedito a selerati raporti sessuali co ignare done di qualsivoglia età, co modica spesa, garantisse estrema goduria al popolasso che assiste ala divertente sena… Orsù dunque avocat… ehmm… Ecovi i detalli tennici:
Materiali ocorenti
1 maniaco sessuale onto e luamaro - 1 pallo dela cuccagna dottato nei primi tre metri lineari da tera in sù di numerose sgresende - 1 bussoloto di grasso di porsello - 1 sercio di bicicreta piccato sula ponta del pallo - 1 foto dela Ferili ignuda - una smanicatta di umili popolani che assìstono ala sena - 1 paroco dal còre sanissimo.
Procedura di castrassione
Si pianta il pallo in tera in mèzo ala piassa paesana. Co una scala longa un tennico specialisato in “serci bicicletistici e done ignude” si rànpega fino insìmia la ponta del pallo e inpira sula ponta la roda sora ala quale viene postata la foto dela Ferili ignuda. Poi il tennico smonta e lassia il posto a n’altro tennico specialisato in “onfegamento acuto di palli cucagneschi” il quale munito di relativo bussoloto e penelessa onze di grasso di porsello i ultimi tre metri del sudetto pallo. Poi il tennico smonta dala scala e si sconde sganassando tra sé e sé onde assìstare ala castrassione.
Si raduna il popolo torno al pallo in fremente atesa e si va tore il porsellone e lo si mola darente al pallo. Dopo un àtimo di sconcerto il monna si vardarà prima datorno possia levarà li ochi al cielo e notarà la foto dela Ferili co relativa pistagna al vento. Dopo pochi secondi li ochi del sogeto sarano fora dale orbite orbitali di almanco diese centimetri cubici, le rece sfogonerano e il respiro si trasformarà in supiamento acuto… Il sogeto ciaparà una longa rincorsa e dopo aver molato il nitrito del cavalo in calda si ranpegarà velocemente sù par el pallo. Supararà indene le sgresende che sarano tute girate verso l’alto e rivarà sensa sforso sula zona onfegata de grasso de porsello suino. A sto punto par forsa de spinta salirà altro mèzo metro possia precipitarà zo longo el pallo a tuta bira incrucando sule sgresende i suoi atributi virili. Par motivi altamente sientiffici (velocità, peso, forsa di gravità, anessi e conessi) il mona lassarà su na sgresenda a caso i maroni col pelo e tuto. Quando rivarà a contato col tereno sarà parfetamente castrà… Qua entra in zugo el paroco che dovarà ciaparse cura del’ànema del sogeto el quale in linea de massima cavarà na valanga de porchi e resie miste in sorte…. Signori io o finito. Speto desso na laura in ororis causa!
COMMENTA (0 commenti presenti)
-
PERMALINK
mercoledì 9 luglio 2008 - ore 09:36
GO CONOSSUO UN PORTAPEGOLA!
(categoria: " Vita Quotidiana ")
Go conossuo uno che a dita de tuti ze un portapegola fenomenale... Pare che, da zovane (desso el gavarà dosento ani) , el gavesse cronpà un bilieto par el Titanic e nel 76 ze stà visto girare in Friuli... Go quindi scrito un potente anatema par evitare de essare inpestà da sto mona!
Corni, corneti, cornassi de bò
el portapégola fulmina oncò!
mandaghe rogna, peste e tinfon,
e un paro de calcoli par ogni rognon!
Pussa via da qua èssare rognoso,
torna inte le fogne càncaro e schifoso!
I CONSILI SAGI DEL GIORNO
A cura del prof. Walter Basso
Da na recente statistica pare sia stà apurà chel novanta par zento dela zente more in leto… Se consilia quindi de tacare a dormire intel divano!
Cronpreve un crocefisso de kriptonite: podì tenere distante sia Dracula che Supermen!
.jpg)
Eco un portasfiga monumentale!!!
LEGGI I COMMENTI (11)
-
PERMALINK
lunedì 7 luglio 2008 - ore 18:43
SENPRE PIU’ CULTURA!
(categoria: " Vita Quotidiana ")
ostia! - È un’imprecazione bonaria anche se i preti e i frati non la vogliono assolutamente sentire. Infatti il popolasso, per accontentarli, la dice tranquillamente lo stesso ma con qualche leggera modifica. Ecco vari esempi:
Ostiaro! - esempio: ostiaro, che rassa de caldo!
Ostiamenta! - termine usato principalmente dalle donne agricole che appena aprono bocca, nonostante improbabili capelli e vestiti sfoggiati durante i matrimoni, si qualificano per quello che sono. Delle grandissime boare
Nota gramaticale
Aggiungendo ad un qualsiasi epiteto la locuzione del’ostia si ottiene una frase dispregiativa o rinforsata. Esempio: putanon del’ostia (putanacia)
* * *
òstrega! accidenti!; Diminutivo: ostregheta; Dispregiativo: ostregassa; Potenziato: ostregassa porca
È l’imprecazione delle persone per bene. Quando il parrocco strabuca inte’l tapeo dela canonica non può certo trare quatro porcassi (anche se ho il dubbio che qualche reverendo eretico lo faccia!), al massimo può ripiegare su: - Ostregheta, deboto me scavesso l’osso del colo, par Dio, par la Madona!
Nota storica
Na volta un paroco de canpagna pitosto vecio e sbarossà gera drio fare i scalini del’altare col goto de vin bianco in man. A un serto punto el se ga strabucà e el gera drio càdare de rabalton. Alora el ga vardà piamente drento al goto e el ga dito:
- Dio tachete senò te spando!!!
La barzeleta
Drento un tonbin ghe ze Toni e Nane drio saldare un tubo. A un serto punto a Toni ghe sbrissa el canelo e ghe sbrusa na man a Nane che taca sigare:
- Ciò bruto fiol de na troia, sta atento, orca putana! O vuto sbrusarme che Dio te fulmina ti e chel schifoso de canelo dal porcasso bestia... Vaca troia, che male...
- Ma va in mona - risponde Toni - quanto casin, to mare vaca, par na scotadina... Giuda culaton!!!
Fatalità vole che proprio su quelo passasse na pia veceta canuta che al sentir sto dialogo ghe se sdrissa i caveji canuti in testa.
- Vergogna, incivili di sboccati che non siete altro - la sbochesa - ora vago dal Sior Sindaco e li dicco io come parlate in pubbrico, porselli e svergognosi!!!
E difati la va protestare col Sindaco che pena possibile ciama i do par reguardirli:
- Mi sono giunta vosse in recchia che voi porchezzate, biastemate, tirate porchi e parolasse in pubrico! Cossa avete da dire a vostra difesa?
- No è gnente vero sior Sinnico - risponde Nane candido - Toni, poareto de Dio, stava dietro saldare quando li sono sbrissato il canelo infogonato e mi ga broatto un po’ la mano. Alora io o deto:
- Ostregheta Antonio, che diamine fai? Stai atento per Dio, che mi stai scotando una mano, perdinci!!!... Tuto qua...
LEGGI I COMMENTI (1)
-
PERMALINK
sabato 5 luglio 2008 - ore 18:43
CHI ME SA DARE NA RISPOSTA???
(categoria: " Vita Quotidiana ")
El Papa Razeghein co i so acoliti vestii co le cotolone dise che no bisogna averla su co i rom, coi extracomunitari e coi singani, ma, ansi, bisogna amarli e acolierli... Giusto.. parfeto... Ma chi ze che me sa dire quanti canpi profughi, quanti rom, quante carovane dei singani ghe ze al’interno del Stato del Vaticano????.. Parché parlare parché se ga la boca ze boni tuti, Giuda porso can!!!
LEGGI I COMMENTI (3)
-
PERMALINK
giovedì 3 luglio 2008 - ore 23:15
LA PAROLASSA PAR LE BOCHE ONTE!!!
(categoria: " Vita Quotidiana ")
buelo - budello; persona spregevole; donna esageratamente brutta
Accrescitivo: buelon; Dispregiativo: buelasso; Esagerato: buelasso ranso, marso, putrefato
Insaca bueli umani - si dice di grandissima zoccolona
Chel buelo de to pare - insulto gravissimo da papàvara sui denti davanti
Consilio
Se dite buelo a uno e questo si incazza potete rimediare soggiungendo un sentito: - Scusa, scusa... te ghe razon: buelo ritirà!!!
Definission di buelo rafinatissima
“El soprabito del salado”
Definission volgarissima
“Cicio: salado co le prime tre fete sensa buelo”
.jpg)
Por-casso!
LEGGI I COMMENTI (2)
-
PERMALINK
martedì 1 luglio 2008 - ore 19:12
PENSIONATI D’ASSALTO!!!
(categoria: " Vita Quotidiana ")
I NOVI TERORISTI
Pochi giorni fa, par vie traverse, ne jera stà dito che nel padovano gera nato un novo grupo de no se sa cossa sopranominà N.A.B. La prima reassion gera stà de terore in quanto la sigla gera foriera de tristi ricordi ligai ai famigerati ani 60 e 70 nei quali sóto senplici siglete se nascondeva dele esimie figure porche che traeva s-ciopetà e bonbe ai politici in sorte. Parlemo del terorismo. Alora gavemo vossuo andare a fondo e gavemo scoverto che sto novo grupo no ze altro che un insieme de pensionati che se ga struturà par assaltare i bufè che vien dà in molteplici ocasion... in bona sostansa la sigla vol dire gnentepopòdemanco che Nuclei Assalto Buffet... Par capirghene de più semo andai a intervistare el Presidente, tale Gustin Moeca, pensionato co la minima.
- Come tuti sa, - el ne ga dito - par el pensionato tipico magnare ormai ze deventà un lusso, vuoi par mancansa cronica de pecunia, vuoi par altretanta mancansa cronica di aposita dentaura (se no gavemo schei come fasemo dotarse de dentiera?)... E sicome che la necessità e la fame agussa l’ingegno cossa gavemo fato???
- Cosa gavìo fato??? - gavemo dimandà.
- Gavemo, ansi gò avù, un lanpo de genio... sicome che romai in quasivolia paese o sità ogni dì qualchedun fa un bufè, vuoi par inaugurare na botega, vuoi par presentare un libro, vuoi par convìnsarne a votare uno al posto de n’altro, se gavemo organisà e gavemo messo su sto nucleo de diese sbafadori parfetamente funsionale e reditissio...
- E come funsionaresselo, se ze lecito dimandare? - gavemo dimandà.
- Caro, dimandare ze lecito e rispóndare ze cortesia... e mi so afamà sì ma cortese de animo e de fato... Desso te spiego: drento al grupo ghe ze el Servissio Segreto formà dal’agente Otorino Peuco che ga l’inportate conpito de lèzare i giornali par catare i più mèjo bufè... Ogni matina lu passa tre quatro bar, beve sì e no un cafetin e se leze tuti i giornali locali. Toe nota dele nove aperture, dele presentassion e de quant’altro posto indove se possa sgramolare agratis... Po’ de sotignon torna casa e ala sera se riunisse el Comitato Esecutivo formà da mi, da Nane Recia, Toni Limega e Rino Caoduro de Mierda che ze nobile... Qua se valuta le informassion e se selie dove colpire... Se avisa la base e se programa l’intervento...
- E co che criterio seglìo el posto??? - gavemo dimandà.
- E criterio ze senplice: se valuta l’ora, el locale e el tipo de festegiamento: par i bufè de mesogiorno va mèjo le nove aperture de boteghe tipo pasticerie, pisserie o le promossion intei supermercati... segnalo che nei supermercati l’organisassion ze pessima: on di i fa l’assagio de prassiuti, martondele o formagi e n’altro dì l’assagio del vin... mai na volta che i fassa tute do le robe insieme...
Par la sera ze òtime le promossion dei candidati politici o le presentassion dei libri tipo "Osterie Leterarie"... Pena individuà el posto se mete in ato el programa de assalto: se fa su na desina de pensionati, se se veste da messa cantà e tramite el mèso più economico se se presenta inte posto par tenpo... Oto se piassa in giro par el locale fasendo finta de èssare interessà a l’avenimento. Se scolta, ogni tanto se fa de sì co la testa fin che ghe ze l’inevitabile conferensa stanpa, che secondo nialtri se dovarìa abolire parché fa pèrdare solo che tenpo, e in contenporanea se tien de ocio el posto dove vien parecià el bufè... vissin al quale posto stassiona co sguardo indiferente le avanguardie overo i restanti do conponenti del grupo. Queli par inténdarse che darà el via al’assalto.
Pena che i camarieri taca portare in tola i vari momoni partirà el segnale da parte dele avanguardie e senpre co fare indifarente i oto sparpagnà par la sala pian pianeto, ciacolando del più e del manco se portarà vissin ale tole inbandite e formarà na bariera tipo calcio ocupando tuta la prima fila... Questo parché pena finìa la conferensa stanpa tuti i convenuti perdarà ogni ritegno e se precipitarà come siacali sule tole... Comunque nialtri rivemo armai de piron e corteo... in caso de tentativo de scavalcarne partimo a spironà sule man o cortelà sule coste... Bisogna mantegnere le posission conquistà parché se se ciapemo indrìo dopo diese minuti no ne resta gnanca le frégole... Na roba vergognosa...
- E invesse vialtri, magnè co calma.. - gavemo dimandà.
- Serto sior, co calma... se inpienemo i piati e magnemo co estrema educassion, parfin sensa rutare o scorezare come mussi, abinando a ogni porsion el so vin... Infati intel grupo gavemo anca Nane Grìpola noto alcolista e enologo, che ne juta a abinare i vini ale pietanse... Naturalmente el primo giro ze de assajo... pena capìo quale ze le specialità rifasemo el giro e finalmente taca el pasto vero e proprio... Normalmente fasemo sete oto giri, po’ spetemo che rivà i cafè e le coression, fasemo i conplimenti ai camarieri e tornemo casa... El dì drio se riunimo e fasemo na relassion co tanto de puntegio sia par el servissio, el magnare e el bere...
- Tuto puito insoma... nissun problema...
- E invesse ghe ze anca i so problemi: nialtri voressimo che invesse de fare i "bufè in piè" i fasesse i "bufè sentà"... Sarìa più beo magnare de gusto co le ganbe soto ala tola... Dopo voressimo che i fasesse manco magnareti strani o cagadine che no se sa gnanca cossa che le sia: semo drio pareciare un comunicato co la piataforma rivendicativa dove spiegaremo le nostre richieste che in sostansa ze queste: dimandemo bone pastassutone, piatoni de bacalà e polenta, tripe e fasoi e anca dele bele fortajone rognose... el comunicato finirà co el nostro moto che "Manco ciàcole, più magnare e milior servissio!"
COMMENTA (0 commenti presenti)
-
PERMALINK
lunedì 30 giugno 2008 - ore 23:20
DAL BLOG de BEPIN GRJIO (Beppe Grillo)
(categoria: " Vita Quotidiana ")
Stanco delle discussioni sulla giustizia, toghe rosse, ciessemme, con la sua carovana di avvocati Silvio IV, cospargendosi la testa di cenere e cingendosi i fianchi con un panno bianco, simbolo della sua purezza, decise di recarsi nel deserto. Dove, come narra il Deuteronomio della vulgata Fede e Rete 4, (V, 6-21): «Rimase digiunando per quaranta giorni e quaranta notti. Ci furono gemiti e stridor di denti. All’alba di un giorno nebbioso, dalla cabina della regia mobile al seguito della carovana, vide in diretta il trattore di Di Pietro prendere fuoco insieme a tutto il grano trebbiato da Ninì l’agreste. Fu il segnale: i tecnici gli comunicarono che avevano finalmente intercettato l’Altissimo, Benedetto (non Ida di) sia sempre il suo Nome, che con voce tonitruante lo ammonì: “Silvio, sono stanco di assistere ai tuoi trapianti di capelli, alle tue continue querele da perseguitato, al tuo accento brianzolo che ammorba la quiete del più alto dei cieli. Recati ordunque sul Monte Sinai e sacrificami una velina e, già che ci sei, anche Ezio Greggio”. Impugnato il bastone-parabolica satellitare e l’anello digitale terrestre, Silvio, che si era fatto mandare da Briatore già spossato di essere sposato, la Gregoraci, nonché il conduttore di Striscia, con il fido Letta munito di scimitarra, cinta la testa di mirto dall’amata Sardegna, si avviò per l’erta salita del monte Santo. Giunto sulla cima e posata la testa della manza, pardon valletta, su un tronco, già si accingeva ad immolare la prima innocente quando un angelo, doppiato da Oreste Lionello, gli fermò il braccio: fermati o potente tra i potenti, eletto tra gli eletti, hai già dato prova di sufficiente fedeltà”. Il cielo si oscurò e un occhio di bue con le gelatine fucsia da 2.000 illuminò delle tavole marmoree. Dal mixer uscì, superamplificata ma non distorta, la voce del Dio degli Eserciti e perciò amico dell’amico La Russa: “Stai attento Silvio, potevo stupirti con effetti speciali e infatti lo farò”. Una mano michelangiolesca da Giudizio Universale uscì dal cielo di silicone e un raggio laser cominciò a incidere a lettere di fuoco il marmo. Fumi e sfrigolio. Dopo 5 minuti tutto era già finito, potenza della tecnologia. La voce superna ruggì: “Mi raccomando continua a far adorare al popolo eletto il pallone d’oro, non fargli mai venir meno i consigli per gli acquisti e abbi Fede che l’importante è che de Franza o Spagnaccia purché se magnaccia”.
La me pare na vera figada!!! o no???
COMMENTA (0 commenti presenti)
-
PERMALINK
> > > MESSAGGI PRECEDENTI
[ SONO OFFLINE ] 