Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27793 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
domenica 26 novembre 2006 - ore 11:28
CULTURA CON CUL MAIUSCOLO! conossemo le patrolasse
(categoria: " Università / Scuola ")
can - non sarebbe per nulla una parolaccia se non fosse per tuti gli epiteti che i veneti ci aggiungono
Chel can de Satana! - imprecazione bonaria
Orco can! - porco cane; È un’ imprecazione che non comporta peccato. Purtroppo come imprecazione è deboluccia e aiuta pochino a desgropare i nervi. Per questo in taluni casi terapeutici alcuni maleducatissimi sostituiscono l’orco con un nome proprio di persona... no stè farme dire de più!!!
Giuda can! - in questo caso si può usare tranquillamente il nome di Giuda in quanto questi era effettivamente e storicamente un fetente e na spia!!!
Can dal porcasso - cane dal porcaccio! Insulto bonario, oserei dire quasi affettuoso
Va fartelo métare da un can che spéssega - Quando i soliti intellettuali ebeti dicono che non esiste la cultura contadina in realtà dicono delle cagate... La frase in questione lo dimostra. Infati grazie all’arguzia, il colore e la fantasia la frase forma un mix micidiale
La barzeleta in tema
Drento un bar ghe ze un siorato drio ciavarse un’onbra. Entra na veceta canuta co un schifoso cagneto incalcà de pelo e col paltonsin. La bestia nefanda alsa na ganbeta e pissa sule braghesse del’omo. L’omo come che el vede el fato ciama l’osto:
- Bepi, caro de Dio, par piassere slonga ala bestiolina na brioss...
- Par carità sior, - salta fora la veceta canuta tuta spasemà - el me Nineto no pole magnare fora pasto...
- Bepi, butaghe la pasta al can, Giuda porseo! - siga l’omo intavanà.
- Ma se li o deto che Nineto no può mangiare, poarin de Dio. El ris-cia el scagoto... - cria la veceta canuta.
- Siora, vola molarghela? Chi ghe ga dito che el fetente ga da magnarla la pasta? Mi vojo solo védare da che parte che el ga la testa. Parché dopo ghe arco un peladon sui ovi che de mi el se ricordarà in vita!!! Bepi, sgiaventa in tera sta pasta!!!
* * *
càncaro - cancro; persona orribile
Càncaro nero - persona disgustosa, brutta, schifosa alla vista. Insomma tipo Pipo Franco... Per gli esemplari femminili porterei a esempio l’astronoma Hack
* * *
capeloto - errore; glande
Sinonimo: capela
Bàsame o ciùciame el capeloto - di primo acchito può sembrare un invito gentile e affettuoso mentre nella realtà è un’offesa da lavare con il sangue (si fa per dire!)
Sbarbassame el capeloto - sbarbassare significa mangiare ingordamente. Lascio a voi immaginare la gravità di tale offerta gastronomica
(dal libro "MANUALE MALEDUCATO DEL’INSULTO, INPRECASSION E FRASI ONTE VENETE" de W. Baso Ed. Scantabauchi secondfa edission)
LEGGI I COMMENTI (2)
-
PERMALINK
sabato 25 novembre 2006 - ore 17:06
CANTONE INPEGNATO
(categoria: " Pensieri ")
Le domande diffisili stile Focus
Parché il cane mena la coa?
Dimanda posta da Batista l’animalista da Tencarola
Risponde Rino Ceronte veterinario che ha in cura anca Vitorino Sgorbio
La roba ze controversa: infati da un recente studio condoto dal luminario canino Berto Canlesso no si è gnacora capito se ze el can che mena la coa o se ze la coa che mena el can. Comunque par farla curta il quadreppede mena l’apendice parché è contento. Di cosa no si sa!... Anche i sarpenti-bissi menano la coa e dopo ti becano, sti deliquenti sassini. Quindi se poe dire che "La coa sono il soriso del canide" mentre la "coa sarpentina sono na rogna granda senpre!"
.jpg)
Can (no da cacia, no da usma, no da corsa, ma CAN DAL PORCO!)
COMMENTA (0 commenti presenti)
-
PERMALINK
venerdì 24 novembre 2006 - ore 13:56
ULTIMA ORA dal Gazetin de oncò!
(categoria: " Riflessioni ")
VECIOTA BASTONA’ E RAPINA’ DOPO EL CORSO CONTRO LE TRUFE.... Ciapà el senpio che ga agredio la siora che vegneva fora da na lession che insegnava come difandarse dai delinquenti... EL mona, par difendarse ga dichiarà che el voleva jutarla a fare i conpiti par casa! Se el fusse in Cina i ghe tajarìa le man... se dipendesse da mi ghe tajarìa le balote!!!!
LEGGI I COMMENTI (2)
-
PERMALINK
giovedì 23 novembre 2006 - ore 16:31
BARZELETA POLITICA!
(categoria: " Pensieri ")
La coerensa
Un sior ze incantà davanti ala vetrina de Ermo Caccin, me amigo refice a Borborico...
- Ostiamenta, varda che rassa de relojo, - el pensa coi oci fora dala testa cofà un s-cioso curioso - un spetàcolo ùnico... na roba granda... desso vago drento e me lo cronpo anca se gavesse da dissanguarme el tacolin!!!
E difati el entra e el taca criare col Ermo:
- Vojo ch’el relojo là in vetrina.. presto lo toga che me lo provo che lo vojo...
- El varda sior, - risponde me amigo parplesso miga poco - ch’el costa salà: 2500 euroni... tuto oro massicio a 18 carati...
- No me intaressa gnente i problemi de caratari o de euri, lo cronpo subito parché el me piase massa... eco qua.. varda come ch’el me stà da dio... solo che... ostiamenta, no vojo la cinghieta bianca... mi sò leghista... ragion par cui la quale, vojo la cinghieta verde...
- Nessun problema sior... - intervien el sior Caccin - eco qua la cinghieta verde... cossa ghe pare?
- Stupendo ostiamenta, stupendo... varda come ch’el brila... el pare un ferale... lo cronpo, lo cronpo... ma... ostiamenta, no va miga ben el quadrante bianco... no va miga ben!!! Mi sò leghista: vojo el quadrante verde...
- E qua sior sorge un problema... me toca mandarlo in Sguinssera... spetare tre dì... e lu ga da spendare 1000 euroni de più!!!
- E alora Giuda can, dove zelo el problema: toh ciapa... 3500 euroni in man subito e fra tre di torno tórmelo... ostiamenta che belo sto relojo...
E dal dito al fato el va via...
Tre dì dopo puntuale cofà la morte el siorato torna torse el relojo... Se lo mete torno el brasso e se lo amira...
- Ostiamenta, varda che qualità de lavoro... belo... belo... na òpara d’arte... po’ tuto verde par mi che sò leghista ze el massimo... ma.. ma... no ghe semo miga...
- Cossa ghe ze desso?, - dimanda co un filo de vosse el paron de botega overo Ermo che taca rónparse i maroni.
- Ghe ze che mi sò leghista.... quindi PAR PIASSERE BISOGNA CH’EL ME CAVA SUBITO EL MEZOGIORNO!!!
LEGGI I COMMENTI (2)
-
PERMALINK
giovedì 23 novembre 2006 - ore 08:12
PRESENTASSION DEL ME PENULTIMO LIBRO!
(categoria: " Accadde Domani ")
Doman de sera ale 21,00 press la Sala Filarmonica de Camposampiero PD presentaro insieme co FRED DALLA ROSA el me penultimo libro IN ALTO IL MORALE (l’ultimo xe l’Oco 2007 ussio ieri)... Ma no ghe saremo solo nialtri do: a farne conpagnia ghe sarà i colaboratori al libro i psicologi Anna Serra e Davide Boccato e Davide Stefanato... E l’ospite sarà Valerio Mazzucato... Quindi quasi tuto el grupo BEPI e MARIA SHOW... Ciò garantisse risate e alegria... Par chi volesse partecipare l’ingresso ze AGRATIS!!!
.jpg)
COMMENTA (0 commenti presenti)
-
PERMALINK
mercoledì 22 novembre 2006 - ore 12:51
MA SI, LARGO ANCA ALE MINORANSE!
(categoria: " Lavoro ")
Visto che ghe sò provemo aumentare la popolarità de sto blog caturando anca el terso sesso... Ecove qua do esenplari provenienti da Sodoma e Camora!
In Italia i gay ze na trascurabile magioransa!
LEGGI I COMMENTI (2)
-
PERMALINK
mercoledì 22 novembre 2006 - ore 09:55
PROVA TENNICA
(categoria: " Informatica ")
MA CHE SIA VERO CHE CO LE DONE NUDE SE ALSA (oltre a quelo che tuti savì) VENDITE DE TUTO, ODIENS E VISITE SUI BLOG E SUI SITI?... MAH... STEMO VEDARE...
LEGGI I COMMENTI (4)
-
PERMALINK
martedì 21 novembre 2006 - ore 13:46
ECO LA PRIMA COPIA DEL’OCO 2007!!!
(categoria: " Lavoro ")
Ze na strana sensassion ciapare in man la prima copia de sto almanaco mato che da 4 ani continua la tradission de STROLOGO de Dino Durante... Ricordo co nostalgia i so consili parché fusse mi a continuare sta so tradission... Mi ogni volta che sto me libro nasse provo na legera batarela pensando che desso so mi a sercare de regalare un soriso ai me letori che ze stà anca queli de Dino... e la paura de no farghela (parché lu ze stà unico!) me strenze un atimo el cuore.... Spero comunque èssare, no digo al’altessa sua, ma de dare a tuti i me letori anca solo un soriso....Fra pochi giorni el libro sarà in tute le librerie venete e nele edicole... Ghe sarà qualcun che me scrive, altri che me ciama e mi questo me juta... par desso a mi no me resta che cocolarmelo pensando che dentro ghe ze un poco anca tuta la filosofia de Dino e la so voja mata de ridare.... Grassie Dino!!!!
.jpg)
Questa ze la copertina de ano passà... St’ano el ze un de un bel rosso tipo comunista s-ciafesà!!!
LEGGI I COMMENTI (7)
-
PERMALINK
lunedì 20 novembre 2006 - ore 18:13
QUESTA ZE NA BARZELETA STORICA ( e agricola!)
(categoria: " Pensieri ")
Vista curta ma naso bon
Sabo de sera. El moroso agricolo va a catare la morosa sopona a ora de sena cussì vien invità a magnare in conpagnia. La sena luculiana (dopo capirì parcossa che ghe entra lu...cullo) taca co un sbroeton de minestra de fasoli e coe de radicio... se prosegue co un àlbio de fasoli in salata abinà a na farsura de fasoli lamon al’oseleto... Naturalmente polenta a volontà. Come carne riva do fetone de salado de spessore oto sentimetri in crema de fasoli. Par parare zo el tuto onbre de grinton che se poe tajare col corteo. Ala fine formajo pincion co polenta brustolà e un ultimo assajo de fasoli in salsa de sardelà salà. Mèzo goto de graspa sara in belessa la sena.
Benon, dopo un tocheto el toso dimanda ala futura suocera, un buregosso orendo, de poter menare la tosa al cinema... - I fa un bel filme de guera... - aferma el toso che de filme se ne intende proprio. Dopo atenta ponderassion la vecia aconsente e i do parte traverso canpi... Sarà stà l’arieta fresca dela sera, sarà stà (più probabile) l’ingolfada del vile legume, drio ala strada al toso taca un rumegamento de pansa terificante. Ma el toso ze fine: tien duro fin che i riva al cinema che ze incalcà de zente.
A fadiga i cata do posti in mezo a na bolgia... Dopo pochi minuti che i ze sentà par el filme i tedeschi taca un borbamento a nastro... Se sente tonà a rafica, tonfi de case che crola e via de longo... El toso astutamente soghigna, taca ramenarse par la carega e molare renghe oribili.
- Tanto el strepito ze infernale e chi vuto che se inacorza! - pensa el malnato scorezon.
Giusto dadrìo ze sentà un ometo fiapo cofà Don Lurido el balarin, orbo patoco, visto che ga i ociai che pare do telescopi e par védare calcossa tira el colo cofà un oco.
Dopo un periodo de calma taca bonbardare anca i mericani: ancora tonà, strepito, tonfi, casin bestia..
El toso se associa e taca bonbardare le mudande e la carega anca lu. Dopo do minuti però el se sente bàtare su na spala. El se gira e el vede l’orbasso che ghe dise:
- El me scusa giovinoto, posso farghe na dimanda??? -
- Ma serto sior, - risponde el toso educato.
- Mi caro... sò un fiatenin orbo... quindi vedo pocheto par no dire na tega... alora mi vorìa che lu m disesse cossa che sti schifosi de aparechi ze drio bonbardare!
- Ma ben no lo sò... comunque me pare che i gabia bonbardà un quartiere de sità...
- Sacramenta... - ribate l’ometo - ma zelo sicuro?... parché mi a naso e drio la spussa oribile che sento a jero convinto che i gavesse bonbardà un loamaro de dozento metri quadri!!!
Loamaro de media grandessa (dal libro "Ma ’ndè in mona!" de W. Basso esaurito
LEGGI I COMMENTI (1)
-
PERMALINK
sabato 18 novembre 2006 - ore 15:52
L’ANGOLO POETICO de Dino Durante
(categoria: " Poesia ")
Publico co estremo piassere sta eclatante lirica scrita dal’amigo Dino Durante che nele intension del’autore servarìa par ronpare el fidansamento co la morosa in modo elegante e sensa procurare teribili traumi nela pudica donsela... Bastarìa spedigherla par posta... Personalmente me riservo qualche dubio sul risukltato!
A ELSA AMORE CARO
Bestia, oribile dona,
petola, càncaro e mona,
tigre, loamaro, fetente,
saco de schiti, sarpente,
lofia, barbara e can,
onta come el paltan,
posso de vissi, beduina,
vìpara, infame, sassina,
càvara, senpia, baucota,
bestia imonda e po’ sprota,
sema, de strasse inbugà,
saltrona e sderenà,
verme*, larga de boca,
testa come na soca**,
tetassa, selvagia, rufosa,
tetano e smolaciosa,
sempia e piena de nona,
èbete caca, saltrona,
cròcano, rassa de can,
laga de piè e de man,
cesso, orenda e po’ fiapa,
bona solo da sapa,
petola de cavaron,
co tuto de picolon,
cìa, de sgarbele incalcà,
tàtara e carolà,
rospa, rompibaloni,
sassina pateloni
cagna, rece da mussa,
e concentrato de spussa***
* (intestinale)
** (de castagnara)
*** ( da moltrin che la sarìa un misto tra spussa da loame, pisso, suore)
- Pierino, disegnami un ucelino!
- Gò da farghe tute e do le balote, signor maestro???
La vigneta orenda ze mia... Dasemoghe a a Walter quelo che ze de Walter e a Di(n)o quel che ze de Di(n)o
LEGGI I COMMENTI (3)
-
PERMALINK
> > > MESSAGGI PRECEDENTI
[ SONO OFFLINE ] 