Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27793 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
giovedì 12 ottobre 2006 - ore 19:52
TRE DEPUTATI FATI SU DIESE????
(categoria: " Vita Quotidiana ")
Le Jene, che Dio le benedissa, ga fato el colpacio: sicome che i nostri deputati no ze che i sia massa sgai (però qualcun ze ghei) i ze riussì co l’astussia farghe el test del suore (strano che sti personagi sua!), tanponandoghe i musi fin che i gera convinti de essare drio fare na intervista.... E cussì ze saltà fora che tre su diese ze drogati... Mi onestamente sò parplesso: pensavo che i fusse de più i drogati.... Ma pian pian gò capio el bergamo: I ZE CUSSI POCHI PARCHE ST’ALTRI SETE ZE RIUSSII A CIAVARGHE I TANPONI!!!!
LEGGI I COMMENTI (2)
-
PERMALINK
giovedì 12 ottobre 2006 - ore 13:21
MANCA POCO.. .VE SPETO!!!
(categoria: " Vita Quotidiana ")
Ormai ghe semo: doman venare 13 ale ore 18,00 speto tuti i amissi ala LIBRERIA DRAGHI in V. Santa Lucia a PADOVA par le presentassion uficiale del me ultimo libro... mio se fa par dire visto chel ze nato da na otima equipe: FRED, DAVIDE STEFANATO, dottori ANDELO BOCCATO e ANNA SERRA e no ultimo, ma quasi primo l’amigo MORENO MORELLO... SAremo più o meno tuti là par farse quatro sganassade e infin par becolare insieme calcossa... Ve speto... Presentarà anca i me calendari umoristici par el 2007...
.jpg)
LEGGI I COMMENTI (2)
-
PERMALINK
martedì 10 ottobre 2006 - ore 20:53
ROBE DA SBOCHI!!!!!
(categoria: " Musica e Canzoni ")
Se voì restare de caca ansdè visitare sto sito indove qualchedun de estrema e rara inteligensa ve spiega come zente tipo i Beat Shop (tanto par ciam,are un nome a caso!) sia condanà prima a morte prematura dopo indincibili e inenarabili soferense po’ al fogo eterno del cosideto inferno co relativa spiegzssion dela lochession de sto altoforno... E tuto ciò parchè sti malnati (intendo tuti i musicisti rock e no solo i Beat Shop) sona e camta orende musiche diaboliche... Ghe ze anca el test par savere se te ami Gesù o i Led Zeppelin... E anca l’età media de morte dei rochetari e de dei basabanchi... Andè vedare par credare... ve dago l’indirisso:
www.av1611.org/rockdead.html
LEGGI I COMMENTI (10)
-
PERMALINK
martedì 10 ottobre 2006 - ore 08:14
UN POCA DE SANA CULTURA AGRICOLA!
(categoria: " Vita Quotidiana ")
A cura del uxoricida Gineto Copacani
"Le fémene ze cofà le mudande: le va canbiae spesso!"
Gnente da dire: la metafora ga na forsa espressiva de altissimo livelo e pardessora fa capire al popolo che Gineto ze un omo neto che se canbia spesso... no cofà serti agricoli che no i se lava mai, i se canbia manco e no i se bròcola le onge dei piè gnanca se te li copi... sti ludri!!!
PAROLE ANBIVALENTI (Veneto-Taliano)
A cura del dialetologo prof. Mario Manarasso
Sottomarino = "soto el sior Marino"; Nena ze piena parché la ze stà do ore soto Marino Nenna è incinta poiché è stata stramassata dal signor Marino
Sottrare = "saver andare a cacia"; Mi sì che sò trare, altro ch’el mona de Nane Io sì che sono bravo a cacciare, altro che il cretino di Giovanni!
Staffetta = "Sta feta" de solito riferia a na slepa abondante de polenta: "Ara qua che me ciavo sta feta de polentona!" Guarda che mi sbrano questa fettona di polenta!
Torre = "prendere o ciapare"..; "Va tore subito el spandiloame".Vai subito a prendere lo spandiletame.
.jpg)
Can da usma (nol c’entra un casso però a mi el me piase!)
LEGGI I COMMENTI (2)
-
PERMALINK
lunedì 9 ottobre 2006 - ore 19:02
COMPLIMENTI Al 8000 AMIGO!!!
(categoria: " Pensieri ")
Caro Aran, visto che te sì stà l’8000 amigo a vegner a lezare le me vacade se te me mandi via email el to indirisso postale te mando un me libro umoristico in omagio!!!! la me email ze info@edizioniscantabauchi.it ... Speto!!!
LEGGI I COMMENTI (5)
-
PERMALINK
lunedì 9 ottobre 2006 - ore 09:04
NO GO MAI CAPIO....
(categoria: " Vita Quotidiana ")
No go mai capìo....
... La zente che aferma solenemente che se i bevè el cafè no i riesse più a dormire. A mi me sucede el contrario: co dormo no sò bon de bere el café....
... La maestra che ghe ga dito a me fiola co la gaveva sie ani che Babo Natale no esiste. “Infati, - ga aferma l’educatrice de inocenti pargoli, - mi no lo gò mai visto!”. Contenporaneamente le ga afermà de èssare cristiana e de crèdare fermamente a Dio. Sula fiducia, penso, visto che anca sto personagio inportante nissun lo ga mai visto!
... Come mai nissun ga pensà de elegere come deputato el toro da monta de Giosuè Samoca che co do bale in un ano ga prodoto venti vedeli al posto dei nostri deputati che nonostante tute le bale che i conta no ga prodoto gnente!
... Queli che ga bisogno dele pastilie par dormire visto che mi gavarìa bisogno de quele par svejarme!
... Come mai tante persone, par paura de morire, no beve, no fuma, magna pocheto, no stà fora fin tardi, fa poco al’amore. Insoma i vive come dei malai par morire sani. Mi invesse, magno bevo, fumo e me la godo. Cussì vivo da san e quasi de sicuro morirò malà!!!
... Parcossa se dise che “l’amore ze cieco” quando le leterine, le veline, le modele e le atrici se inamora senpre dei calciatori, cantanti, atori o veci industriali incalcà de schei e MAI, gnanca par caso, nessuna se inamora dei metalmecanici o dei pensionati in casa de riposo.
La barzeleta del mese
In casa de un ilustre medego se ingorga el tubo del cesso. Alora el luminario dela siensa ciama imantinente un idraulico che riva de corsa co un casseto fodrà de tubi, pinse, tenaje e stopa... El valoroso artigiano se sara in cesso e taca bàtare, segare, frugnare fasendo un casin bestia. Comunque dopo un quarto d’ora el vien for tuto sodisfà:
- Eco caro, el so cesso ze a posto, funsionante e parfumato... Fano esatamente 875 euroschei...
- Giuda cane, ma ze robe da mati!!! 875 euroni par un quarto d’ora de lavoro??? Ma gnanca mi che sò studià e fasso el mèdego de sigo (“grido” in italian) ciapo ste cifrone!!!
- Sò d’acordo co lu, caro ex colega... infati ze quelo che go dito anca mi al me idraulico do ani fa quando fasevo el primario in ospedale a Padova!!!
.jpg)
Omo che sae che se intavana!!!
COMMENTA (0 commenti presenti)
-
PERMALINK
domenica 8 ottobre 2006 - ore 12:32
L’ITALIA ATONITA ( o de merda!)
(categoria: " Cinema ")
Incredibile.... Valeria Marini, dita La Culona, al realiti circus zze passà davanti a na setra Sabri (chi casso sarala?) onde farse brocolare le ongiasse dala stetista... Na roba inaudita!!! .. desso la Sabri ze drio confessarsse in direta e se lagna a tonfon del gravissimo fato... La Marini tase sdegnà e tuta l’italia tratien el fià... Speremo che el grave fato del tajo dele bovine onge dela subret tuta tete e culo vegna risolto al più presto... me despiasarìa che mesa popolassion italiana morisse sofegà tronca forsa de trategnere el fià... MA CHE SE VERGOGNA CHI GA INVENTA’ DEI PROGRAMI LUAMARI DEL GENARE!!!!
LEGGI I COMMENTI (2)
-
PERMALINK
sabato 7 ottobre 2006 - ore 18:57
CLAMNOROSO: PUPO SUICIDA!!!!
(categoria: " Accadde Domani ")
Ultima ora: el noto cantante dei ani 60 Pupo famoso par aver scassà i cojoni a più de na generassion se gà suicidà... La notissia lòa ga pena dà l’Agensia Ansia... pare che el cantante se gabia inpicà a un bonsai!!!!
COMMENTA (0 commenti presenti)
-
PERMALINK
sabato 7 ottobre 2006 - ore 16:10
ORMAI ZE FATA!!!
(categoria: " Lavoro ")
Marti finalmente gavarò in man la prima copia del me ultimo libro.... Mi e Fred gavemo deciso de festejare co na damijana de merlò... E venare tuti ala Libreria Draghi.... Sò proprio sodisfato!!!!!
.jpg)
LEGGI I COMMENTI (3)
-
PERMALINK
venerdì 6 ottobre 2006 - ore 17:55
E DESSO COSSA FEMO?
(categoria: " Vita Quotidiana ")
Co comandava el Cavaliero del’Apocalisse Silviolo Berlusconi un mucio de zente biastemava, pochezava e diseva robe brute... e tuti sti qua sperava solo che co le nove votassion el Cavaliero andasse fora dale bale... Benon, gavemo votà e el Cavaliero ze efetivamente andà fora dale bale... Ma desso cossa sucede?.. gnente: bona parte del popolo bistema, porcheza e dise robe brute... ansi brutissime e se augura che vada fora dale bale anca el Mortadela co l’osso (Fassino)... e alora?... Gnente: l’unico che gaveva razon gero mi che speravo in un governo de tennici formà da Platinete, Malgiolio, Aldo pien de Busi, Cechi Pavone, Renato Zero ecc ecc... Parché?: parchè se gò da ciaparlo in culo me piasaria che a farme el servissio fusse dei esperti e no i primi che passa!!!... Professionalità ragassi... Domando massa???
LEGGI I COMMENTI (2)
-
PERMALINK
> > > MESSAGGI PRECEDENTI
[ SONO OFFLINE ] 