Walter Basso: Fondatore de na particolare casa editrice ( Scantabauchi -
LINK ) in ùndese ani el ga publicà sirca sinquanta tra libri,calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l’alievo predileto de Dino"... Oltre al’umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Lavora in streta colaborassion co tanta zente tra i quali ghe ze anca i s-centra del Bepi e Maria Show. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za oltre quaranta i servissi girà co Moreno Morello e messi in onda in sete stajon....Tanti al’estaro: Barcellona, Londra, Bruxelles, Colonia,Ginevra, Valencia... Ultimamente lavora anca co Tony Pagliuca tastierista storico de Le Orme col quakle ga messo in scena un particolare spetacolo de musica e teatro!!!!
Walter con Vanessa del baciamento europeo e Moreno MorelloCiao a tuti i sprissini e soratuto sprissine... Ze un piassere èssare qua a sparare monade a marteleto su un sito indove ze presente i più mejo vissiosi de Padova e dintorni, sobri amanti dei supremi piasseri dela vita tra i quali ghe ze sicauramente l’alcol etilico, el sesso, la pigrissia acuta, e tuto quelo che la Ciesa, bontà sua, condana. Mi spero de catare novi amissi (e amighe), anarchici spirituali fa mi, e de passare qualche ora alegra sensa ronpicojoni in mezo ai cosideti afari... Se ve va, mandeme batute, (che no le sia cagade fora dal bocae!)barzelete, monade in sorte che par mi ze viatico indispensabile visto che par vivare fasso el mona a tenpo pieno... Ciao a tuti! Walter
Ostrega, incredibie... dopo un ano gò catà na paca de zente fora coe oche come mi...Se fusse bon modificare un poco sto brog me piasaria anca ospitare raquanti amissi mone cofà mi!!!
(questo BLOG è stato visitato 27793 volte)
ULTIMI 10 VISITATORI:
ospite, ospite, ospite, ospite, ospite, ospite, ospite, ospite, ospite, ospite
[ ELENCO ULTIMI COMMENTI RICEVUTI ]
sabato 28 ottobre 2006 - ore 14:08
BARUFA PAR L’USO DEL CESSO A MONTECITORIO!
(categoria: " Riflessioni ")
Grandioso... in un momento nel cui il quale el popolo sbochesa, porcheza (na parte contro Berlusca, n’altra parte contro Prodi, altri contro tuti e do!), salta fora co un tenpismo ecessionale la nota (?) atrice (se fa par dire!) Gardini par insultare la/el deputato Lussuria rea de andare a pissare in piè intel cesso dele done a Montecitorio... Insulti, sparolasse e traumi pissicologici da parte dela nota (?) atrice... Ma digo mi: a chi casso ghe ne ciava indove Lussuria va a pissare???? Scuseme ma a Montecitorio no ghe ze el Gabineto, indove i nostri ministri produsse le più gran cagade in forma de legi???... e alora carissime Gardini e Lussuria parché no andè a farla là sensa ronparme i cojoni a nialtri che gavemo solo da pensare come fare a sopravivare e dele vostre pissade me ne ciava na sega????
.jpg)
El mondo ze un cesso e chi no ze stronso se cata fora posto!!!!
W. Basso (comunque copià e tradoto)
LEGGI I COMMENTI (10)
-
PERMALINK
venerdì 27 ottobre 2006 - ore 10:26
DIMANBDA ESISTENSIALE
(categoria: " Pensieri ")
Come tuti i omeni de bonsenso sa, ghe ze varie tipologie de tete... Desso mi me domando.. se quele cosidete a siola (vulgo "cipola") fa piànzare, quele a bronba (vulgo "prugna") cossa fae???? Atendo chiarimenti e lucidassioni!!!!
LEGGI I COMMENTI (6)
-
PERMALINK
martedì 24 ottobre 2006 - ore 19:29
ECO I TEMI DE UN TOSETO SENPIO COFA’ GIGETO EL MONA!
(categoria: " Pensieri ")
I temi de Marieto
Io o un conpagno di scuola che si chiama Tulio dito Sega. Esso il quale a dei problemi in familia per via della religione. Infati la mama è catolica e invesse il papà è ateo. Cioè non crede a Dio. E neanche alla Madonna. Infati dice: “ Machè Dio dela Madona!!! E poi ride. Alora la mama, prima di mangiare fa dire le pregherine a Tulio e il papà, come che anno finito di mangiare, lo fa biastemare. Mio amico è molto fortunato: sa un muchio di preghierine e anche un muchio di resie e porchi. Io invece no solo un poche di parolace e un paio di biasteme.
Siora maestra se lei mi interoga io gliele dico tute e ci zonto anca un pochi di sacramenti. Me li ha insegnati mio papà a tempo perso.
Cosa sai della festa della donna
La festa dela donna le donne la fano il oto di marso. Invece a casa mia no. Il mio papà a deto che , la festa dela donna a casa mia si fa ogni qualsivollia volta che lui ha la il piselone irigidito o duro come dice il signor Bossi
Parla di una donna importante
Una donna assai importante secondo io è la signorina Monica Levinschi. Essa la quale non è par niente vegetariana parché mangia li uceli. Questo lo a deto mio papà che di donne se ne intende. Infatti una sera vardando la televisione a deto: - Quanti uceli avrà mangiato, sta onta! - Mio papà a anche detto che secondo lui la farano santa. Par via che la anno più volte cattata inzenociata davanti a una capela.
Il giorno più belo della mia vita
Il giorno più bello della mia vita è stato il 7 di febraro 1998. Quel giorno era venuta a trovarmi mia nona overo la mama di mia mama. La sera prima che arivasse mia papà aveva deto: - A ramengo el càncaro nero de to mare! - e mia mama aveva deto che lui era un salvàdego e un ascaro.
Mia nona apena rivata era sbrissata zo dale scale indove io mi ero dimenticato un paro di paline di vero e si era rota il femore in tre tochi, così è arivata l’autobulansa e i infarmieri avevano porchezato par via del peso di mia nona che sfiora il quintale. Apena mia nona è partita per l’ospedale co mia mama mio papà si è messo a cantare la Gigiota e dopo aversi bevuto un paro di onbre di proseco mi a dato € 50,00. Spero che mia nona, quando torna a trovarci, si scavessi anche l’altra ganba cussì mio papà in preda alla gioia mi slonga n’altre 50 cartone. Se poi mia nona dovesse morire, putacaso perché sbrissa sule mie paline e bate la testa, a deto che mi verze un libreto in banca con un milione drento Mia nona a otanta barete. Se è vero che le done vivono fino a otantadò ani fra un paro di ani, con l’aiuto dela fortuna e di Dio, posso conprarmi una bicicleta nova.
LEGGI I COMMENTI (5)
-
PERMALINK
sabato 21 ottobre 2006 - ore 12:19
PREMIO DINO DURANTE 2006
(categoria: " Vita Quotidiana ")
Che bea serata ieri!!!... al Teatro Sociale de Rovigo gavemo premià tre personagi veneti che se ga distinto nei setori dela poesia, comicità e teatro... A presentare ze vegnuo l’amigo Moreno Morello che par essarghe ga fato i salti mortali e i premiai ze sta: ROSANNA PEROZZO poetessa padovana, GIULIANO SCARANELLO atore polesan a tuto canpo e VALERIO MAZZUCATO el cabaretista e atore de Bepi e Maria Show.... Ogno premià ga fato calcossa e la perfonance de Valerio co l’aiuto de Fre ze stà esilarante...Dopo ghe ze un particolare florilegio d’autore dedicà a Dino Durante che ga faro ridere, soridere e anche comosso (stupende le ultime poesie scrite da Dino) el publico presente. La vosse ze stà quela de Andrea Bordi. le musiche de Paoo Zanarella e El Maestron ga interpretà el ruolo de Gigeto el mona uno dei personagi più senpi e divertenti creai da Dino... Indispensabile el ruolo del’amigo Gino Barbato che ga lavorà co mi parché tuto andasse ben... Grassie anca al publico interveguo.
LEGGI I COMMENTI (4)
-
PERMALINK
venerdì 20 ottobre 2006 - ore 12:54
TUTO SULE PAROLE PIU’ INPORTANTI!!!
(categoria: " Pensieri ")
MONA sostantivo femminile: organo genitale femminile; Sinonimi: frìtola, bernàrda, frànsa, bànda, ciòca, tàjo, gnòca, cicéta, chitàra, folpòna, sìssola, sfésa , (volgare) fìga. fig. stupido ma in un senso molto particolare
"Ma va in mona!"
Letteralmente:
"Ma vai nell’organo genitale femminile!"
Preciso subito che la frase di cui sopra non è assolutamente l’invito ad avere un rapporto sessuale, cosa che più che un’offesa sarebbe più un augurio, ma bensì la persona offesa viene invitata a finire nell’organo femminile tutto intero, effettuando quindi un parto alla rovescia. Quindi un perentorio invito a sparire e tornare alle origini.
Anche in questo caso è opportuno fare dei distinguo in quanto la perifrasi può essere considerata oltre ad un insulto anche una bonaria frase di scherno. Dipende dalla situazione e dall’enfasi usata dal mittente.
Esempio:
Toni (mittente) sta raccontando a Bepi (destinatario) una sua avventura di caccia e la sta colorando un po’ troppo... Bepi ad un certo punto lo interrompe con un: "Ma va in mona...va!" che vuol semplicente significare: "Ma a chi vuto darla da inténdare?" - ("Ma a chi vuoi darla da bere?")
Quando invece c’è la ferma intenzione di offendere la frase viene pronunciata con voce alterata e di solito accompagnata da gesti perentori.
Ma non basta; spessissimo viene cercato l’effetto rafforzativo dell’insulto che di norma si ottiene precisando chi dovrebbe essere quella rappresentante del gentil sesso che dovrebbe favorire, grazie al proprio organo genitale, la scomparsa della persona offesa.
E qui entra in campo parte del parentado di sesso femminile del destinatario: sorella, madre, zia, nonna.
Ora vedremo che in base al grado di parentela della signora citata aumenta o diminuisce la gravità dell’insulto:
"Ma va in mona to àmia!"
Lett.: "Ma vai nell’organo genitale di tua zia!" - L’insulto non è grave
"Ma va in mona de to sorea!"
Lett.: "Ma vai nell’organo genitale di tua sorella!" - L’insulto è abbastanza grave e richiede risposta immediata
"Ma va in mona de to mare!"
Lett.: "Ma vai nell’organo genitale di tua madre!" - Insulto gravissimo che richiede risposta gravida di turpiloqio o anche tentativo di pugno nei denti. In Veneto la mamma è particolarmente sacra.
"Ma va in mona de to nona!"
Lett.: "Ma vai nell’organo genitale di tua nonna" - Insulto che può essere ritenuto non grave in caso di nonna vivente, gravissimo nel caso di nonna defunta.
In certe situazioni, quando il mittente ritiene che la frase non sia offensiva abbastanza questa viene potenziata al massimo grado grazie ad alcuni accorgimenti testè descritti:
1) Aggiungendo altri aggettivi dispregiativi al complemento di specificazione.
Esempi:
"Va in mona quela bruta vaca de to sorea!"
Lett: "Vai nell’organo genitale di quella giovenca di tua sorella!"
" Va in mona quela putanassa de to àmia!"
Lett: "Vai nell’organo genitale di quella mignottona di tua zia!"
2) aggiungendo nel finale, dopo opportuna virgola, una o più cosidetta "biastema" ("bestemmia") o "resia" ("eresia"):
"Ma va in mona de to mare, porco qua porco là!"
E’ importante precisare che nella lingua veneta le bestemmie non si dicono o recitano ma si "càvano" o si "tirano". L’uso di questi due verbi rende molto esplicitamente l’idea dell’intensità con la quale vengono espresse queste particolari, e volgarissime, espressioni che da sempre fanno parte della parlata popolare. Si pensi che nella Repubblica Serenissima anticamente era in vigore una legge che prevedeva per il bestemmiatore addiritura il taglio della lingua. Chiaramente questa legge non è mai stata applicata anche perché nel caso di costante applicazione una buona parte del popolo veneziano dovrebbe essere mutilato.
Terminiamo aggiungendo che l’insulto diviene particolarmente offensivo e volgare sostituendo la parola "mona" con il sinonimo "figa".
.jpg)
Tocasso de mona
Toco de mona de altra spece
LEGGI I COMMENTI (3)
-
PERMALINK
giovedì 19 ottobre 2006 - ore 13:27
ECO QUA!!!
(categoria: " Pensieri ")
Cionsilià a tuti i musoni!!!!... La Draghi ghe ne ga un mucio!!!
LEGGI I COMMENTI (2)
-
PERMALINK
mercoledì 18 ottobre 2006 - ore 16:12
RARA RAFINATESSA!
(categoria: " Pensieri ")
Marieta Bernardoni Tegheta nonostante el nome altisuonante ze ex agricola fiola de na fameja de soponi rumatera... Pare, mare e fradeo ga la stessa rafinatessa de un macaco del Borneo... Sta tosa ga conossuo un ragasso de bona società el quale se ga inamorà perdutamente e vorìa conóssare i futuri suoceri prima de convolare a giuste nosse e stramassarse Marieta. La roba preocupa miga poco la tosa che dovarìa invidare el moroso in casa a na sena tuti insieme: i tre salvàdeghi che conpone la so fameja ze abituai a ingossarse cofà porsei da grassa, porchesare, rutare e scorezare a tonfon. Ma el toso insiste e bisogna decìdarse a fare el gran passo.
Un poco in pensiero Marieta organisa el tuto: gnente menestra senò i tre tirarìa su come ponpe aspiranti, gnente fasoli par evitare bonbardamenti inconsulti, gnente pesse parché i tre no savarìa gnanca lontanamente da che parte cumissiare... In più corso veloce de bon ton par evitare che coi pironi i se cava le càmole o col tovagliolo i se supia el naso. Inoltre par garantire el totale sucesso dela sena i tre ga da osservare un totale silensio, cussì almanco in tola no svola resie e porchi... I tre aceta e vien fissà la data. El toso riva, se presenta e se senta a tola tra sorisi a trentadodenti e un silensio rispetoso fora dei modi. Solo Marieta parla e tuto pare andare par el verso giusto. El magnare ze bon e pian pianeto la sena riva ala fine.
A sto punto el toso dimanda gentilmente de poter andare in tualet. La mare se spaventa e desmentegàndose ogni avertensa taca dire spasemà:
- Marieta, par Dio, cori intel cagauro e despica i calseti de to pare che gò picà sul canon dela stua a sugare! -
El fradeo sentindo parlare de calseti se sente in dovere de dire la sua:
- A proposito de calseti, podarìa savere chi ze chel loamaro che ieri se ga snetà el dadrìo coi mìi da festa??? -
Al che el pare risponde:
- Mi no de sicuro visto che ze tre dì che no cago gnanca un stronseto inpetrio, porco qua e porco là!!!
LEGGI I COMMENTI (1)
-
PERMALINK
martedì 17 ottobre 2006 - ore 06:43
MÈJO EL ITALIAN O EL VENETO?
(categoria: " Pensieri ")
Ogni tanto (ansi quasi ogni dì) sui giornali vien fora le solite vacade fruto de riflession che ga più del ginecologico che del cerebrale: pensieri da mone, insoma. L’ultima grandissima vacada che gò leto riguarda un sondaglio sul sesso dal quale esso il cui risultarìa che ze più sexy e ecitanti (in parole pòvare “fa più ingalare i mas-ci”) le done che parla in dialeto che quele che parla in fin o in italian. E sodisfassion no da poco le più apetibili pararìa èssare quele che parla in veneto. Toh, ciapa!!! E pensare che darente casa mia na bona parte dele gentili signore se sforsa fora dai modi par parlare in talian parfeto. Una che stà poco distante da casa mia normalmente usa un linguagio forbitissimo co i toseti e le amighe ma quando che la ze casa e i congiunti (in particolar modo la suocera e el marìo) ghe frantuma le tole la trà de quei porchi e resie spaventevoli da andare indrìo schina. Deventando cussì secondo el sondaglio na dona desiderabile squasi quanto la Ferili. Anca la Malia Tetona, robustisima vedova cinquantene che oltre a do tetasse de trèdese chili l’una de picolon ga anca in dotassion un paro de mostacioni da Ghiness dei primati, co la va in giro la tira la bocassa fin a farla deventare un buseto a culo de galina e serca de fare la vosse caressevole parfin co la va in pescheria:
- Bongiorno sior pessivendolo: mi dagga, par piassere pagando, un chilo bondante di renghe infumegatte, da uovi mi racomando, no da late, e un mèzo chilo di folpi... che sipiano da feci... acipichia, ogi gò un robusto apetito....
Vuto mètare quanto più seducente che la sarìa se la esordisse cusì:
- Ciò, capo, che Dio la spolpa: el me daga un chio de renghe da ovi e mèzo chilo de polpi da caca che gò na fame che magnarìa anca un toseto col panolon e tuto, sacramentona!!!
Toni Tega, che passa tuta la matinata in pescarìa par védare se el ze bon de ingansare qualche tenca (legi: “adescare una dona”), a sentire un discorso cussì ghe ze sdrissarìa le antene, i peli nele rece e anca altre robe e saltarìa parària cofà un bussoloto de carburo:
- Vieni meco, dolce Malia dele mie malie, che se ti guanto ti meno in teza, ti sbrego le mudande, e ti dò na trapanada con mio trapano percussore co ponta da venti da murari da farti andare via a gatognao par oto dì... Giuda onto fillio di mussa!
Secondo el sondaglio però la risposta dela Malia podarìa èssare na slepa mortale sui stefani del poro Toni e na rata de insulti terificanti. Come mai???... Parché i òmeni più sexi e cucadores ze queli che parla sì in dialeto ma in toscan.... Queli invesse che parla in veneto ala done ghe fa bao, ansi pitosto de darghela a sti soponi le se fa copare. Conportamento noto in pissicologia sessuale come “Sindrome dela Santa Martire”. Savìo cossa che ve digo?: gò fato un sondaglio tra i me conpaesani... La domanda gera questa: “Cossa pénsito, di grazia, (par dare tono estremante educato) dei sondagli de opinione?” Ecove i dati:
el 38% me ga mandà a farla sule roe ( o sule ortrighe)
el 27% i sondagli se li peta sui maroni
el 12% no sa cossa che i ze
10% no ga risposto parché gera drio fare un sondaglio
8% li odia parché i ze velenosi (i ga da averli confusi co i “sarpenti a sondagli”)
5% (formà da Toni Bugansa, Gineto Scataron, Giovani La Prostata, Marieta Busolin, Tilio Caregheta, ze entustiasti e anzi i voleva che ghe ne vendessi un paro a testa (da peri)... ma no i fa testo in quanto i ze tuti e sinque dei grossissimi mone...)
Ma da tuto questo cosa ne deduco???... Elementare Watson: chi che crede ai sondagli se no ze mona ze cuco!!!
COMMENTA (0 commenti presenti)
-
PERMALINK
domenica 15 ottobre 2006 - ore 09:21
VIAJO TORNO EL CODEGHIN O MUSETO
(categoria: " Ricette ")
Dedicà a Beat Shop che ga da èssare un sbafadore a nastro!!!
Intanto bongiorno a tuti... bruta jornada oncò... a me sento sgionfo... Che sia gnanca la magnada de jeri sera?.... Strano: a gò magnà un piato de risi in bianco e gò bevù do litri de nero: ga da èssarme stà sul stómego el riso!...Boh.....
Ma tornemo in tema, come ga dito l’alievo senpio Marieto Piva dopo aver scrito mèzo tema sul banco. El codeghin, dito anca cuesin, coesin o museto na volta gera el salado dei poareti. Ansi, par èssare più precisi, dei peociosi nulatenenti, visto che poareti più o meno se gera tuti. El vegneva fato sù co tuti i avansi de carne del porseo e el gera grasso ora dai modi. Amigo intimo del colesterolo, el museto vegneva sbranà lesso co grandissime scassolà de puree de patate... Ala fine del luculiano pasto se se ciuciava i déi che gera onfegà in maniera vergognosa parché el codeghin par èssare particolrmente bon el ga na avere na carateristica unica: quela de èssare petente e tachente, e de desfarse in boca.
Termino sta soferta na intensa analisi del codeghin afermando co gran sicuressa che come tanti altri magnari (polenta, osseti, luganega,ecc) anca el museto ze entrà nel novero dei piati da ristorante de lusso e che el vien fato sù co estrema cura e tanto manco grasso de na volta vista la paura boja del costesterolo,, pur nel rispeto dele tradission e del nostro bon magnare veneto...
El modo de dire veneto
Partire salado e tornare museto
Vol dire viajare par gnente, no fare esperiense utili e tornare casa più macachi de quando se ze partìi....
L’ANTIPASTO: CODEGHIN IN SFOJA
Cossa ghe voe par 6 persone
Un codeghin del peso de sirca 800 grami – 300 grami de pasta sfoja – 300 grami de radicio rosso passà nel butiro – 20 grame de formajo fresco (montasio, asiago, lateria) – un ovo.
Tachemo coi lavori
Cusinare el codeghin, cavarghe el bueo, e métarlo a rafredare, destirare la sfoja che ga da avere un spessore de sirca 2-3 milimetri. Destirare un leto de radicio che poco prima gavì fato passà velocemente al butiro, metarghe sora el codeghin, métarghe sora el formajo tajà a fetine e fare sù un ròdolo come se gavessi da fare un strudel. Spenelare i bordi dela sfoja co l’ovo sbatuo, sigilare puito i bordi jutandove co la schina de un cortelin, spenelare co l’ovo tuta la pasta e métare in forno a 180° par sirca 20 minuti... Quando la sfoja ze cota e bela dorata tirare fora dal forno, tajare a fetine e servire subito.
El me consilio
Sto sinpatico antipasto ze adato ala stajon invernale quando nela nostra canpagna se copa el ma-cio e cussì se poe catare i òtimi codeghini nostrani....
LEGGI I COMMENTI (1)
-
PERMALINK
sabato 14 ottobre 2006 - ore 12:19
EDUCASSION SESSUALE
(categoria: " Riflessioni ")
Ze ormai na paca de ani che de l’educassion sessuale ghe na parla tuti. Al’asilo le suorete scumissia mostrandoghe ai putini infanti le vrespe che tronba i fiori, ale scole elementari i maestri da le prime nossion su le vergogne umane, spiegando el funsionamento dei vari atressi. Ale medie se spiega l’uso del goldone-preservativo, dela pilola e i tosati fa, molto scrupolosamente, pratica manuale in cesso. Ale superiori i spiega come fare par no stare insinte, i distribuisse goldoni omaggio e tra un spinelo e un canon i tosi scrive su par i muri robe onte e svergognose.
Anca i preti dise la sua di loro opinione ( ma che casso ne sali se, teoricamente, i dovarìa essare verginissimi?) e i aferma solenemente che menarse la broca xe da onti pecatori e porsei. (i pissicologi invesse, altretanto scrupolosamente, aferma che i sguaratamenti manuali serve da alenamento e i fa benissimo!). Anca fare le pecorina xe na roba che no va ben e secondo i preti bisognarìa tronbarse o stramassarse solo par fare fioli... i quali inocenti pargoli dopo sie ani inpienaria le scole ronpendoghe le togne ai maestri e ale maestre che nel 90% dei casi finiria la brilante cariera in sanatorio o in manincomio a Brusegnana reparto “fora cole oche”. Intanto però el popolo continua inperterito a produre pedofili (rassa de delinquenti schifosi!), violentadori, protetori, travestiti, recioni e na gran quantità de sbudorate che inpiena i marciapiè.
Me sorge el dubio che nonostante tuta la bona volontà de sti “educatori” l’ Italia sia formà da na grandissima smanicata di “maleducati sessuali”!!!
.jpg)
(maniaco sessuale porseo e onto... che Dio lo sbrega par metà)
COMMENTA (0 commenti presenti)
-
PERMALINK
> > > MESSAGGI PRECEDENTI
[ SONO OFFLINE ] 